Añocha nau iujãaɗe jomaurã Jeowa ɗebena Jaranũrẽba mauɗe ẽbẽrarã kabanaa reunión Jesús biuɗaɗebena acordaɗayua wãuribadau ara jãka Jesusba jaraɗa kĩra (Lucas 22:19). Cha nau diaɗe acordabadau chi importante ãrĩã ɓuu chi Jesús biuɗa baɗa jomaurã kakua. Mauɗe kawabadau chi Jesusba aseɗa baɗa ãrĩã servi ɓua iɗibenaɗe mauɗe uruburuuɗebena siɗa (Juan 3:16).

 Bichi wãɗa baɗa o wãabasii chi reunionɗaa, ¿saka aiɗai ɓua Jesús biuɗa baɗaba? Ara chi Jesús jaraɗaba chi ome aseɗayu:

1.  1. Kawaɗayu Dachi Akõreɗebena mauɗe Jesusɗe biɗa. Ɓes aɓa Jesús wiɗiɗa baɗa ichi Akõremaa jara ɓuu: “Waa chokae nibayua bichi ʉ̃rʉbena kawabaraaɗai, chi Dachi Akõre aɓaburu nii bẽrã, mauɗe chi bichia bʉeɗa baɗa ʉ̃rʉbena Jesucristo” (Juan 17:3).

2.  2. Asei ɓua chi kawapeɗaaɗa. Jesusba jaraɗa aseyu ichia jaraɗa baɗa. Ichia akawa jaraɗakare chi Sermón del Monte jarasii biʼia ãrĩã ɓoosii ũrisiɗauɗeeba ichi beɗea (Lucas 6:46-48). Maabae naka jarasia: “Jãabera naarã kuitaa panuu bẽrã nau aseeduubʉrã kĩrajʉʉ nureaɗayua” (Juan 13:17).

 ¿Kawa kʉ̃ria ɓue maucha Dachi Akõreɗebena mauɗe Jesusɗe siɗa? ¿Kuitaa kʉ̃ria ɓue saka aseyu bichia kauwa kʉ̃ria ɓuuɗebena? Jãuba ãrĩã aiɗa ɓua.

 Bibliaɗebena kawaɗai Jeowaɗebena jara nuree ome jãuba aiɗa ɓuu ãrĩã ẽbẽrarãmaa Bibliaba jara ɓuu kĩra asei baita.

•   Ochias chi página “Programa Bibliaɗebena Kawayua Bichi Baita” mauchaburu kawayua.

•   Ochias chi video Bibliaɗebena kĩrajʉʉ kawa ɓooba kawai baita saka estudia kiruu Jeowa ɗebena Jaranũrẽ ome.

 Jeowa ɗebena Jaranũrẽ semanacha reunibadau Jeowa ɗebena Jaranũrẽ deeɗe. Nau reunionɗe, Bibliaɗebena kawabadau saka aseɗai Bibliaba jara ɓuu kĩra asei baita.

 Barikia kiruree ẽbẽra wãɗai ɓua; bichi Jeowa ɗebena Jaranũrẽwẽebʉrã wãi ɓua. Bichi poyaa wãburuuwẽebʉrã zoomɗeeba ũri ɓuma.

•   Chi videoɗe ¿Kãare asebadaa dai reunionɗe? Ochiai saka ɓua dai reunión kuitaai baita samaa wãɗai ɓua.

•   Jʉrʉba chi página “Konkrekasion ʉrreuniorã Jeowa ɗebena Jaranũrẽɗe”.

 Ãrĩã cartarã mauɗe videorã página internetɗe barauba aiɗabadaa kawaɗai baita Jesusba jaraɗa baɗa ʉ̃rʉbena mauɗe Jesús biuɗaɗebena.

 Bichia kawa kʉ̃ria ɓuubʉrã, saka aiɗai ɓua chi Jesús biuɗa baɗaba kabanaa ẽbẽrarãmaa, leas chi articulorã “¿De qué manera nos salva Jesús?” mauɗe “¿Por qué sufrió y murió Jesús?” o maebʉrã ochias chi video ¿Sakayua biusaa Jesús?