¿Saka nibaɗa Jesús kĩadarr chi kakua baara?
Chi Bibliaba panau ɓuu
Chi Bibliaba jara ɓuuwẽe bẽrã importantewẽe ɓoosii saka nibaɗa Jesús kĩadarr chi kakua baara. Maka ɓumina, Bibliaba chi ɓee jara ɓuu dachimaa kʉ̃risiabi ɓuu saka nibaɗa Jesús.
Kĩadarr: Jesús Judío basia mauɗe chi naweɗebena adausii chi kakua chi semitarãɗebena (Hebreos 7:14). Dachimaa ichi kakua chi kĩadarr baara ãyaa nibaabasii junebena ome, ichi wãsiiɗe Galileaɗebena Jerusalenɗaa, ichi biʼia reconoceɗaabasia (Juan 7:10, 11). Ãyaa nibaabasii kĩra ɓuu chi discipulorã ichi audeara kaita nibabarii ome. Kʉ̃risiaɗaika Judas Iscariote ichiaburu jaraɗa basii kai basii chi ẽbẽra neko baara imiɗapeɗa jidauɗe neesiɗauɗe (Mateo 26:47-49).
Buɗa: Dachimaa Jesús buɗa deseroa awa nibaabasiika ɓuu “mukĩraba buɗa deseroa awa niibʉrã nejasia ɓuu” (1 Corintios 11:14, Biblia Chamí, WPS.).
Irakara: Jesús irakara nibasia. Ichia ũriɗa basii chi ley judía. Ẽbẽrarã dawaraurãmaa chi leyba wãaka basii mukĩrarã dawaraurãmaa chi irakara tõoɗayu baita (Levítico 19:27; Gálatas 4:4). Mauɗeeba, chi profecía Bibliaɗebenaba beɗea ɓuu chi Jesús sufriburuuɗebena jara ɓuu Jesús irakara bara nii (Isaías 50:6).
Kakua: Jesús chaarea ãrĩã nibasii. Kilometrorã ãrĩã jaradeɗekaɗe wãbachii oɗe (Mateo 9:35). Dos ɓes bʉekaɗe wãɗa baɗa chi ẽbẽrarãba nedobʉimaa duanaɗa baɗa temploɗe, chi mesarã baɗa ɓatakuasii mauɗe chi pakarãɗeeɗa peɗekapeɗa bʉekaɗa baɗa jʉ̃karaba (Lucas 19:45, 46; Juan 2:14, 15). Libro aɓa ɓuuba jara ɓua: “Chi evangelioba jara ɓuu [Jesús] ichi kakua biʼia ãrĩã nibasii” (Cyclopedia de MʼClintock y Strong, volumen IV, página 884).
Chi kĩadarrɗe saka unubibachii: Jesusba kʉ̃ria ãrĩã ua nibapeɗa mauɗe biʼia ãrĩã nibasia, ẽbẽraɗebena chuburia ãrĩã sentibachia mauɗeeba ichi kĩadarrɗe jãka unubibachia (Mateo 11:28, 29). Barikia nureerã ẽbẽrarãba jʉrʉbachiɗaa ãchi kĩrajʉʉ sentiɗapeɗa mauɗe aiɗabiɗayua (Lucas 5:12, 13; 7:37, 38). Chi warrarã chekerãɗeeɗa kĩrajʉʉ ãrĩã sentibachiɗaa ichi jʉ̃kaa (Mateo 19:13-15; Marcos 9:35-37).
Setaa jara duanu Jesús kĩadarr kakua baara
Chi nureeba ãyaa jarabadau: Chi nuree ẽbẽrarãba kʉ̃risia panuu Jesús paimaa nibaɗa, mau chi libro Apocalipsisɗe jara ɓuu chi buɗa lana kĩraka nii “ichi jʉ̃rʉ bronce” (Apocalipsis 1:14, 15, Biblia Chamí, WPS.).
