Yataɗeeɗa ẽbẽrarãba diosrã baraurãmaa ãrĩãdu wiɗi duanua, maamina Bibliaɗe jara ɓuu Dios aɓa ɓuu “ichi waabenarã dios ʉ̃rʉ aude mechia ɓua” (2 Crónicas 2:5). ¿Kaiba ichi? ¿Mauɗe sakayua ichi aude mechia ɓua waabenarã dios ẽbẽrarãba kʉ̃riaɗapeɗa ũribadau? Kawas nau lesionɗe Dachi Akõreba kãare kʉ̃ria ɓuu bichia ichi ʉ̃rʉbena kawayua.

1. ¿Sãuba Dachi Akõre trʉ̃, mauɗe saka kuitaa panaa ichia ichi trʉ̃ kawabiayu kʉ̃ria ɓuu?

Bibliaɗeeba, Dachi Akõreba du aɓa unubi ɓuma: “Mʉ Jeowabʉ. Jãu mʉ trʉ̃bʉ” (Isaías 42:5, 8 leas). Chi nuree kawabadaurãba jarabadau chi Jeowa hebreo beɗeaɗe tradusibari ɓuu, jãuba jara kʉ̃ria ɓuu “ichia ida babibarii”. Jeowaba kʉ̃ria ɓua ichi trʉ̃ kawaɗayua (Éxodo 3:15). ¿Saka kuitaa panaa? Ichiaburu kʉ̃ria ɓoosii Bibliaɗe ichi trʉ̃ 7.000 ɓes eɗa ɓooyua. a Jeowa chi trʉ̃ “Dachi Akõre ariɗe kiɗiiɗebʉ ʉtʉ bajãaɗe mauɗe jeeɗa iujãaɗe” (Deuteronomio 4:39).

2. ¿Kãare jara ɓua Bibliaɗe eɗa Jeowa ʉ̃rʉbena?

Bibliaba jara ɓuu joma diosrã ẽbẽrarãba kʉ̃ria ira nuree tãeɗe, Dios aɓaburu nii mau trʉ̃ Jeowa abadau. ¿Sakayua? Jeowadu autoridad aude bara ɓuuɗeeba, “chi Jomaurã Ʉ̃rʉ nau iujãaɗebenaɗe ɓua” (Salmo 83:18 leas). Ichia “Poder Joma Bara ɓuu”, jaraibʉrã, joma ichia ase kʉ̃ria ɓuu, asei ɓua. Mauɗe ara ichia “joma kosarã barau” Aseɗaa: ʉtʉ bajãaɗe barau mauɗe Iujãaɗe ãnimararã, ẽbẽrarã joma barau siɗa (Apocalipsis 4:8, 11). Jeowa yataɗeeɗa ɓua mauɗe waaburu nibayu (Salmo 90:2).

 4. Jeowaba kʉ̃ria ɓuu bichia ichi trʉ̃ kawayua mauɗe ichi trʉ̃ jarayua

5. Jeowaba kʉ̃ria ɓua bichi ichi amiko ɓooyua

 NAU KAWASIƊAA

Jeowa jãturua chi trʉ̃ Dachi Akõre ariɗe kiɗiiɗe. Ichia kʉ̃ria ɓuu jãu trʉ̃ jaraɗayu ichi amikorã baɗai baita.

Waya berreaɗaika

• ¿Sakayua Jeowa diwara nia waabenarã dios kãyabãra?

• ¿Sakayua dachia Dachi Akõre trʉ̃ jarabaraaɗaiba?

• ¿Jeowaba kʉ̃ria ɓue bichi ichi amiko bayua? ¿Saka kuitaa ɓua?