Jesusba jaraɗa ẽbẽra chi corazón biʼia nureabariiba ũriɗapeɗa kawaɗai ɓuu chi ariɗe ɓuu (Juan 10:4, 27). Jãuɗeeburu ariɗe jaraɗa kʉ̃riabadau chi Bibliaɗebena ẽbẽrarãmaa. Naka beɗea erdauɗai ɓua: “¿Bichia kuitaa ɓoosẽe…?” maebʉrã “¿Bichia ũribarẽe…?” mau jaraɗakare, beɗeayu chi ariɗe ɓuu Bibliaɗebena. Mau kaaɗe unubiɗai ɓuu texto Bibliaɗe jãuɗebena jara ɓuu. Chi niimaa ɓiɗĩika Bibliaɗebena jaraaruu, kĩrabara ichi corazonɗe taa cheke uuruu kĩraka ɓua. ¡Dachi Akõreba jãu taa cheke waribii ɓua! (1 Cor. 3:6, 7).

•  Saka duanaɗai ʉ̃rʉbena

•  Chi deɗabenarã ʉ̃rʉbena

•  Dachi Akõre ʉ̃rʉbena

•  Dachi Akõremaa ʉtaa wiɗiyu ʉ̃rʉbena

•  Jesús ʉ̃rʉbena

•  Chi Dachi Akõre Gobierno ʉ̃rʉbena

•  Ẽbẽrarã sufri panuu ʉ̃rʉbena

•  Dachi biu nii ʉ̃rʉbena

•  Chi religión ʉ̃rʉbena

 SAKA DUANAƊAI Ʉ̃RɄBENA

1. 1. Joma chi kachirua unu kopanuu nau iujãaɗe mauɗe chi ẽbẽrarã miadaa ase nuree, jãuba unubi ɓuu ɗaarãawẽeɗe joma biʼia noɓeeyu (Mat. 24:3, 7, 8; Luc. 21:10, 11; 2 Tim. 3:1-5).

2. 2. Nau iujãa akawa acabaabayua (Sal. 104:5; Ecl. 1:4).

3. 3. Chi iujãa joma daña kuɓuuɗebena biʼia ɓeeyua (Is. 35:1, 2; Apoc. 11:18).

4. 4. Joma ẽpermaɗawẽa nureaɗayua (Is. 33:24; 35:5, 6).

5. 5. Bichi biuwẽa iujãaɗe nibayua (Sal. 37:29; Mat. 5:5).

 CHI DEƊABENARÃ Ʉ̃RɄBENA

1. 6. Chi kimaba chi wẽra kʉ̃ria ãrĩã nibayua “ara ichi du aɓa kʉ̃ria nii kĩra” (Efes. 5:33; Col. 3:19).

2. 7. Chi wẽraba chi kima ãrĩã respetabaraai (Efes. 5:33; Col. 3:18).

3. 8. Kimabaraa niibʉrã, junebena ome kãi ɓoobayua (Mal. 2:16; Mat. 19:4-6, 9; Heb. 13:4).

4. 9. Chi warrarãba respetaɗapeɗa chi akõrerã ũribudaubʉrã, biʼia wãɗayua (Prov. 1:8, 9; Efes. 6:1-3).

 DACHI AKÕRE Ʉ̃RɄBENA

1. 10. Dachi Akõre trʉ̃ bara nia (Sal. 83:18; Jer. 10:10).

2. 11. Dachi Akõreba biʼia ɓuu dachimaa jaradea kʉ̃ria ɓua (2 Tim. 3:16, 17; 2 Ped. 1:20, 21).

3. 12. Dachi Akõre jipa nia joma araɓau kʉ̃ria ua nia (Deut. 10:17; Hech. 10:34, 35).

4. 13. Dachi Akõreba dachi aiɗa kʉ̃ria nia (Sal. 46:1; 145:18, 19).

