CAPÍTULO 37

¿Mʉ bautiza ɓubaaka ara nauɗe?

Ɓʉba chi jari kuɓuu biawãra maebʉrã setaa ɓuu:

Chi cristianorã joma bautizaɗayua.

□ Biawãra ɓuu

□ Setaa ɓuu

Dachi bautizaburuu pekao aseɗaamaaba.

□ Biawãra ɓuu

□ Setaa ɓuu

Dachi bautizaburuu salvaɗayua.

□ Biawãra ɓuu

□ Setaa ɓuu

Mʉ bautizawẽa niibʉrã, Dachi Akõreba mʉʉmaa akawa jaraabayua.

□ Biawãra ɓuu

□ Setaa ɓuu

Mʉ amikorã joma bautizamaa duanuu bẽrã, mʉ siɗa asei ɓua.

□ Biawãra ɓuu

□ Setaa ɓuu

¿CHI BIBLIABA jara ɓuu asebarika? ¿Berekabaree Dachi Akõre amiko bai baita? ¿Beɗeabarika chi Dachi Akõreɗebena kuitaa nii junebenarãmaa? Makabʉ apeɗa panauruubʉrã, mau abiɗa bautizawẽa niibʉrã, kʉ̃risia ɓuu aseyu. Maka ɓumina eseɗauba. Naeɗe kuitaa ɓooyua asei kuɓuu biʼia panausiibʉrã, chi ʉ̃rʉ wiɗi kuɓuu mau bautizai kuɓuu.

● Chi cristianorã joma bautizaɗayua.

Biawãra ɓuu. Jesusba bautizabiasia ichi discipulorã (Mateo 28:19, 20). Ichi siɗa bautizaɗa basia. Mauɗeeba Cristo kaaɗe tʉayua, bichi siɗa bautizayua kuitaa kʉ̃risia koɓeeɗakareburu, mauɗe bichi biawãra kʉ̃risia kuɓuubʉrã bautizayua.

● Dachi bautizaburuu pekao aseɗaamaaba.

Setaa ɓuu. Dachi bautizaburuubʉrã, junebena biɗa kawabadaa compromete panuu trajayua Jeowa baitaburu. Dachi comprometekaa ichi baara nibayua kachirua ase nibaɗa ida ɓuiyuaburu bari, kʉ̃ria panuu Jeowaba asebi kʉ̃ria ɓúdu aseɗayua.

● Dachi bautizaburuu salvaɗayua

Biawãra ɓuu. Jari Bibliaɗe eɗa jara ɓuu kĩra, dachi salvayua importante ãrĩã ɓua bautizayua (1 Pedro 3:21). Bichi bautizaburuuɗeeburu salvaabayua. Bichi bautizaabayua salva kʉ̃ria ɓuuɗeeba. Jeowa kʉ̃ria niiɗeeburu mauɗe bichi corazonɗeeburu trajayua joma ichi baita (Marcos 12:29, 30).

● Mʉ bautizawẽa niibʉrã, Dachi Akõreba mʉʉmaa akawa jaraabayua.

Setaa ɓuu. Santiago 4:17 (Biblia Chamí, WPS.) naka jara ɓuu: “Chi biꞌia waui kuitaa ɓuuba maka wauwẽebʉrã, kachirua wau ɓuu”, jãka bichi bautiza ɓuu makawãe ɓuu. Mauɗeeba naka kʉ̃risiaba: ¿Kuitaa ɓuka Dachi Akõreba jara ɓuu kãare aseyu? ¿Kawayua kãare aseyu? Makarã beɗeayua bichi akõrerã ome makawẽebʉrã chi cristiano kuitaa ɓuu nii ome. Ãchirãba aiɗaɗayua bichi bautizai baita.

● Mʉ amikorã joma bautizamaa duanuu bẽrã, mʉ siɗa asei ɓua.

Setaa ɓuu. Bichi bautizayua bichi corazonɗeeba ase kʉ̃ria ɓúdu (Salmo 110:3). Jãka aseyua biʼia ãrĩã kawaɗakareburu sakaba mau Jeowa ɗebena Jara nibabarii bayu, mau biawãra kuitaa kuɓuuɗéburu maka bayua (Eclesiastés 5:4, 5).

