Ẽbẽrarã ãrĩã baita diwara eɗeeba ãbua nibaɗai poyaabai ɓuu.

•   “Iujãa jomauɗe ẽbẽra e diwara niiɗeeba ãchi chiya kʉ̃riaɗakau noremachaa naka unubadaa. Nauɗeeba waabenarã ome biʼiwẽe trataɗapeɗa biʼia nibaɗakau” (António Guterres, Secretario General ONUɗebena).

 ¿Ẽbẽrarã e diwara nuree adua biʼia ãbua nibaɗai ɓue? ¿Bibliaba kãare jara ɓua?

 Bibliaba jaradeabarii Dachi Akõreba saka ochia ua ɓuu ẽbẽrarã diwara e nureerãmaa.

•   “[Dachi Akõreba] ẽbẽra aɓa niiɗeeba wausia joma ẽbẽrarã puururã choroma ɓeeɗe barau, chi iujãa jomauɗe duanabiyua” (Hechos 17:26).

•   “Dachi Akõre baita joma ara aɓaudu kirurea, ichia kʉ̃ria ua nia ichi beɗea ũribudaurã mauɗe chi joma biʼia ɓee asebadaurã” (Hechos 10:34, 35).

 Bibliaba jara ɓuu ẽbẽrarã jomaurã ara aɓau nuree mauɗe Dachi Akõreba joma dachi e diwara nuree adua kʉ̃ria ua nii.

 Ẽbẽra e diwara nuree adua ãbua nureaɗayua Dachi Akõre Kobiernoɗeeba. Nauba kawabi ɓuu saka ãchi chiya biʼia nureaɗayua. Ara nauɗe chi ẽbẽrarã e diwara nuree adua ãbua nureaɗai ɓuu mauɗe ãchia ne kachirua kʉ̃risiaɗa baɗa chi ẽbẽrarã e diwara nuree ʉ̃rʉbena waya kʉ̃risiaɗakama.

•   “Ẽbẽrarã iujãaɗe nureeba kawaɗayua saka jipa nureaɗai baita” (Isaías 26:9).

•   “Joma jipa ɓuu ase duanaduu bẽrã peleaɗawẽa bibi duanaɗayua mauɗe peraɗaabapeɗa preokupaɗawẽa duanaɗayua” (Isaías 32:17).

 Iɗibea, ẽbẽrarã aribiaurãba kawa duanuu saka waabenarãmaa respetaɗayu.

•   Bichia maucha kawa kʉ̃ria ɓuubʉrã, leas chi kartaɗe ¡Despertad! “¿Tiene cura el prejuicio?”.

•   Chi akõrerãba kawa kʉ̃ria ɓuubʉrã saka ãchi warrarã jãu ʉ̃rʉbena kawabiayua, nau leachãu “¿Cómo hablar con sus hijos sobre el racismo?”.