Kawabiɗe wãi naeɗe

1. 1. Biʼia ãrĩã preparayua. Kʉ̃risiaba bichia kawabimaa ɓuuba kãare nesita ɓuu, saka ɓuu mauɗe kãare ijãa ɓuu. ¿Aɓa poyaa kʉ̃risiaɗe ɓeewẽe ɓubaaka, maebʉrã poyaa aseebai ɓuu? Kartarã leapeɗa videorã ochiaba, “Nau ochias mauchaburu kawayua” a kuɓuumare, maabea kʉ̃risiaba saka aiɗai ɓuu jãuba bichia kawabimaa ɓuu. Jãkaburu bichia kawayua sãu unubiyu ichia nesita kuɓuubʉrã.

Bichia jaradeamaa ɓuuɗe

1. 2. Chi kawamaa ɓuuba kʉ̃ria ɓuubʉrã, ʉtaa wiɗiba erdauburuuɗe mauɗe acabataɗakare biɗa.

2. 3. Ãrĩã beɗearã́ba. Beɗeaba chi leccionɗe jara kuɓudu. Ida beɗeabiba chi kawamaa ɓudu.

3. 4. Chi sección ẽpesaburuuɗe, leaba jãuɗe kãareɗe beɗea ɓuu maabea jaraba chi ɓee titulorã chi ɓee leccionɗebena.

4. 5. Sección acabataaruuɗe waya beɗeaba ichi ome chi kawamaa ɓuuba acordayua kãare kawasii Bibliaɗebena.

5. 6. Chi leccioncha jaradearuuɗe chi kawamaa ɓuumaa:

   1. Leábaɗa chi parraforã chi página naa kuɓuuɗebena.

   2. Leábaɗa joma chi textorã Bibliaɗebena “leas” a jara ɓeemare.

   3. Leábaɗa junebe texto chi leccionɗe eɗa ɓʉ koɓee chi kawamaa ɓuuba kawai nesta ɓuubʉrã.

   4. Bichia kuɓui ɓuubʉrã, kuɓuba joma chi videorã “Ochiábaɗa” a jara ɓeemare.

   5. Joma eɗa ɓʉ kuɓuu wiɗiba.

   6. Beɗeábaɗa chi imagenɗebenarã jari jara ɓuumare “Aude kawaba” a ɓuu.

   7. Jari jara ɓuumare “Nau aseba” a ɓuu unubiba chi kawamaa ɓuumaa, ara ichia unuyua saka kãrii mauɗe kãare aseyu. Jaraba aseyua jari chi ɓʉ kuɓuuɗebena maebʉrã junebena.

   8. Wiɗiba bustasiibʉrã chi ɓee karta maebʉrã video jari jara ɓuumare “Nau ochias mauchaburu kawayua” ichi preparasiiɗe bichi ome kawai baita.

   9. Lección aɓa kawabiaba jaradeaɗe wãburuucha.

Jaradeaɗakare

1. 7. Kʉ̃risia koɓeeba bichia kawabimaa ɓuu ʉ̃rʉbena. Wiɗiba Jeowamaa aiɗayua ichi bautizaburuu oɗe wãi baita mauɗe bichi kʉ̃risiabiyua saka aiɗayu.