Chi ariɗe ɓuu: Chi libro Apocalipsisɗe jara ɓuu ejemplorã ãrĩãturu (Apocalipsis 1:1). Jãma jara ɓuu chi buɗa mauɗe chi jʉ̃rʉ Jesusɗe, jãu ejemplo jaradea ɓuu dachimaa Jesús piradruɗakare saka nibasii. Mauba jarawẽa kuɓuu saka nibaɗa ichi kĩadarr chi kakua baara iujãaɗe nibasiiɗe. Apocalipsis 1:14 (Biblia Chamí, WPS.). jãuɗe beɗea ɓuu “chi buɗa meraa torroa ɓuasii oeja kara kĩra maebʉrã nieve kĩra”, chi buɗa torroa ɓuu jãuba unubi ɓuu Jesús ichi kʉ̃risia ãrĩã bara nibaɗa añorã ãrĩãturu vivi niiɗeeba (Apocalipsis 3:14). Chi nau versiculoba jara kʉ̃riawẽa ɓuu chi Jesús buɗa lana kĩraka ɓuu mauɗe jara kʉ̃riawẽa ɓuu nieve kĩraka ɓuu.
Jari Juanmaa unubisii Jesús “jʉ̃rʉ bronce tʉbʉɗe kuɓuɗakare urua kuɓuu kĩra ɓuasii” (Apocalipsis 1:15, Biblia Chamí, WPS.). Mauɗe “ichi kĩedarr ʉmada teɗechoa kĩra ɓuasii” (Apocalipsis 1:16, Biblia Chamí, WPS.). Chi Juanmaa unubiɗa baɗa ejemplo kĩra ɓuu nau iujãaɗe wãʼãe ẽbẽra chi e jãu kĩraka. Chi nau versiculoɗe jara ɓuu Jesusɗebena ichi piradruɗakare “ichi ɓuumaa jẽratĩu ɓuuɗeeba aɓa biɗa ara kaita poyaa wãɗaabai panuu” (1 Timoteo 6:16, Biblia Chamí, WPS.).
Chi nureeba ãyaa jarabadau: Jesús surebari nibapeɗa poyaawẽebaika niba basii.
Chi ariɗe ɓuu: Jesús surebari nibaabasia, ichi chaarea nibapeɗa joma ase nibasia. Ãrĩã neko baara imiɗapeɗa, ichi jidauɗe neesiɗauɗe, ichia perawẽa jarasii ichíturu jʉrʉ nibasiɗau (Juan 18:4-8). Maka ɓumina Jesús kakua chaarea ãrĩã nibasia, ichia bakuruba wau ãrĩã nibasii bẽrã ichi kakua kĩra ʉɓʉa ãrĩã nibasii (Marcos 6:3).
Makarã, ¿sakayua Jesusba nesitasaa aiɗabiyua chi bakuru ũkuru ichi jira nureaɗai baita? ¿Sakayua ichi naeɗe biusaa ichi jʉ̃kaa jira panasii? (Lucas 23:26; Juan 19:31-33). Beaɗai naeɗe, ichi ãrĩãturu poyaawẽebai kuɓuuɗeeba, ẽsebuɗe akawa kãiwẽe basia, ichi ãrĩãturu nomaa koɓeesiiɗeeba (Lucas 22:42-44). Chi judiorãba ichi ãrĩãturu, kachirua asesiɗau ẽsebuɗe, chi romanorãba ãrĩã puʼua wãusiɗau norema (Mateo 26:67, 68; Juan 19:1-3). Mauɗeeburu ichi isa biubisia.
Chi nureeba ãyaa jarabadau: Jesús ara jãka nomaa ɓoosia.
Chi ariɗe ɓuu: Jesús chi Akõre bajãaɗebena kĩraka nibasia, chi Bibliaba jara ɓuu, ichíturu chi Dios kĩrajʉʉ ãrĩã nibabarii (1 Timoteo 1:11; Juan 14:9). Jesusba kawabiaɗa junebenarãmaa saka kĩrajʉʉ nureaɗayu (Mateo 5:3-9; Lucas 11:28). Jãuɗeeburu kuitaa nurea, Jesús ichi kĩra daaɗe ichi kĩadarrɗe, kĩrajʉʉ ãrĩã nibasii.
Nau siɗa bustai ɓua buchia
ENSEÑANZAS IMPORTANTES DE LA BIBLIA
¿Saka kuitaapanaa Bibliaba ariɗe jaraɓuu?
Dachi Akõreba Biblia ɓʉbiɗabasirã jãu libro diwara ɓoi basia waabenarã libroɗeebiɗa.
DAIRÃ ƊEBENA
Wiɗis bʉchi ochiaɗe wãi baita
Kawaba chi Bibliaba jara ɓuuɗebena maabea kawase aude Jeowa ɗebena Jaranũrẽrãɗebena.