Armagedón abudauɗe Dachi Akõre chĩoruu chi kobiernorã nau iujãaɗebena ome. Chi gobiernorã mauɗe chi ãchia aiɗa duanuurã maarãba ũriɗa kʉ̃riaɗawẽe chi Dachi Akõreba jara ɓuu (Salmo 2:2). Chi guerra Armagedón a ɓuuba acabayua chi kobierno ẽbẽrarãɗebena nau iujãaɗe (Daniel 2:44).

 Chi beɗea “Armagedón” aɓaburu unu ɓua Bibliaɗe, libro Apocalipsisɗe ɓua. Bibliaba jara ɓuu cha nau profecía: “Joma druachaɗebena reyrãmaa jarakuaɗe wãsiɗau Dachi Mechiu ome chĩoɗe wãɗamera chi Dachi Akõre Joma Poyaabarii kastikai ewariɗe. Maarãba hebreo beɗeaɗe Armagedón abadau druaɗaa chi reyrã chĩoɗe uaɗosiɗau” (Apocalipsis 16:14-16, Biblia Chamí, WPS.).

 ¿Kairã chĩoɗaiba chi guerra Armagedonɗe? Jesús chi angelerã omeeba acabaɗayua chi Dachi Akõre iadaa ãrĩã nureerã (Apocalipsis 19:11-16, 19-21). Joma acabaɗayu chi Jeowaba jara nii ũriɗakaurã mauɗe chi Jeowa atua jaranũrẽrã siɗa​ (Ezequiel 39:7).

 ¿Sama baiba chi guerra Armagedón? Chi guerra Armagedón joma nau iujãaɗe bayua, ara aɓa ɓuumareburu wãe bayua (Jeremías 25:32-34; Ezequiel 39:17-20).

 Chi beɗea “Armagedón” a ɓuuɗe (hebreo beɗeaɗe Har Meghiddóhn) nauba jara ɓuu “Mode Meguidoɗebena”. Meguidó puuru choroma basii israelitarã nureaɗa baɗa. Mare koɓooɗa ẽbẽraba jarabadau jãu kaita guerra importante ãrĩã ɓuu baraaɗa, chi ɓee guerrarã Bibliaba nebʉrʉ ɓuuɗebena jãma pasaɗa (Jueces 5:​19, 20; 2 Reyes 9:27; 23:29). Bariara jãka ɓuumiɗa, Armagedón puuru Meguidoɗe kuɓuu wãʼãema, jamaria mode wãʼãema bẽrã. Mauɗe, Dachi Akõre mauɗe chi ichi ome chĩobudaurã ãbua poyaa duanaabai, valle Jezreelɗe, chi puuru Meguidó kuɓuuɗe biɗĩika ɓuuɗeeba. Mauɗeeba jarabadau guerra Armagedonɗe joma gobiernorã nau iujãaɗebena ãbua imibudau Dachi Akõre gobierno ome chĩoɗai baita.

 ¿Kãare pasaiba Armagedonɗe? Dachirãba adua chi poder Dachi Akõreɗeeba kãare pasayu, naeɗe aseɗa baɗa kĩraka aseburua maarãɗeeburu:​ hielo kui kĩra bayua, ioromia, do chesii, bajãaɗebena tʉbʉ aoko kui kĩra neeyua, bã ʉ̃ɗaaɗe bayua, ẽpermabiabadaurã ãrĩã barai (Job 38:22, 23; Ezequiel 38:19, 22; Habacuc 3:​10, 11; Zacarías 14:12). Chi pasa kuɓuuɗeeba ãchia biꞌia kʉ̃risiaɗaabayua, mauɗeeburu chi nureerãba chiya beataɗayua, maaɗakareburu ãchia kuitaaɗayua Dachi Akõreburu jãka chĩomaa ɓuu (Ezequiel 38:21, 23; Zacarías 14:13).

 ¿Chi Armagedonba chi iujãa acabatai ɓuubaka? Dachi iujãa Armagedonba acabaabayua. Chi iujãa wauɗa basii ẽbẽrarã biuɗawẽa jama nureaɗayu (Salmo 37:29; 96:10; Eclesiastés 1:4). Jãuɗeeba, Armagedonba joma acabaabayua. Armagedón pasaɗakare, chi jipa nureerã chokae nureaɗayua (Apocalipsis 7:​9, 14; Salmo 37:34).

 ¿Kawabi ɓuẽ chi Bibliaba chi Armagedonba “acabayu chi iujãa”? Bibliaɗe chi ɓee textoba jara ɓuu chi beɗea iujãa, maamina naka jara ɓuu sama dachi vivi nuree. Mauɗe, besɗe chi beɗea “iujãa” jara ɓuu chi ẽbẽrarãba Dachi Akõre ũriɗa kʉ̃riaɗawẽe (1 Juan 2:15-17). Armagedonba acababuruu chi ẽbẽrarã chi Dachi Akõre ũriɗa kʉ̃riaɗakaurã (Mateo 24:3).

 ¿Sakaeɗe chi guerra Armagedón bayua? Chi guerra Armagedón nei naeɗe ẽbẽrarã ãrĩã biʼiwãe panaɗai, nauɗebena Jesusba naka jara ɓoosii: “Maamina aɓau biɗa mau ewari sakaeɗe makai adua panuu. Chi angelerã biɗa mau adua panuu. Mʉ, chi Ẽbẽra Ba Ɓuaɗa biɗa adua ɓuu. Aɓaburu mʉ Chacháburu mau kuitaa ɓuu” (Mateo 24:21, 36, Biblia Chamí, WPS.). Mauɗe chi Bibliaba jara ɓuu Jesús goberna koɓeesii 1914ɗeeɗabena, maaɗakare ichia gobernamaa ɓuumisa ʉtʉ bajãaɗe, chi guerra Armagedonɗe neeyua (Mateo 24:37-39).