  DACHI AKÕREMAA ɄTAA WIƊIYU Ʉ̃RɄBENA

1. 14. Dachi Akõreba kʉ̃ria nii dachia ichimaa wiɗiɗayu (Sal. 62:8; 65:2; 1 Ped. 5:7).

2. 15. Bibliaba jaradea ɓuu saka ʉtaa wiɗi nibayu (Mat. 6:7-13; Luc. 11:1-4).

3. 16. Ara kapichia ʉtaa wiɗiɗayua (Mat. 7:7, 8; 1 Tes. 5:17).

 JESÚS Ʉ̃RɄBENA

1. 17. Jesusba biʼia ãrĩã kawabibachia mauɗe ichia jaradeaɗa biʼia ãrĩã ɓua dachi baita (Mat. 6:14, 15, 34; 7:12).

2. 18. Jesusba jaraɗa baɗa iɗibae unuɗapeɗa pasa koɓeesiiɗebena (Mat. 24:3, 7, 8, 14; Luc. 21:10, 11).

3. 19. Jesús Dachi Akõre Warr (Mat. 16:16; Juan 3:16; 1 Juan 4:15).

4. 20. Jesusra Dachi Akõrewẽma (Juan 14:28; 1 Cor. 11:3).

 CHI DACHI AKÕRE KOBIERNO Ʉ̃RɄBENA

1. 21. Dachi Akõre Kobierno ʉtʉ bajãaɗe kuɓua (Dan. 2:44; 7:13, 14; Mat. 6:9, 10; Apoc. 11:15).

2. 22. Dachi Akõre Kobiernoba joma gobiernorã iujãaɗebena acabayua maabea ichiaburu gobernayua (Sal. 2:7-9; Dan. 2:44).

3. 23. Dachi Akõre Kobiernoburu ẽbẽrarã biʼia nureabiayua (Sal. 37:10, 11; 46:9; Is. 65:21-23).

 ẼBẼRARÃ SUFRI PANUU Ʉ̃RɄBENA

1. 24. Dachi Akõreba ẽbẽrarã sufribikaa (Deut. 32:4; Sant. 1:13).

2. 25. Satanasburu nau iujãa goberna nia (Luc. 4:5, 6; 1 Juan 5:19).

3. 26. Bichi sufri niiɗe Dachi Akõreba unupeɗa aiɗa kʉ̃ria nia (Sal. 34:17-19; Is. 41:10, 13).

4. 27. Dachi Akõreba ẽbẽrarã sufri duanuu biʼia duanabiyua waaburu sufriɗaamaaba (Is. 65:17; Apoc. 21:3, 4).

 DACHI BIU NII Ʉ̃RɄBENA

1. 28. Biupeɗaaɗa akawa kawaɗawẽa kʉ̃risiaswẽa duanua mauɗe sufri duanuuwẽe (Ecl. 9:5; Juan 11:11-14).

2. 29. Biupeɗaaɗaba dachi aiɗaɗawẽa mauɗe daño aseɗawẽa (Sal. 146:4; Ecl. 9:6, 10).

3. 30. Dachi deɗabenarã maebʉrã dachi amikorã biupeɗaaɗa waya piradruɗayua (Job 14:13-15; Juan 5:28, 29; Hech. 24:15).

4. 31. Dachirã “waa biuɗaabai” (Apoc. 21:3, 4; Is. 25:8).

 CHI RELIGIÓN Ʉ̃RɄBENA

1. 32. Dachi Akõreba bustakaa jomaurã religionna (Jer. 7:11; Mat. 7:13, 14, 21-23).

2. 33. Dachi Akõreba iadaabarii ichiɗebena jaradeapeɗa mauɗe miadaa ɓee asebadau (Is. 29:13; Miq. 3:11; Mar. 7:6-8).

3. 34. Chi religión ariɗe ɓuuɗebenarãba ãchi chiya kʉ̃ria nuree (Miq. 4:3; Juan 13:34, 35).