¿Chi profeciarã Bibliaɗebenaba jara panue Jesusdu chi Mesías?
Chi Bibliaba panau ɓuu
Ei. Ichi iujãaɗe niimisa, Jesusba profeciarã ãrĩã barau cumpliɗa basia chi “Mesías chi Líder” ʉ̃rʉbena, “chi Ẽbẽra nau iujãa karibaɗe neeyua” (Daniel 9:25; 1 Juan 4:14). Maubapeɗa ichi biuɗa baɗa kaaɗe, Jesusba waaburu cumpli ɓoosia chi profeciarã chi Mesías ʉ̃rʉbena (Salmo 110:1; Hechos 2:34-36).
¿Kãare jara kʉ̃ria ɓua chi trʉ̃ Mesías?
Chi beɗea hebreoɗe Maschíaj (Mesías) ara chi jãu beɗea griegoɗe Kjristós (Cristo) “Jʉrʉ adaupeɗaaɗa” jara kʉ̃ria ɓua. Mauɗeeba, Jesucristo nau jara ɓua “Jesús chi Jʉrʉ adaupeɗaaɗa baɗa” maebʉrã “Jesús chi Mesías”.
Chi Biblia ewaɗebenaɗe, ẽbẽra jʉrʉɗayua rey baita o gobernabiɗayua jãra aceite ichi boro ʉ̃rʉ eabachiɗaa (Levítico 8:12; 1 Samuel 16:13). Dachi Akõreba Jesús jʉrʉɗa basia Mesías bai baita, nau cargo ãrĩãdu autoridad iɗaa ɓuu (Hechos 2:36). Maamina, Jesús aceiteba jʉrʉ adauɗai baɗa kãyabãra, Dachi Akõreba ichi Jauriɗeeba jʉrʉɗa basia (Mateo 3:16).
¿Duanabaaka ẽbẽrarã chi jãu profeciarã cumpliɗai baita?
Makawẽma. Jari dachi huella digitalba ẽbẽra unubarii kĩra, chi profeciarã Bibliaɗebenaba unuɗa basii aɓa nii Mesiasdu, maebʉrã Cristo. Maamina, Bibliaba jara ɓua: “Mau ewariɗe setaa jaraɗai ãchi Dachi Akõreba Dachi Karibabarii deai jaraɗa. Mauɗe waabenarãba setaaɗeeba jaraɗai ãchi Dachi Akõre baita berreabadaurã. Maarãba ẽbẽrarãba ne poyaa wauɗakau mechiu wauɗai ẽbẽrarã setaa kũruaɗai baita. Dachi Akõreba jʉrʉ adauɗarã siɗa poyaa setaa kũruapeɗaaɗa basirã, ãchi siɗa setaa kũruaɗai basii” (Mateo 24:24, Biblia Chamí, WPS.).
¿Chi Mesías waya neebaaka?
Makawẽma. Bibliaba jaraɗa basii chi Mesías Davidɗebena uruburuu, ichi rey Israelɗebena baɗa (Salmo 89:3, 4). Maamina, chi registrorã chi rey Davidɗebena kairã saka uru kuɓuu ichi deɗebena perdeɗa basia. Chi nau joma kõekuapeɗaaɗaka ɓuu chi romanorãba año 70ɗe Jerusalén adausiɗauɗe. a Mamaeɗeeɗabena, wãʼãebʉ kaiba jarayu chi rey David deɗebena urupeɗaaɗa baɗa. Maka ɓumina, jãarã registrorã Jesús ewaɗe baraaɗa basia, ichi iadaa duanuurãba ãyaa jaraɗaabasia Jesús David deɗebena uru ɓoosii (Mateo 22:41-46).
¿Sãabe profeciarã Mesías ʉ̃rʉbena Bibliaɗe ɓua?
Poyaa biʼia jaraabai ɓua sãabe profeciarã barau Mesías ʉ̃rʉbena. Chi jãarã profeciarã ɓaʼãra diwara jusiai ɓua Bibliaba ariɗe chi Mesías ʉ̃rʉbena jara ɓuumare. Por ejemplo, Isaías 53:2-7 jãma jara ɓua chi Mesiasmaa ne joma pasai ʉ̃rʉbena. Chi nureeba jarabadau naarã aɓa ɓuu profeciarãdu abadaa, mauɗe chi nureeba jarabadau aɓaaɓauɗe profeciarã diwara ɓee.
