“Mauɗeeba mʉ Dachi Akõre daaɗe õdarrɗe koɓeebarii. Ichiba joma bajãaɗe nuree mauɗe nau iujãaɗe nuree wausii mauɗe ichiɗeeba nuree” (Efesios 3:14, 15).

¿Saka deɗabena kĩrajʉʉ uaɓoiba?

• Génesis 1:26-28

  Dachi nabenarã akõrerã baɗa Jeowaba waupeɗa ichia kimabarabiɗaa.

• Efesios 5:1, 2

  Deɗabena kĩrajʉʉ uaɓoyua Jeowa mauɗe Jesus kĩraka aseɗayua.

“Machia aɓa aɓaa machi wẽra kʉ̃riaabaɗa [...], chi wẽraba ichi kima ãrea respetayua” (Efesios 5:33).

¿Kimarã saka kʉ̃riaɗaiba?

• Efesios 5:22-29

  Kimaba deɗabena ochiayua. Ichia chi wẽra kʉ̃riai mauɗe wẽraba ichia aseburuu ũkuru karebaɗai baraa.

• Colosenses 3:19; 1 Pedro 3:4

  Ambua kʉ̃ria iɗaa nibaɗai.

• 1 Pedro 3:1, 2, 7

  Mukĩra wẽra ome respetaɗai baraa.

• 1 Timoteo 5:8; Tito 2:4, 5

  Chi kimaba deɗabena ochiai baraa. Chi wẽraba deɗa eɗa ochiai baraa.

“Akõrerã machi warrana kĩrubipanarãabaɗa, bari biʼia jaradeɗekaɗai mauɗe jipa waubiɗai Jeowaba kʉ̃riaɓuu kĩrachaa waribiasturu” (Efesios 6:4).

¿Kãareɗebena ochiaɗai baraa akõrerãba?

• Deuteronomio 6:4-9; Proverbios 22:6

  Bʉchi warrarã baraɓuubʉrã, tiempo baraɓuyua Jeowa ʉ̃rʉbena jaradeɗekayua. Ũkuru Jeowa ome amikorã biɗĩkakirureeɗe karebaɗai baraa.

• 1 Pedro 5:8

  Bʉchi warrarãmaa jaradeɗekaba embiolabadauɗebena mauɗe junebenarã ne kachiruaɗebena.

• Jeremías 30:11; Hebreos 12:9-11

  Bʉchi warrana iadaɗakaba, maamina bʉchi kĩrukuɓuuɗera arãaba ni puʼua biɗa waukawẽa.

“Warrarã, machi akõrerã beɗea ũribaba ũristuru” (Efesios 6:1).

¿Sakayua machi akõrerã beɗea ũribaraɗaiba?

• Proverbios 23:22-25; Colosenses 3:20

  Bʉchia ũribabaniiɗe, Jeowa mauɗe bʉchi akõrerã baara kĩrajʉʉbadau.

• 1 Corintios 15:33

  Amikorã Jeowa kʉ̃riabadaurã jʉrʉba. Makaburu kãare jipaɓuu aseyua.