Bautizayu importante ãrĩã ɓua

Dachi bautizaɗakare bendición ãrĩã adau nibaɗe wãbaria. Mauɗe cumpliyua dachia comprometeɗa baɗa Jeowa ome.

¿Ara kaita koɓeeburuuɗe bichi bautizayu? Makarã, bichi kĩrajʉʉ ãrĩã koɓooyua. Jeowa baita trajayua dachi corazonɗeeba mauɗe unubiyua noremaacha ichi baareburu nii jãturu biʼia ɓua (Mateo 22:36, 37).

CHI CAPÍTULO URUUƊE

Kawaba saka bichi ãrĩã kĩrajʉʉ nibaɗe wãi ɓuu.

TESTO BIBLIAƊEBENA AUDE BIA ƁUU

“Machi kakua deaɗayua kĩrabara regalo chokae ɓuu kĩra, jayoaswãe ɓoi mauɗe Dachi Akõremaa bustayua; jãkaburu Dachi Akõre baita trajaɗai bari chi biʼia ɓúdu kʉ̃risiaɗai” (Romanos 12:1).

NAU ASEI ƁUA

Wiɗiba bichi akõrerãmaa kai nawekau kai ãbaba aiɗai ɓuu congregacionɗebenaba Jeowa kaitaburu ɓooyua (Hechos 16:​1-3).

¿NAU KUITAA ƁOOSEE?

Bautizaburuu importante ãrĩã ɓua dachi salvaɗai baita (Ezequiel 9:4-6).

¡NAU ASEƊAIKA!

Bibliaɗebena nau biʼia ãrĩãturu kuitaa ɓooyua bautizai baita: ․․․․․

¿Kãare mʉa wiɗi kʉ̃ria ɓuu mʉ dada mʉ danamaa? ․․․․․

¿BICHIA KÃARE KɄ̃RISIA ƁUA?

● ¿Sakayua biʼia kʉ̃risiawẽebʉrã bichi bautizaabayua?

● ¿Sakãera chi nuree kũudrãarã isa bautizabadaa?

● ¿Sakayua chi nuree kũudrãarã ãrĩã́turu demorabadaa?

[Comentario]

“Mʉ bautiza nii kʉ̃risiabarii jãuba jipa ɓuu asebi ɓua mauɗe problemaɗe biɗa metebiwẽa” (Noemí).

[Recuadro/​Foto]

Chi kũudrãarã awẽrarã omeeba wiɗi panuu

¿Bautizaburuuɗe kãare unubi ɓua? Eɗa taa wãpeɗa ʉtʉ neeruu jãu biuruu kĩra ɓua, bichia ase kʉ̃ria ɓooɗa baɗa jãu kaaɗe ɓee ɓua. Baniaɗebena ʉtʉ neeburuu, jãu chokae nii baaruu kĩraka ɓua, jãabera Jeowaba kʉ̃ria ɓúturu aseyua, ichia kʉ̃ria ɓuu bichia aseyua.

¿Kãareba Jeowa ome comprometeburuu? Jãabera bichi vida joma Jeowamaaburu deai ɓuu (Mateo 16:24). Bichi bautizai naeɗe, Jeowamaa ʉtaa wiɗiɗayu ichimaa prometeburuu naa chi ichia kʉ̃ria ɓúturu aseyua.

¿Kãare ase koɓooiba bautizai naeɗe? Ase koɓooyua chi Bibliaɗe jara kuɓuuɗebena mauɗe jarayu bichia ijãa niiɗebena junebenarãmaa. Maabea Dachi Akõre kaita nibayua estudiapeɗa ʉtaa wiɗiyua. Bichi trajayua Jeowa baita bichia kʉ̃ria ɓuu, junebenaba jara ɓuuɗeebawẽema.

