“¡Ochiase! Nama bania nuɓuu. ¿Mʉ bautisai ɓuka?” (Hechos 8:36).

¿Sakayua mauɗe saka bautisaɗaiba?

Bautisabudauɗe, dachi naeɗe asenibabarii baɗa ɓuipanua mauɗe Dachi Akõreba kʉ̃riaɓuu waukopaneebudau.

• Mateo 28:19, 20

  Bautisaɗai baraa Jeowa baita trajaɗayua.

• Salmo 40:8

  Bautisabudauba wabenarãmaa dachia unubipanuu Dachi Akõre baita trajaɗakʉ̃riapanuu.

• Mateo 3:16

  Ẽbẽra bautisaruuɗe ichi kakua joma baniaɗe sũratai baraa, arajãka Jesus bautisasii kĩraka.

“Dachi Akõre biawãra kʉ̃riapanuubʉrã, ichiba waubiɓuu beɗea joma wauɗai. Ichiba waubiɓuu beɗea chaareawẽaɓuu” (1 Juan 5:3).

¿Sakayua Jeowa ome nibaɗe wãyu wiɗiɗai baita peraɗaẽbaiba?

• Salmo 103:14; Isaías 41:10

  Joma biʼia aseɗaẽbayua Jeowa ome nibaɗe wãyu wiɗiɗai baita. Ichia ũkuru ne bia waubiayua.

• Colosenses 1:10

  Dachia Jeowa aude kʉ̃riapanuubʉrã miaɗaa aseɗaẽmaa panaɗai.

“Mʉ Akõre, bʉchia mʉ asebikʉ̃riaɓuu aseruuba mʉ kĩrajʉʉbibarii. Bʉchi ley mʉ kʉ̃risiaɗe eɗa uruɓua” (Salmo 40:8).

¿Dachi bautisaɗai naeɗe kãare kosarã naa biʼia aseɗayua?

• Juan 17:3

  DACHI AKÕRE BEƊEA KAWAƊAI BARAA

  Jeowa mauɗe Jesucristo baarabena kawaɗai baraa. Ãchiɗebena ãrea kawaɗarã aude kʉ̃riaɗayua.

• Hebreos 11:6

  PE BARAPANAI

  Dachi Akõreba deai aɓuuɗe akawa ijãaɗai baraa mauɗe Jesus biuɗaɗebena dachirã pekao mauɗe biuiɗebena karebaɓua.

• Hechos 3:19

  NE KACHIRUA ASEƊA KAKUA KĨRANOMAA ƁOI BARAA

  Dachia ne kachirua waupeɗaaɗaɗeeba kĩranomaa duanaɗai baraa.

  NE KACHIRUA IDA ƁUI BARAA

  Ne kachirua ida ɓupeɗa ne bia waukoɓei.

• 1 Pedro 4:2

  DACHI AKÕRE OMEBURU NIBAƊE WÃYU WIƊIƊAI

  Dachi Akõre omeburu nibaɗe wãyu wiɗiburuuɗe ʉtaa aude kĩrawãrea wiɗiɗayua. Naka wiɗiɗakare dachia jarabadau ichituru dachia kʉ̃riaɗai, mauɗe ichi baita trajaɗai naa koɓooyua.