LESION 06
¿Samareeba ĩpaasaa joma cha barau?
Chi Bibliaba jara ɓuu joma Dachi Akõreba chokae nureabibarii (Salmo 36:9). ¿Bichia kerea ɓue jãka ɓuu? Chi ɓee ẽbẽrarãba jarabadauɗeebara iujãaɗe mauɗe bajãaɗe joma koɓee aɓabenaba wauubasii, istuburu ara jãka ĩpaasii. Mau maka ɓoosiibʉrã, dachirã bariarã nama duanuu. Jeowaba joma asesiibʉrã, makarã dachirã bia ɓuu kakuaburu duanua, ¿maka ɓuka? a Kawase chi Bibliaɗe jara ɓuu iujãaɗe kuɓuu mauɗe bajãaɗe kuɓuu saka neesii ʉ̃rʉbena mauɗe ochiáse sakayua mau ariɗe ɓuu.
1. ¿Kaiba wausaa joma barau?
Chi Bibliaba jara ɓua: “Naeɗeeɗa Dachi Akõreba wausii chi bajãa chi iujãa baare” (Génesis 1:1). Cientificorãba jara panuu iujãa mauɗe bajãa wãʼãe basii mawãareburu ĩpaasii. ¿Saka wausaa Dachi Akõreba chi joma bajãaɗe kuɓuu? Ichi Jauriɗeeba wausii joma bajãaɗe kuɓuu: chi estrellarã, chi ʉmada, chi jeɗeko, joma chi eɗa kuɓuu (Génesis 1:2).
2. ¿Dachi Akõreba kãare baita wausaa chi Iujãa?
Jeowaba “chi iujãa wauubasia bari koɓooi baita, ichia wausiira chi iujãaɗe nureaɗai baita” (Isaías 45:18). Chi iujãa mipitaa ãrĩã biʼia koɓooi baita, chi ẽbẽrarã biuɗawẽa nureaɗai baita (Isaías 40:28 mauɗe 42:5 leas). Chi cientificorãba jarabadau chi Iujãa kĩrawãrea ãrĩã ɓuu. Mauɗeeba, unuɗawẽa junebe planeta chi ẽbẽrarã duanaɗai baita.
3. ¿Saka diwara ɓua chi ãnimararã mauɗe ẽbẽrarã ome?
Chi iujãa wauɗakare, Jeowaba wausii joma eɗa nureerã. Naa, wausii kiɗuarã, bakururã mauɗe ãnimararãɗeeɗa. Maaɗakare “Dachi Akõreba wausii chi ẽbẽra ara ichi kĩraka” (Génesis 1:27 leas). ¿Saka dachirã diwara nurea ãnimararãɗeeba? Dachi Akõreba dachirã ichi kĩra wauɗa bẽrã, jãuɗeeba waabenarã kʉ̃riaɗapeɗa mauɗe jipa nureaɗayua. Ichia dachi waukasii dachirã biɗa junebenarã beɗea kawaɗai baita, kawa unuɗai ɓua chi kĩrawãrea ãrĩã ɓuu, biʼia ãrĩã ũriɗai ɓua chi chaa koɓee siɗa. Mauɗe, dachi ãnimararãɗeeba diwara nuree bẽrã, dachia Dachi Waukaɗa baɗa kʉ̃riaɗayua.
AUDE KAWABA
Kawaɗaika sakayua Dachi Akõreba wausii chi joma kuɓuu mauɗe sakayua jara ɓua chi Bibliaba chi koɓee ariɗe kuɓuu chi waukaɗaɗebena. Mauɗe kawaɗaika chi dachia biʼia ɓuu ira panuu, mauba kãare kawa panua Jeowaɗebena.
4. Chi ẽbẽrarã mauɗe ãnimararã siɗa chi waukaɗa baɗa bara nurea
Ẽbẽrarãmaa ara ɓuu abadaa ãchia ãnimaraɗebena ara jãu kĩra asebudauɗe. Maamina, ara ɓua aɗakaa chi jãu asekuaɗa baɗamaa. Bideo ochiaɗapeɗa, mambea nau ʉ̃rʉbena beɗeasturu:
-
Chi ẽbẽrarãba bõbõo, ɓedarã unubadauɗe, ¿ara jãu kĩra kãare waubadaa?
Chi de waui baita ẽbẽrarãba kʉ̃risiaɗapeɗa karaabadaa. Maamina, ¿kaiba ichi kʉ̃risiaɗe waukasaa joma iujãaɗe kuɓuu? Hebreos 3:4 leaɗapeɗa, mambea nau ʉ̃rʉbena beɗeasturu:
-
¿Kãaredu aude bustabaraa iujãaɗe kuɓuuɗebena?
