LESION 25
¿Dachi Akõreba kãare kʉ̃ria ɓua dachirã baita?
Bibliaba jara ɓua ẽbẽrarã “ara ɓaʼãraburu nuree mauɗe problemarã ãrĩãdu ira ɓee” (Job 14:1). Maamina ¿Dachi Akõreba jãka duanaɗayu kʉ̃ria ɓobaaka? Makawẽebʉrã makarã, ¿saka kʉ̃ria ɓua ichia dachi nureaɗayu? ¿Jãu jãɗakare neebaaka? Ochias chi mipitaa jara kiruu Bibliaba.
1. ¿Dachi Akõreba saka kʉ̃ria ɓua dachirã duanaɗayu?
Jeowaba chi biʼia ãrĩã ɓuudu kʉ̃ria ɓua dachirã baita. Ichia chi ẽbẽrarã nabẽrarã wausiiɗe Adán Eva ome, iujãa kĩrawãrea ãrĩã kiruuɗe bʉekasia: jardín de Edén abadauɗe. Mama aria “Dachi Akõreba bendecikuapeɗa naka asia: ‘Warrarã ãrĩã kiriábaɗa, iujãaɗe ãrĩã barábaɗa mauɗe jãu ira panásturu’” (Génesis 1:28). Jeowaba ãchia warrarã bara duanaɗai kʉ̃ria ɓoosia, mauɗe chi iujãa kĩrawãrea ãrĩã kiruuɗe babii baita kʉ̃ria ɓoosia mauɗe ãnimararã ochiaɗai baita. Ichia ẽbẽrarã jomaurã ẽpermaɗawẽa mauɗe biubariɗawẽa duanaɗai baita kʉ̃ria ɓoosii.
Bariara nau naka pasaabasmina, a chi Dachi Akõreba kʉ̃risiaɗa baɗa ara maka kambiawẽa ɓua (Isaías 46:10, 11). Ichia ara maka kʉ̃ria ɓua chi ẽbẽrarã ichi beɗea ũribadaurã, waaburu kirureaɗayua ẽpermaɗayuswẽa (Apocalipsis 21:3, 4 leas).
2. ¿Saka kĩrajʉʉ duanaɗai ɓua nakaeɗeeɗa?
Jeowaba dachirã waukasia ichi kʉ̃riaɗapeɗa ũriɗayu mauɗe waaburu ichi ʉ̃rʉbena kawaɗai iɗaa (Mateo 5:3-6 leas). Dachi Akõreba ichi amiko kirureaɗai ãrĩãdu kʉ̃ria ɓua, “ichi oɗeburu” ãda duanaɗai, dachia ichi kʉ̃riaɗapeɗa mauɗe corazonɗeeba ichi baita trajaɗayu (Deuteronomio 10:12; Salmo 25:14). Nau joma aseɗarã, dachi kĩrajʉʉ duanaɗai ɓua problemarã barau adua. Dachia Jeowa kʉ̃riaɗapeɗa mauɗe ichi Beɗea ũribudauba kĩrajʉʉ ãrĩã duanubi ɓua.
AUDE KAWABA
Kawaɗaika saka Jeowaba kʉ̃ria ãrĩã wauɗa baɗa iujãa mauɗe ichi Beɗeaba jaradeɗeka ɓuu saka kĩrajʉʉ nureaɗaiɗebena.
3. Jeowaba kʉ̃ria ɓua dachirã kĩrawãrea ãrĩã kirureaɗai baita
BIDEO ochiaɗapeɗa, mambea nau ʉ̃rʉbena beɗeasturu:
-
¿Sakayua Dachi Akõreba nau iujãa kĩrawãrea kiruu wauɗa basaa?
Eclesiastés 3:11 leaɗapeɗa, mambea nau ʉ̃rʉbena beɗeasturu:
-
¿Kãare jara ɓua nauɗebenaba Jeowa ʉ̃rʉbena?
4. Jeowaba naeɗe kʉ̃risiaɗa baɗa ara maka kambiawẽa ɓua
Salmo 37:11, 29 mauɗe Isaías 55:11 leaɗapeɗa, mambea nau ʉ̃rʉbena beɗeasturu:
-
¿Saka kuitaa panaa Dachi Akõreba kʉ̃risiaɗa baɗa ara maka kʉ̃risɗe ira ɓuu?
De miadaa kiruu biʼia wau kunui ɓua. Ara jãka biɗa ɓua iujãa ome: ẽbẽrarãba ãrĩãdu daño ase panua. Maamina Dachi Akõreba waya biʼia wau kunui ẽbẽrarãba ichi kʉ̃ria kiruree baita.
5. Dachia Jeowa kʉ̃riaɗapeɗa ũribudauba kĩrajʉʉ ãrĩã duanubi ɓua
Dachia kuitaa duanuu kãare baita nau iujãaɗe duanuuba kĩrajʉʉbia ɓua. BIDEO ochiaɗapeɗa, mambea nau ʉ̃rʉbena beɗeasturu:
-
¿Wẽra Terumi abadau baita ichia nau iujãaɗe kãare baita nii kawaaruuba saka nibabisaa?
Eclesiastés 12:13 leaɗapeɗa, mambea nau ʉ̃rʉbena beɗeasturu:
-
Jeowa dachirã kakua nejoma ase kiruu bẽrã, ¿kãare aseɗaiba dachirã makarã?
CHI NUREE ẼBẼRARÃBA NAKA WIƊIBADAA: “¿Kãare baita duanaa dachirã nama nau iujãaɗe? ¿Kãare baita dachirã waukasiɗaa?”.
-
¿Kãare jarai ɓua bichia?
NAU KAWASIƊAA
Jeowaba kʉ̃ria ɓua dachirã nama iujãaɗe kĩrajʉʉ, ẽpermaɗawẽa mauɗe biubariɗawẽa duanaɗai baita. Nakaeɗeeɗa dachirã kĩrajʉʉ duanaɗai ɓua, dachia kʉ̃riaɗapeɗa mauɗe Jeowa corazonɗeeba ũribudauba.
Waya berreaɗaika
-
Jeowaba Adán Eva ome wausiiɗe, ¿kãare saka aseɗayua kʉ̃ria ɓoosaa?
-
¿Saka kuitaa panaa Dachi Akõreba kʉ̃risiaɗa baɗa ẽbẽrarã baita ara maka kʉ̃risɗe ira ɓuu?
-
¿Kãareba kĩrajʉʉ nibabii ɓua?
NAU OCHIAS MAUCHABURU KAWAYUA
Ochiaɗaika sakayua dachirãba ariɗe kʉ̃risia panaɗayu chi jardín de Edén abadau ɓoosii.
“Chi jardín de Edén abadau, ¿jãu cuento basaka?” (Chi Kartaba, 1 eneroɗe 2011ɗebena)
Kawas sakayua ariɗe jara panuu nau iujãa akabaabayu.
Kauwa ochias Bibliaba jara ɓuu dachirã sakayua nama iujãaɗe duanuu.
“¿Sakayua dachirã nama iujãaɗe duanuu?” (Artículo jw.org ɗebena)
Ochias saka mukĩra niiba kʉ̃risia ɓoosii joma bara ɓuu, maamina ichia kawasii aɓa falta ɓuu.
a Kaaɗebena lesion uruburuuɗe unubudaa kãare biʼiawẽe pasasii.
