Chi oa jãu biʼia ãrĩã ɓua. Jãu wãʼãe basirã dachi poyaa nibaɗaabai baɗa. Dachi Akõreburu dachi waukaɗa bẽrã, jãuburu jarabarii dachia chi oa saka adauyu. ¿Kãare jara ɓua oaɗebena? ¿Dachia koɗai ɓue maebʉrã dachi kiuɗe eɗa ea ɓeeɗai ɓubaaka? ¿Kãareba bichi aiɗa ɓua oaɗebena biʼia asei baita?

1. ¿Kãare kʉ̃risia ɓua Jeowaba oaɗebena?

Naeɗeeɗabena, Jeowaba jaraɗaa: “Ãnimararã mauɗe ẽbẽrarã chokae nuree chi oaɗeeba” (Levítico 17:14). Jeowa baita, chi oa ara jãu kĩra chokae nureebʉrã. Dachi chokae nuree kĩrawãrea ɓuu Dachi Akõreba deaɗa bẽrã, jãdu ãrĩã biʼia ɓua, jãuɗéburu chi oa siɗa kĩrawãrea ãrĩãdu ɓua.

2. ¿Dachi Akõreba akawa chi oa poyaa adaubai a ɓue?

Konkrekasion cristianorãɗe barai naeɗe, Jeowaba jaraɗa baɗa ichi baita traja nureerãmaa chi oa koɗaabayua (Génesis 9:4 mauɗe Levítico 17:10 leas). Mauɗe, konkrekasion koɓeeɗakare, Jeowaba ara jãka jaraɗa. Chi junta apostolerã mauɗe dawaraurã joma jaradeɗekabadaurãba konkrekasionɗe, ãbarãmaa jarasiɗau: “Oa poyaa [...] adauɗaabayua” (Hechos 15:​28, 29 leas).

¿Kãare jara kʉ̃ria ɓua dachia oa poyaa adauɗaabayu? Doctorba bichimaa itua akawa poyaa doobayua jaraaruubʉrã, ¿bichia dowẽa koɓee ɓue? Maamina, ¿chiko itua bara ɓuubʉrã bichi koyue maebʉrã itua kiuɗe eɗa ea ɓui ɓubaaka? Makawẽma. Ara jãka jara ɓua dachia poyaa adaubayu chi oa. Dachi Akõre ũriɗayua dachia poyaa chi oa doobapeɗa, koɗaabapeɗa, mauɗe ãnimara chi oa joma awara ea ɓuiwẽa ɓuu koɗaabayua. Mauɗe dachia chiko koɗawẽe oa baraa ɓuubʉrã.

¿Kãare aseɗaiba doctorba oaɗebena adauyuubʉrã? Ɓesesɗe doctornaba oa adaubudau tratamiento Dachi Akõreba bustawẽa aseɗai baita, jari chi oa dachi kiuɗe ea ɓooyu maebʉrã chi nau oaɗebena mau kimare adau kopanua: glóbulos rojos, glóbulos blancos, plaquetas mauɗe plasma. Ɓesesɗe dachia aduabaria doctornaba asebudauɗebena biʼia ɓuu o biʼiawẽe ɓooyu Dachi Akõre baita. Chi ɓee doctornaba chi oa kimareɗebena ɓiɗĩika biɗa adau nuree. Maebʉrã chi oa ẽbẽraɗe ara ichi kakuaɗebena adaubudau. Dachi aɓaaɓaa kauwa kʉ̃risia nibaɗayua kãare aseɗai ɓuu (Gálatas 6:5). a

 AUDE KAWABA

3. Kauwa kʉ̃risiapeɗa aseyua chi Jeowaba busta ɓuudu

¿Bichia saka asei ɓua Dachi Akõreba busta nii kĩra oa ʉ̃rʉbena? BIDEO ochiaɗapeɗa, mambea beɗeasturu sakayua biʼia ɓua aseyu naarã beɗearãɗebena:

• Ʉtaa wiɗiba biʼia kʉ̃risiapeɗa aseyua (Santiago 1:5).

• Jʉrʉse Bibliaɗe chi Dachi Akõreba kʉ̃risia ɓuuɗebena ara jãka aseyua (Proverbios 13:16).

• Wiɗikase bichi ɓoobariimaa chi doctornaba kãare maucha ase nurea.

• Ochiaba chi doctornaba ãyaa ase nuree mau adaubayua.

• Kