Jeowaɗe kʉ̃risiaburuuɗe, ¿bichia ichi saka nii kʉ̃risiabaraa? ¿Bichia Dachi Akõre kaitawẽe ãrĩã senti ɓue kĩrabara estrella kĩra? ¿Dachi Akõre poder ãrĩã bara nii, maamina ichi miamaa ãrĩã nii kĩra sentibarika? ¿Saka nia ariɗe Jeowa? Ichi Beɗea, Bibliaɗe, Jeowaba unubi ɓua ichi saka nii mauɗe saka ichia bichi chi kʉ̃ria ãrĩã inii corazonɗeeba.

1. ¿Sakayua dachia Dachi Akõre poyaa unuɗawẽeba?

“Dachi Akõre jauridu nii” (Juan 4:24). Jeowa dachi kakua kĩra niiwẽe. Ichira jauri ʉtʉ bajãaɗe niibʉ, ichi aria ɓuu siɗa poyaa unuɗawẽa.

2. ¿Kãare ne bia ɓee Jeowaba inia?

Bariara dachia Jeowa poyaa unuɗawẽmina, ichiɗebena kawabudauɗe, dachirãba ichi kʉ̃riaɗaidu kʉ̃risiabadaa, ichira nii bẽrã, mauɗe ne bia ɓee ua nia. Bibliaba jara ɓua: “Jeowaba kʉ̃riabaria joma jipa ɓee mauɗe ichia amaa ɓuiwẽa ichi baare duanuurã” (Salmo 37:28). Mauɗe ichia “jomaurã kʉ̃ria ua nii, mauɗeeba chi chuburia unubibarii” ẽbẽrarã supri keɗee kakua (Santiago 5:11). “Jeowa ara kaita ɓua ẽbẽrarã ãchi corazón puʼua keɗee jʉ̃kaa; ichia aiɗa ɓua chi nomaa aka keɗeerã” (Salmo 34:18). ¿Bichia kuitaa ɓoosee Jeowa kĩrajʉʉbiɗai ɓuu o nomaabiɗai ɓuu dachia ase panuuba? Ẽbẽraba ne miadaa ase niiba, ichi kĩra nomaa akʉ ɓuɗapeɗa maabea jãuba ichi corazón puʼuabi ɓua (Salmo 78:40, 41). Mauɗe ẽbẽra ne bia ɓee ase niibʉrã, jãuba ichi ãrĩãdu kĩrajʉʉbi ɓua (Proverbios 27:11 leas).

3. ¿Jeowaba saka unubi ɓua dachi kʉ̃ria ua nii?

Ichia chi aude inii kʉ̃riabariidu ɓuu. “Dachi Akõreba ne jomaɗe kʉ̃riakua ɓuu” (1 Juan 4:8). Jeowaba unubi ɓua ichia dachirã kʉ̃ria ua nii Bibliaɗeeba mauɗe ichia joma kosarã aseɗaɗeebiɗa (Hechos 14:17 leas). Kʉ̃risiachãu ichia dachirã saka aseɗa baɗa. Ichia mipitaa pã koɓee unubia ɓua, chaa koɓee ũriɗai baita mauɗe chiko chi bia ãrĩãdu kiruu koɗai baita. Ichia dachi kĩrajʉʉ duanaɗai kʉ̃ria ɓuu.

 AUDE KAWABA

5. Jeowaba kosa biarã ua nia dachimaa ãrĩã busta duanuu

Moisés Jeowa baita jipa trajasia. Mau adua, ichia maucha kawa kʉ̃ria ɓoosia ichi Wauɗa ʉ̃rʉbena. Mauɗeeba Moisesba jarasia: “Mʉʉmaa bichi o unubiba mʉa makaburu waa kawayua bichi ʉ̃rʉbena” (Éxodo 33:13). Jeowaba panausii ichimaa saka nii ichi. Éxodo 34:4-6 leaɗapeɗa, mambea nau ʉ̃rʉbena beɗeasturu:

• ¿Kãare biʼia ɓee ichi ʉ̃rʉbena jarasaa Jeowaba Moisesmaa?

• ¿Kãare biʼia ɓee Jeowa ʉ̃rʉbena bustabaraa bichimaa?

 NAU KAWASIƊAA

Jeowa jauridu nii, mauɗeeba poyaa dachia unuɗakau. Ichi biʼia ãrĩã kiɗii, jomaurã mimichia kʉ̃ria ua nii.

Waya berreaɗaika

• ¿Sakayua dachia Dachi Akõre unuɗakaba?

• ¿Kãareba jãu chi Jauri Jeowaɗebena?

• ¿Kãare ne bia ɓee Jeowaba inia?