LESION 28
Unubis bichi baita biʼia ãrĩã ɓuu Jeowa Jesús omeeba asesiɗau bichi kakua
¿Bichi saka sentibaraa amiko niiba bichimaa rekalo kĩrawãrea ãrĩã ɓuu deaburuuɗe? Bichira mau kakua, kĩrajʉʉ ãrĩã sentibaria maabea bichia bichi amikomaa unubi kʉ̃ria ɓuu jãu rekalo mipitaa ãrĩã ɓuu. Jeowa Jesús omeeba rekalo kĩrawãrea ãrĩã ɓuu deasiɗaa ẽbẽrarãmaa: Jeowaba Jesús dachirã kakua biubiyua bʉiɗa basia. Ochiaɗaika saka dachia unubiɗai ɓuu jãu dachirã baita biʼia ãrĩã ɓuu.
1. ¿Saka dachirãba unubiɗai ɓua dachi baita biʼia ãrĩã ɓuu Dachi Akõre Cristo omeeba asepeɗaaɗa baɗa?
Bibliaba jara ɓuu “ichiɗe kerea ɓuu” jarai ɓuma Jesusɗe biuwẽa nibai ɓua (Juan 3:16). ¿Saka unubibaraa fe Jesusɗe? Ichiɗe kereabaraaɗai maubapeɗa dachirãba joma biʼia kʉ̃risiaɗapeɗa asebudauba unubiɗai ɓuu (Santiago 2:17). Dachia fe unubi panua chi asebudau mauɗe dachia jarabudauɗeeba, makaburu dachirã ara kaita duanua Jesús ome mauɗe ichi Akõre, Jeowa ome biɗa (Juan 14:21 leas).
2. ¿Kãare diaɗe dachirãba unubiɗai ɓua Jesús mauɗe Jeowamaa dachi baita biʼia ãrĩãdu ɓuu chi ãchia asepeɗaaɗa?
Chi ẽsebuɗe Jesús biui naeɗe, ichia jaraɗa basia ichi kaaɗe ãda nureerãmaa saka unubiɗayu ãchi baita biʼia ãrĩã ɓuu ichi biuburuu. Ichia ãbua bʉekapeɗa maabea chi chiko kosiɗaa, mau “chi Kobadau Señor akordaɗayua” abadau makawẽebʉrã chi Reunión Jesús biuɗaɗebena akordaɗayua (1 Corintios 11:20). Jesusba jãu reunión aseɗa basii ichi kaaɗe ãda nureerãba mauɗe ara mama ʉtaa waabenarã cristianorã biɗa akordaɗayua ichi biuɗa baɗa ẽbẽrarã kakua. Nau reunión ʉ̃rʉbena beɗea ɓuuɗe, Jesusba naka asia: “Ara jãka asepanábaɗa mʉ kʉ̃risiaɗapeɗa” (Lucas 22:19). Bichi Reunión Jesús biuɗaɗebena akordabudauɗaa wãburuuba, unubi ɓua bichi baita biʼia ãrĩã ɓuu Jeowa Jesús omeeba bichi ãrĩãdu kʉ̃ria nuree.
AUDE KAWABA
Kawaɗaika saka unubiɗai ɓuu dachi baita biʼia ãrĩã ɓuu Jeowa Jesús omeerãba asesiɗau dachirã kakua. Maubapeɗa, ochiaɗaika sakayua biʼia ãrĩã ɓua chi Reunión Jesús biuɗaɗebena akordaɗayua.
3. Aɓabenaba dachi jua deaɗabʉrã, ¿kãare aseɗaiba?
Kauwa kʉ̃risiachãu bichi doeɗa ɓaeburuu maamina bichi do ũu adua nii, maka ɓuuɗe ẽbẽra aɓa neepeɗa maabea bichi aiɗaaruu. ¿Bichia aɓaeɗa embolatai ɓue chi ẽbẽra bichi aiɗaɗe neeɗa baɗa? ¿Maebʉrã kauwa kʉ̃risiai ɓoobaa bichia saka ara kiruma ai baita?
Dachirã biuɗawẽa nureaɗai ɓua jãra Jeowa juaɗeeba. 1 Juan 4:8-10 leaɗapeɗa, mambea nau ʉ̃rʉbena beɗeasturu:
-
¿Sakayua rekalo kĩrawãrea ãrĩã ɓua Jesús biuɗa baɗa?
-
¿Bichi saka sentibaraa Jeowa Jesús omeeba bichi kakua asepeɗaaɗa bare?