Chi ɓee profeciarã Jesusɗe cumplipeɗaaɗa
Pasaɗa baɗa |
Profecía |
Cumpliɗa baɗa |
|---|---|---|
Abrahán deɗebena neeɗa baɗa |
Génesis 22:17, 18 |
|
Isaac deɗebena neeɗa baɗa, ichi Abrahán warr baɗa |
Génesis 17:19 |
|
Chi tribu israelita Judaɗebena baɗa |
Génesis 49:10 |
|
Rey David deɗabena baɗa |
Isaías 9:7 |
|
Virgen warr basii |
Isaías 7:14 |
|
Belenɗe naceɗa baɗa |
Miqueas 5:2 |
|
Emmanuel trʉ̃apeɗaaɗa b |
Isaías 7:14 |
|
Jesús akõrerã chi nejarra ãrĩã bara duanaabasia |
Isaías 53:2 |
|
Jesús naceɗakare wãwarã ãrĩã kenasiɗaa |
Jeremías 31:15 |
|
Egiptoɗebena iupeɗaaɗa basia |
Oseas 11:1 |
|
Nazarenoka unu panaɗaa c |
Isaías 11:1 |
|
Ichi naeɗe jarabarii neeɗa basia |
Malaquías 3:1 |
|
Mesías kĩra jʉrʉ adaupeɗaaɗa año 29ɗe d |
Daniel 9:25 |
|
Ichi Dachi Akõreba ichi Warr kĩra jaraɗa baɗa |
Salmo 2:7 |
|
Dachi Akõre deɗe ichi chi kʉ̃ria baɗaa |
Salmo 69:9 |
|
Beɗea biarã jaraɗa basia |
Isaías 61:1 |
|
Ichia Galileaɗe jaradeaɗa kĩrabara ʉ̃ɗaa kuɓuuka ɓoosia |
Isaías 9:1, 2 |
|
Moisés kĩra milagro aseɗaa |
Deuteronomio 18:15 |
|
Moisés kĩra Dachi Akõreɗeeba beɗeasia |
Deuteronomio 18:18, 19 |
|
Ẽpermo keɗee ãrĩã alentibiasia |
Isaías 53:4 |
|
Ichia ara ichi ʉ̃rʉbenadu ãrĩã jarabiibaɗaa |
Isaías 42:2 |
|
Chi chuburia ãrĩã unubisii sufri keɗee kakua |
Isaías 42:3 |
|
Jaradeɗekasia chi jipa ɓuu Dachi Akõre baita |
Isaías 42:1, 4 |
|
Kĩrawãrea ãrĩãdu jarakuabachii |
Isaías 9:6, 7 |
|
Jeowa trʉ̃ jaradeɗekasia |
Salmo 22:22 |
|
Ejemplo iɗaa jaradeɗekaɗaa |
Salmo 78:2 |
|
Líder basia |
Daniel 9:25 |
|
Ãrĩãrãba ichiɗe ijãaɗaabasii |
Isaías 53:1 |
|
Mo ɓaebiburuu kĩra basia |
Isaías 8:14, 15 |
|
Ichi ida ɓupeɗaaɗa |
Salmo 118:22, 23 |
|
Barikiau kakua kĩramaa panaɗa |
Salmo 69:4 |
|
Jerusalenɗaa mura ʉ̃rʉ wãsiiɗe biʼia ãrĩã jarasiɗaa ichi ʉ̃rʉbena |
Zacarías 9:9 |
|
Warrarãba biʼia jarapeɗaaɗa ichi ʉ̃rʉbena |
Salmo 8:2 |
|
Jeowa trʉ̃ɗe neeɗa basia |
Salmo 118:26 |
|
Ichi amikoba traicionaɗa baɗa |
Salmo 41:9 |
|
30 moneda plata ɓuu kakua traicionapeɗaaɗa e |
Zacarías 11:12, 13 |
|
Ichi amikorãba ɓuipeɗaaɗa |
Zacarías 13:7 |
|
Setaa jarabadaurãba atua jarasiɗaa ichi ʉ̃rʉbena |
Salmo 35:11 |
|
Setaa jara duanuu kĩrapeta beɗeabasia |
Isaías 53:7 |
|
Kĩadarrmaa iɗukuaɗa |
Isaías 50:6 |
|
Boromaa bakuruba upeɗaaɗa |
Miqueas 5:1 |
|
Ichi pebewasiɗau |