-
¿Ariɗe kʉ̃risiai ɓue chi jari wauka koɓee iujãaɗebena mau ɓuu chi waukaɗa baɗa? ¿Sakayua?
¿Bichia kuitaa ɓoosee?
Chi jw.org ɗe unuurua bideorã mauɗe articulorã siɗa nauɗebena jara panuu kĩraka. Jʉrʉs chi serie “¿Baraa chi joma wauɗa baɗa?” mauɗe “Jarabadau saka neeɗa baɗa chi joma kuɓuu”.
“Chi de waubarii barau. Maamina chi joma wauɗa Dachi Akõrebʉ”.
5. Chi Bibliaba joma ase kuɓuuɗebena jaraɗa, jãra ariɗe jara kuɓua
Chi capítulo aɓa Genesisɗebenaɗe, Bibliaba jara ɓua saka joma cha barauɗebena wau koɓee ĩpaasii. ¿Mau maka basaaka maebʉrã bari nebʉrʉpeɗaaɗabaa? Bideo ochiaɗapeɗa, mambea nau ʉ̃rʉbena beɗeasturu:
-
¿Bibliaba jara ɓoabaaka chi nama joma wau koɓee 6 diaɗe waupeɗaaɗa baɗa, jaraibʉrã 24 horaɗe?
-
¿Bibliaba jara ɓuu chi joma wau koɓeeɗebena ariɗe jara ɓoabaaka? ¿Sakayua?
Génesis 1:1 leaɗapeɗa, mambea nau ʉ̃rʉbena beɗeasturu:
-
Cientificorãba jara panuu iujãa mauɗe bajãa wãʼãe basii mawãareburu ĩpaasii. ¿Ãchia kʉ̃risia panuu Bibliaɗe eɗa jara ɓuu ome, araa ãbua jara panue?
Chi nuree ẽbẽrarãba jarabadau Dachi Akõreba célula abadau wauɗa baɗa, mamareeburu joma cha barau aseɗa baɗa mama eɗa ẽbẽrarã siɗa. Génesis 1:21, 25, 27 leaɗapeɗa, mambea nau ʉ̃rʉbena beɗeasturu:
-
¿Dachi Akõreba célula asepeɗa mauba ãnimararã maabea ẽbẽra babisee maebʉrã ichiaburu asekuasaa joma?
6. Ẽbẽrarã diwara nurea ãnimararãɗeebiɗa
Ẽbẽrarã diwara nurea ãnimararãɗeebiɗa. Génesis 1:26 leaɗapeɗa, mambea nau ʉ̃rʉbena beɗeasturu:
-
Dachi ẽbẽrarãba waarã kʉ̃riaɗai ɓua mauɗe chi chuburia unubiɗayu siɗa dachirãra Dachi Akõre kĩra wau duanuu bẽrã. ¿Nauba kãare jaradea ɓua Jeowa ʉ̃rʉbena?
CHI NUREE ẼBẼRARÃBA NAKA JARABADAA: “Bibliaba joma asepeɗaaɗa ʉ̃rʉbena nebʉrʉpeɗaaɗa a jarabadaa ẽbẽrarãba”.
-
¿Kãare kʉ̃risia ɓua bichia? ¿Sakayua?
NAU KAWASIƊAA
Jeowaba bajãa mauɗe iujãa baara aseɗa basia mauɗe ichiɗe eɗa barau siɗa.
Waya berreaɗaika
-
¿Kãare jaradea ɓua Bibliaba samareeba ĩpaasii joma cha barau?
-
¿Dachi Akõreba célula asepeɗa mauba ãnimararã maabea ẽbẽra babisee o maebʉrã ichiaburu asekuasaa joma?
-
¿Sakayua ẽbẽrarã diwara kirurea ãnimararãɗeebiɗa?
NAU OCHIAS MAUCHABURU KAWAYUA
Ochiachãu chi naturalezaɗeeba chi waukabariibʉ.
“¿Kãare kawabiɓua chi naturalezaba?” (¡Despertad!, septiembre 2006ɗebena)
Ochiachãu saka chi akõreba chi wãwa ɓiɗĩika kiɗiimaa jaramaa ɓuu chi Bibliaba jara ɓuu waukaɗaɗebena.
Kʉ̃risiachãu chi evolucionɗebena jara ɓuu araɓau ɓuu chi Bibliaba jara ɓuu ome.
“¿Dachi Akõreba waukaɗae chi chokae nureerã chi evolución abadauɗeeba?” (Artículo jw.org ɗebena)
a Chi lesion 25ɗe jara ɓuu kãare kʉ̃ria ɓuu Dachi Akõreba ẽbẽrarã baita.