¿Saka unubiɗai ɓuu dachi baita biʼia ãrĩã ɓuu Jeowa Jesús omeerãba asesiɗau dachirã kakua? 2 Corintios 5:15 maabea 1 Juan 4:11 mauɗe 5:3 leábaɗa. Versiculorã aɓaaɓaa leaɗakaɗe, nau ʉ̃rʉbena beɗeasturu:
-
¿Dachirãba saka unubiɗai ɓua dachirã baita jãu ãrĩã biʼia ɓua?
4. Dachia Jesusba aseɗa kĩra asebaraaɗai
Jesús kĩra nureabudaubʉrã mama aria unubibudau dachirã baita ichi biuɗa biʼia ɓuu. 1 Pedro 2:21 leaɗapeɗa, mambea nau ʉ̃rʉbena beɗeasturu:
-
¿Saka bichia Jesusba aseɗa kĩra asei ɓua?
Jesusba Dachi Akõre Beɗea chi kʉ̃ria ãrĩã ɓoosia, beɗea biarãɗebena jaradeabachia maabea waabenarã ẽbẽrarã aiɗabachia.
5. Wãɗaika chi Reunión Jesús biuɗaɗebena akordabudauɗaa
Chi Kobadau Señor akordaɗayua jãu saka naa asepeɗaaɗa baɗa ʉ̃rʉbena kawaɗayua, Lucas 22:14, 19, 20 leábaɗa. Mambea nau ʉ̃rʉbena beɗeasturu:
-
¿Kãare sakasaa kosiɗauɗe Señor akordaɗayua?
-
¿Kãare unubi ɓua chi pan vino omeeba? (Versiculorã 19 mauɗe 20 ochiábaɗa).
Jesusba kʉ̃ria ɓoosia ichi kaaɗe ãda nureabariirã añocha ãbua duanai baita chi chiko Kobadauɗe Señor akordaɗayua, chi fecha ichi biuɗa baɗaɗe. Mauɗéburu, chi Jeowa ɗebena Jaranũrẽrã ãbua duanabarii Jesús biuɗaɗebena akordaɗayua, maabea dairãba ase panua ara ichia naka asébaɗa aɗa kĩra. Nau reunión biʼia ãrĩã ɓuu kawaɗayua, BIDEO ochiábaɗa. Mambea nau ʉ̃rʉbena beɗeasturu:
-
¿Kãare asebadaa chi Reunionɗe Jesús biuɗaɗebena akordaɗayua?
Pan vino omeeba naka unubi kʉ̃ria ɓua. Chi panba unubi ɓuu Jesús kakua jipa keraɗaɗebena, ichia deaɗa baɗa dachi jomaurã kakua. Vinoba ichi oa unubi ɓua.
CHI NUREE ẼBẼRARÃBA NAKA JARABADAA: “Bichi salvayua, Jesusɗéburu kereaidu nesita ɓua”.
-
¿Juan 3:16 mauɗe Santiago 2:17, mau baare saka jaradeai ɓua junebena siɗa asebaraaɗai?
NAU KAWASIƊAA
Dachirãba unubiɗayua dachirã baita biʼia ãrĩã ɓuu Jesusba dachirã kakua aseɗa baɗa, dachirãba fe ichiɗe unubiɗapeɗa mauɗe chi Reunión Jesús biuɗaɗebena akordabudauɗaa wãbudauba.
Waya berreaɗaika
-
¿Saka fe unubibaraa Jesusɗe?
-
¿Bichia ara kiruma jara kʉ̃ria ɓue Jesús mauɗe Jeowamaa ãchia bichi kakua asepeɗaaɗa bare? ¿Saka asei ɓua?
-
¿Sakayua biʼia ãrĩã ɓua wãɗayua chi Reunión Jesús biuɗaɗebena akordabudauɗaa?
NAU OCHIAS MAUCHABURU KAWAYUA
Ũris Jesús biuɗa baɗaba dachirãmaa kãare asebi ɓuuɗebena.
Waaburu kawas fe ʉ̃rʉbena mauɗe saka unubi ɓuu.
“Dachirãra fe bara duanua Jeowaba jaraɗa baɗa ʉ̃rʉbenaɗe” (Chi Kartaba, octubre 2016ɗebena)
Wẽra niiba kawasii Jesús biuɗaba saka aiɗa ɓuu ʉ̃rʉbena jãuba ichi nibaɗa kambiabisia. Lease ichia jara ɓuu “Jãabera mʉ chokae ɓuu kĩra ɓua, mauɗe kʉ̃risia biʼia jayoaswẽe”.
“Ãchi nibapeɗaaɗabaɗa kambiasia Bibliaɗeeba” (Chi Kartaba, 1 agostoɗe 2011ɗebena)
Ochias sakayua ara ɓaʼãraurãburu chi pan vino baare ko panuu chi Reunión Jesús biuɗaɗebena akordabudauɗe.
