“Dios utarebenaba Reino poya terataibaiɗe kuɓuyua.” (Daniel 2:44, Traducción del Nuevo Mundo.)

“War dachirãma deasiɗa, ichi kobierno ichi maũ warburu uruɓoayua.” (Isaías 9:6.)

• Marã kobierno jipaɓoyua dachirã aɓaɓá aidabai baita (Isaías 48:17, 18).

• Naũɗe ĩũjã wiɗiɗe, dachirã kĩrãju nurẽãbiyua, ni ẽpermaɗawẽã (Revelación [Apocalipsis] 21:3, 4).

I, kawas õme:

• Jesusba ũnubiɗa kãrẽ asei Dios Reinoɗe. Ichia kawabisia ichi kaɗe ãdanurẽabarima, utã wiɗiruba chi Dios Reino nẽmerã (Mateo 6:9, 10). Maũɗe Diosba kũrĩãɓubũra nama ũnubisia saka chi jau wiɗipanú maka bai.

  Jesus nama ĩũjãɗe nibasiɗe jarbisianũrẽ kobiapeɗa, ẽpermanuré alentabiapeɗa, maũɗe kinipeɗaɗa waya piradubiaɗa (Mateo 15:29-38; Juan 11:38-44). Saka nibaiba naũ Rey Dios Reino ɗebena, ichia ũnubiasia ɓarã saka buaibiaɗe joma mipita ayu ichi ẽbẽrãrã kakua (Revelación 11:15).

• Cha nejoma barakoɓesiba iɗibae jaũba Dios Reino naũɗe neyu. Jesusba jaraɗabasia chi Dios Reino paz bara nei naẽɗe, naũ ĩũjãɗe chĩkõkuaɗapeɗa jarba, ẽõromia iɗa koɓei jaraɗá (Mateo 24:3, 7).

  Dachirãba maũ joma iɗi bae unukopanuã maũɗeba naũɗe Dios Reino maũ ochiaɗe nei kũrisiaɗayua.