Isaías 50:6 |
|
Ichi kĩadarrmaa sĩɗakare apii ɓeesii |
Isaías 50:6 |
|
Gobernanterãba ãyaa beɗeasiɗaa ichi ʉ̃rʉbena |
Salmo 2:2 |
|
Jua jĩrʉ baare merapeta jiranuu bakurumaa |
Salmo 22:16 |
|
Ichi ropa premio kĩra adausiɗaa |
Salmo 22:18 |
|
Pecador kĩra unupeɗaaɗa |
Isaías 53:12 |
|
Atua jarasiɗau, iadaasiɗaa |
Salmo 22:7, 8 |
|
Chi pecadorna kakua sufrimaa ɓoosii |
Isaías 53:5, 6 |
|
Kĩrabara Dachi Akõreba ɓuiɗa kĩra ɓoosia |
Salmo 22:1 |
|
Vinagre hiel abadauɗaa ɓuu deasiɗaa doyua |
Salmo 69:21 |
|
Ichi obisia kerasia biubarii naeɗe |
Salmo 22:15 |
|
Dachi Akõremaa ichi Jauri dearuu jarasia |
Salmo 31:5 |
|
Ichi vida deasii |
Isaías 53:12 |
|
Biubarisia chi pecado ẽebariyua |
Isaías 53:12 |
|
Ichi ɓʉʉrʉ aɓa biɗa ɓʉataɗaabasii |
Salmo 34:20 |
|
Ichi supeɗaaɗaa |
Zacarías 12:10 |
|
Ʉapeɗaaɗa ʉrriko kĩra |
Isaías 53:9 |
|
Waya piradrubisiɗaa |
Salmo 16:10 |
|
Ichi traicionaɗa baɗa junebena ome cambiasiɗaa |
Salmo 109:8 |
|
Dachi Akõre jua biare aka ɓuu |
Salmo 110:1 |
a Chi karta Cyclopedia McClintock mauɗe Strongɗebenaɗe jara ɓuu: “Chi registrorã eɗa ɓʉ kuɓuu chi triburã mauɗe judío deɗabenarã maarã acabapeɗaaɗa baɗaka ɓuu chi Jerusalén ãritasiɗauɗeburu, mauɗe naeɗerawẽe.”
b Chi trʉ̃ hebreo Emmanuel, mauba jara kʉ̃ria ɓuu “Dachi baare Dachi Akõre kuɓuu”, biʼia jara ɓuu joma Jesús chi aseburuu Mesías kĩraka. Ichi iujãaɗe nibasiiɗe mauɗe chi aseɗa baɗa nauba unubiasii Dachi Akõre ara kaita nii ichi kʉ̃riaɗapeɗa ũri nureerã ome (Lucas 2:27-32; 7:12-16).
c Chi beɗea Nazareno hebreo beɗeaɗe nétser nee kuɓuuka ɓuu, jãu jara kʉ̃ria ɓuu “tonooruu”.
d Bichia kawa kʉ̃ria ɓuubʉrã chi Bibliaɗe jara kuɓuu chi Mesías neeburuu año 29ɗe, leas chi artículo “El profeta Daniel predice la llegada del Mesías”.
e Cha nau profecía chi libro Zacariasɗe kuɓua, Bibliaɗe Mateoba jara ɓuu “beɗeaɗa baɗa chi profeta Jeremiasba” (Mateo 27:9). Ɓesɗe Bibliaɗe chi parte “chi Profetarã” a ɓuumaa naaburu chi libro Jeremías kuɓuubachiɗauka ɓuu (Lucas 24:44). Mateoba “Jeremías” ʉ̃rʉbena beɗea ɓoosiiɗe joma jãu librorãɗebena beɗeabachiika ɓuu, jãma eɗa biɗa ɓoosii chi libro Zacariasɗe.
Nau siɗa bustai ɓua buchia
¡DESPERTAD!
Wẽra judía niiba biʼia jara ɓuu sakayua ɓuisii ichia kerea nibaɗaɗe
¿Kãareba akawa ijãabisaa Racquel Hallmaa Jesús chi Mesías basii ichia ãrĩã espera nibaɗa?