¿Mʉ sãabe niiɗe bautizayuba? Bichi bautizayu ɓua bariara kũudrãa cheke ɓuu maebʉrã chõra baɗakare. Mauɗe bautizayu baita kuitaa koɓooyua sakayua aseburuu.

¿Kãare asei ɓua mʉ bautiza kʉ̃ria kuɓuuɗe mauɗe mʉ akõrerãba ɓiɗĩika esperaɗos abudauɗe? Ãchia kʉ̃risia panuubʉrã esperayu, kawayua chi Jeowaba kʉ̃risia kuɓuu esperaɗayu ʉ̃rʉbena, maumisa Jeowa kaita koɓooyua (1 Samuel 2:26).

[Recuadro]

Página actividad asei baita

¿Kʉ̃risia ɓue bautizai baita?

Panauburuu cha wiɗi koɓee kawayua saka kãrii. Olvidarã́ba chi textorã leayu panaui naeɗe.

¿Bichia saka unubii ɓua Jeowaɗe ijãa nika? (Salmo 71:5). ․․․․․

¿Bichia kuitaa ɓue kãare biʼia ɓuu mauɗe kãare miadaa ɓuu? ¿Sakaeɗe nauɗe kʉ̃risiaɗaba? (Hebreos 5:​14). ․․․․․

¿Sãabecha ʉtaa wiɗibaraa? ․․․․․

¿Chi bichia kʉ̃risia kuɓuuɗebena Jeowamaa ʉtaa wiɗi nibabaree? ¿Kʉ̃ria iɗaa Jeowa ʉ̃rʉbena beɗea bariika? (Salmo 17:6). ․․․․․

¿Saka aude biʼia ʉtaa wiɗi ɓubaama? ․․․․․

¿Sãabecha Biblia estudiabaraa? (Josué 1:8). ․․․․․

¿Kãareɗebena du aɓa estudiabaraa? ․․․․․

¿Bichi du aɓa estudiaburuuɗe kãareɗebena kawa kʉ̃ria ɓua? ․․․․․

¿Bichia Bibliaɗebena biʼia jaradeabaree? (Kʉ̃risiaba: ¿Bichia jaradeabaree chi Bibliaɗe eɗa kuɓuuɗebena? ¿Chi Bibliaɗebena bustapeɗaaɗarã waya ochiaɗe wãbaree? ¿Kʉ̃risia ɓuka unui baita chi Bibliaɗebena jaradeayua?)

□ Maerã □ Makawẽma

¿Jaradeaɗe wãbaree bichi akõrerã wãɗaawẽe siɗa? (Hechos 5:42).

□ Maerã □ Makawẽma

¿Kãare aude biʼia jaradea kʉ̃ria kuɓua? (2 Timoteo 2:15). ․․․․․

¿Joma reunionɗaa wãbaree maebʉrã wãkaba? (Hebreos 10:25). ․․․․․

¿Reunionɗaa wãburuuɗe kãare asebaraa? ․․․․․

Bichi akõreba permiso dee kiruubʉrã reunionɗaa wãi baita, ¿bichi wãbaree reunionɗaa ãchi wãɗawẽe siɗa?

□ Maerã □ Makawẽma

¿Kĩrajʉʉ asebaree chi Jeowaba kʉ̃ria ɓuu asei baita? (Salmo 40:8).

□ Maerã □ Makawẽma

¿Recorda ɓue bichi kõpaerorãba kachirua ɓuu asébaɗa apeɗaaɗa baɗa, mau bichia aseebaai ɓuma aɗa baɗa? (Romanos 12:2). ․․․․․

¿Kãare aseiba waaburu Jeowa kʉ̃ria nibai baita? (Judas 20, 21). ․․․․․

Bichi akõrerã maebʉrã bichi amikorãba Jeowa ɓuibudauɗe, ¿bichira ara jãka traja nibaɗe wãyue Jeowa baita? (Mateo 10:36, 37).

□ Maerã □ Makawẽma

[Dibujo]

Bautizaburuu kimabaraaruu kĩra ɓua: aseyu naeɗe biʼia kauwa kʉ̃risiai baraa.