“¡Dachi Akõre ichiaraba ne kachirua waukaa, Ichituru aude poder uruɓuuɗeeba ne kachirua waukaa!” (Job 34:10).

¿Sakayua iujãaɗe ẽbẽrarã ãrea supriduanua?

• 1 Juan 5:19

  Nau iujãa jʉbawãenii juaɗe uruɓuu.

• Eclesiastés 8:9

  Baraa ẽbẽrarãba wabenarã supribibadau.

• Eclesiastés 9:11

  Dachi kawaɗawẽɗe barikiau momentoɗe supribadau.

• 1 Pedro 5:7

  Jeowaba dachirã chi kʉ̃rianii, mauɗeeba ichi baita chi puʼua dachirã supriduanuu unuruuɗe.

“Dachi Akõreba kuitaaɓuu [...] machi dau ũɗaaɗai mambae Dachi Akõre kĩra paneeɗai: ne bia mauɗe ne kachiruaɗebena kuitaaɗai” (Génesis 3:5).

¿Sakayua Jeowaba chi jʉbawãenii aramama beataẽbasaa?

• Génesis 3:2-5

  Chi jʉbawãeniiba Dachi Akõreba “biʼia kobernaẽbai ɓuu” jarasia. Jʉbawãeniiba kʉ̃riaɓoosii chi ẽbẽrarã duaɓaburu kʉ̃risiapeɗa ãchirã baita kãare bia ɓuu mauɗe kãare kachirua aseɗayua. Dachi Akõreba ida tiempo wabenarãmaa unubiyua chi jʉbawãenii setaa jaraɓuu.

• Job 38:7

  Jʉbawãeniiba Dachi Akõre ʉ̃rʉbena añaa jarasii anjelerã mimichia barau daaɗe.

“Ẽbẽraba kʉ̃risianii ichi biʼia ãdanii kawaɓuu, maamina adua sãma wãburuu” (Jeremías 10:23).

¿Sakayua ẽbẽrarã ãrea yataɗeɗa supriduanaa?

• Isaías 55:9

  Ẽbẽrarã kobernadorna ãrea uapaneebadaa, maamina chi iujãa biʼia kobernaɗawẽa Dachi Akõreba karebawẽɗeeba.

• 2 Pedro 3:9, 10

  Jeowaba kĩrukʉ̃riakau mauɗe ichia dachi tiempo ãrea deɗekaɓuu ichi ʉ̃rʉbena kawaɗai baita mauɗe ichi kobiernoturu adauɗayua.

• 1 Juan 3:8

  Jeowaba Jesusɗeeba jaretayua jʉbawãeniiba aseɗa.

“Biʼia kʉ̃risiapeɗa aseba, mʉ waucheke, [...] makaburu mʉa panauyua chi mʉ atua jaraɓuumaa” (Proverbios 27:11).

¿Sakayua Jeowaba oblikakaa ichi baita trajaɗayua?

• Proverbios 30:24-28

  Animararã dachirã kĩra kʉ̃risiaɗakaa. Jeowaba dachi waukaɗaa dachi duaɓauba kʉ̃risiaɗayua. Dachirãburu kawa jʉrʉɗai Jeowa baita trajaɗayua.

• Mateo 22:37, 38

  Jeowaba kʉ̃riaɓua dachia ichi kʉ̃riaɗeeba ichi baita trajaɗai.