“Bʉa joma barau wauɗaa” (Apocalipsis 4:11).

¿Bibliaba kãare jaraɓua Dachi Akõre ʉ̃rʉbena?

• Apocalipsis 15:3

  Dachi Akõreka poder wãʼãema. Ichituru mimichia poder uruɓuu.

• Salmo 90:2

  Dachi Akõrera yatadeɗa nii mauɗe biukau dachi kĩraka.

• Mateo 6:9

  Dios Dachi Akõre.

  Ichia dachi baitara chi biʼiaturu kʉ̃riaɓuu.

• Hechos 17:27

  Dachi Akõre dachi amiko bakʉ̃riaɓuu.

“Mʉ trʉ̃ Jeowa [...] mʉ trʉ̃ akabakama” (Éxodo 3:15).

¿Sakayua dachia Dachi Akõre trʉ̃ kuitaaɗai baraa?

• Salmo 83:18

  Dachi Akõreba dachi jaraɓuu ichi trʉ̃ Jeowa. Kabildo abadaamina ichi trʉ̃ propio uruɓua, aramaka Dios o Señor abadaamina ichi trʉ̃ propio baraɓua. Jeowaba kʉ̃riaɓuu ichi trʉ̃ dachia jaraɗai baita.

• Éxodo 3:14

  Dachi Akõre trʉ̃ba nau jarakʉ̃riaɓuu: “Ichia jaraɓuura joma asei mauɗe ichia asekʉ̃riaɓuura joma waui”. Jeowaba joma barau wauɗaa. Mauɗeeba ichia beɗeapeɗa kumplii ɓua.

“Dachi Akõreba joma kʉ̃riakuaɓuu” (1 Juan 4:8).

¿Dachi Akõreba saka unubibaraa dachirã kʉ̃ria uanibabarii?

• Éxodo 34:6; Salmo 37:28

  Dachi Akõreba kĩrachuburia unubipeɗa karebakeraabarii. Ichia biawãraturu jarapeɗa jipaburu asebarii.

• Salmo 86:5

  Dachi Akõreba dachi perdonaruu kuɓua.

• 2 Pedro 3:9

  Dachi Akõreba dachi ome dukʉ̃riarã kĩrukaa.

• Apocalipsis 15:4

  Dachi Akõreba dachi ɓuikau, dachi baare jʉ̃kaakeraabaria ambua ɓoabarii.

“Perakubudauɗe ichimaaburu jaraɗai, ichia machi ochia uakeraabariiɗeeba” (1 Pedro 5:7).

¿Sakayua bʉchi ariɗe kuitaaɓua Dachi Akõreba bʉchi ochia uakeraabarii?

• Salmo 37:9-11

  Dachi Akõreba jaraɓuu ẽbẽrarã supribaɗapeɗaaɗa joma jarekuai aɓuu mauɗe ẽbẽrarã kachiruarãba daño asepeɗaaɗa akawa jaretai.

• Santiago 4:8

  Jeowaba kʉ̃riaɓuu bʉchi amiko bayua.

• Juan 17:3

  Bʉchia Dachi Akõreba ʉ̃rʉbena wañaa kawasirã, bʉchia ichimaa aude michia kʉ̃riaɓoi.