¿Kãare aseiba biʼia kawayua chi lesionɗebenarã?
Estudias nau poyeto Jeowaɗebena jaranibabarii ome. Jaras chi ẽbẽra nau poyeto deaɗabaɗamaa bichimaa kawabiyua, makawẽbʉrã wiɗis nau jaradeaɗayua interneɗe, jw.org.
PARTE AƁA
Leas chi parrapo joma. Chi wiɗikoɓee numero iɗaa koɓeerã (1) mauɗe chi testo Bibliaɗebena paimaa ɓʉkoɓee (2) jãarãba chi aude importante ɓee jaraɓua. Chi ɓee testo Bibliaɗebenarã jʉ̃kaa chi beɗea “leas” aɓuu neeɓua leai baita.
PARTE OME
Parrapo nabenaɗe (3) aria “Aude kawaba” aɓuuɗe biʼia jaraɓua kãare ʉ̃rʉbena kawabudau. Chi sutitulorã numero iɗaa (4) needuanuurãba ariɗe jarapanua kãarerã aude importante ɓeerã. Chi testo Bibliaɗebenarã leas, mambea panauika mama eɗa wiɗiɓuu mauɗe ochias chi bideorã (5).
Biʼia ochiapeɗa kawa kʉ̃risias chi diujo eɗa koɓeerã (6), mambea kʉ̃risias saka panauɗai ɓuu “Chi nuree ẽbẽrarãba naka jarabadaa” aɓuuɗe (7).
PARTE ÕBEA
Chi lesion terminaruu ɗauchia “Nau kawasiɗaa” mauɗe chi “Waya berreaɗaika” aɓee (8). Chi lesion estudiaɗakare ɓʉkuɓuuba chi pecha. “Nau aseba” (9) aɓuuɗe, jaraɓua kãare asei ɓua mauchaburu kawakãribaɗe wãñua. “Nau ochias mauchaburu kawayua” (10) aɓuuɗe, mama aria unui waabenarã kartarã mauɗe bideorã bichi baita ara keɗeerã.
¿Saka unui ɓua testo Bibliaɗe?
Chi testorãɗe jaraɓua chi libro Bibliaɗebena (1), chi kapitulo (2), mauɗe chi bersikulo maebʉrã chi bersikulorã (3). Bichia unuuruuɗe chi jaraɓuumaa Juan 17:3ɗe, jãarã “chi libro Juanbʉ, kapitulo 17, bersikulo 3”.
