Dachi Akõreba ẽbẽrarã kĩrajʉʉnureaɗayua kʉ̃riaɓua. Ichia ẽbẽrarã kʉ̃riaɗeeba, chi iujãa mauɗe ichiɗe eɗa joma duanuu wauɗaa. Ẽbẽrarã aribia supripeɗaaɗabaɗa ichia jaretaiɗaa iruɓuu nau iujãaɗebena jomaurã biʼia duanaɗayua. Jeremías 29:11 leas.

Nau iujãaɗe kobierno wãʼãeɓua ẽbẽrarã chĩoɗapeɗa, ẽpermaɗapeɗa, chi kiniduanuu joma cha kuɓuu akabai baita. Maamina beɗea kĩrawãrea barau: Dachi Akõreba kobiernorã nau iujãaɗebena akabaiɗaa iraɓua mambea ichi Kobiernodu uneeñua. Dachi Akõreba mau aseɗakare, ẽbẽrarã chĩoɗawẽa duanaɗayua mauɗe ẽpermaɗaabai. Isaías 25:8; 33:24; Daniel 2:44 leas.

Dachi Akõreba ẽbẽrarã kachiruarã nau iujãaɗebena akabayua, ẽbẽrarã maũcha supribiɗaamaba (Sofonías 2:3). ¿Sakaeɗe aseiba mau? Bibliaba jaraɓua sakayua iɗi diaɗe ẽbẽrarã supriduanuu. Dachia iɗi unukopanuuba unubiɓuu Dachi Akõreba ne miaɗaa akabaiɗaa iraɓuu. 2 Timoteo 3:1-5 leas.

Dachia Dachi Akõre ʉ̃rʉbena kawaɗapeɗa, mauɗe Biblia kawabaraɗai. Chi Biblia ʉ̃rʉbena kawaruu kĩrabara akõreba ichi warrmaa beɗea mipitaa jararuu kĩraɓua. Bibliaɗe jaraɓua saka nibai dachirã kĩrajʉʉduanaɗai baita mauɗe kãare aseɗai biuɗawẽa nureaɗayua. Chi nuree ẽbẽrarãba bichia Biblia kawaɓuu bustaɗaabayua. Maamina, mau kakua chi Biblia kawawẽa kuɓuurãaba, Dachi Akõreba dachimaa deɗekaburuu aude biʼia ɓua perdeɗai baɗabara. Proverbios 29:25; Apocalipsis 14:6, 7 leas.