¡DAU OMEA NIBABA!
Año 2022ɗe iujãaɗaa miadaa ãrĩã neesii: ¿Chi Bibliaba kãare jara ɓua?
Año 2022ɗe problemarã ãrĩã unusiɗau noticiaɗe, chi guerra, joma audeburu caro koɓeesii, kue ãrĩã che kuɓuuba deeɗa joma tapakua ioro kua wãburuuba. Mau joma chi Bibliaburu jara kuɓuu sakayua naka unu kopaneesii.
¿Sakayua 2022ɗe nau joma naka unusiɗau?
Cha nau joma pasa kuɓuu unusiɗau chi año basiiɗe, jãu chi Bibliaba jara ɓuu chi “último diarãɗaa” nee koɓeeruuɗeeba (2 Timoteo 3:1). Cha naka unu kopaneesii 1914ɗebena mamaeɗeeɗa unuɗa baɗa. Kawaɗaika saka chi iɗibea pasa kuɓuu araɓau ɓuu chi naeɗe Bibliaba jara ɓoosiiɗebena ome.
“Peliabudaurã puurucha” (Mateo 24:6).
“2022ɗe tera koɓeesii neeburuu chi Guerra Europaɗaa”. a
Ochias chi artículo “Rusia invade Ucrania”.
“Jarrbisia ãrĩã barai” (Mateo 24:7).
“2022ɗe naka jarrbisia kuɓuu unukaɗa baɗa”. b
Ochias chi artículo “Ucraniaɗe guerra ase kãriɗau kakua joma iujãaɗe chiko ɓaʼãra ɓeeɗaa”.
“Ẽperma duanaɗai” (Lucas 21:11).
“Polio maucha neesii, chi viruela del monoba ẽbẽrarã aribia ẽpermakuasii, mauɗe chi COVID-19ba ẽbẽrarã abiɗa kenamaa ɓuu. Jãarãba dai ãrĩã ẽperma panuu, jãuba barikiau nureerã jidauɗaka kuɓuu”. c
Ochias chi artículo “6 millones ẽbẽrarã kinipeɗaaɗaa COVID kakua”.
“Chi cosa mia meʼchibena koɓeeburuu” (Lucas 21:11).
“2022ɗe joma ãrĩã wãsiapeɗa põesãa koɓeesii veranoba, bakururã siɗa baa wãuriɗapeɗa, mauɗe do warisii. Ara naka unu bara ɓeesiiba, ãrĩã acaba ɓeesii mauba ẽbẽrarã ãrĩã́turu biukuasiɗau, mauɗe cha nau iujãaɗe ẽbẽrarã ãrĩãturu ãyaa wãurimaa ɓeesii”. d
Ochias chi artículo “Akawa chi wãsia ãrĩã koɓeesii cha nau iujãa jomauɗe naeɗe naka wãsia ãrĩã ɓoobarii wãʼãe baɗa”.
“Chĩobikabudauɗe” (Lucas 21:9).
“Chi ẽbẽrarã joma nau iujãaɗebena kĩru kopaneesiɗau chi nejarra wãʼãe ɓeesiiɗauɗeeba nedoɗayua mauɗe joma ʉtaa wari koɓeesiiɗeeba mauɗeeba protesta aude asesiɗau diwara druaɗe nau año 2022ɗe naeɗe asesiɗau kãyabãra”. e
Ochias chi artículo “Nau iujãaɗe joma ʉtaaburu wã koɓeesma”.
¿Saka ɓooibaama año uruuɗe?
Akawa adua kãare barayu año 2023ɗe. Mauɗe kuitaa panuura nau Dachi Akõre Kobierno ʉtarebena neeburuuba, jãuba acababuruu jãka koɓooɗa baɗa wãʼãe baɗayu (Daniel 2:44). Cha nau gobiernoburu joma acabayu dachi sufri bara ɓooɗaɗebena mauɗe ichi juaɗeburu ua koɓeeyu joma nau iujãaɗe (Mateo 6:9, 10).
Jesusba consejo deaɗa baɗa dau omea nibaɗai baita ochiaɗayua chi nau iujãaɗe jãka kuɓuuɗebena cumplimaa ɓuu chi profecía Bibliaɗe jara kuɓuuɗebena (Marcos 13:37). Ɓʉse daimaa kawa kʉ̃ria ɓuubʉrã saka chi Bibliaba ara nauɗe bichi aiɗa ɓuuɗebena mauɗe saka aiɗai ɓuu bichi deɗabenarã ɓoapeɗa biʼia nibayua.
a Jill Lawless: “2022 Was Year the Horror of War Returned to Europe,” AP News, 8 diciembreɗe 2022ɗebena.
b “Una crisis alimentaria mundial”, Programa Mundial de Alimentos.
c Lawrence O. Gostin, JD: “Living in an Age of Pandemics—From COVID-19 to Monkeypox, Polio, and Disease X”, JAMA Health Forum, 22 septiembreɗe 2022ɗebena.
d Martina Igini: “Whatʼs Behind the Record-Breaking Extreme Weather Events of Summer 2022?”, Earth.Org. 24 octubreɗe 2022ɗebena.
e Thomas Carothers mauɗe Benjamin Feldman: “Economic Anger Dominated Global Protests in 2022”, Carnegie Endowment for International Peace, 8 diciembreɗe 2022ɗebena.
Nau siɗa bustai ɓua buchia
ENSEÑANZAS IMPORTANTES DE LA BIBLIA
¿Kãareba Dachi Akõre Kobierno?
Jesús nama iujãaɗe jaradea nibasiiɗe ichia Dachi Akõre Kobiernodu ãrĩã beɗeabachia. Yataɗeeɗa ichiɗe ijãa nureeba wiɗi duanua chi mau Kobierno neei baita.
BIBLIABA JARADEA ƁUU AUDE BIBUARA ƁEE
Chi Dachi Akõre Kobierno 1914ɗe koberna koɓeesia
Nabucodonosor jãu basii chi rey puuru Babilonia nabẽraeɗeeɗabena, ichimaa Dachi Akõreba komakaraabisia, nau beɗea iɗibea akawa kumplimaa ɓuu
DAIRÃ ƊEBENA
Wiɗis bʉchi ochiaɗe wãi baita
Kawaba chi Bibliaba jara ɓuuɗebena maabea kawase aude Jeowa ɗebena Jaranũrẽrãɗebena.
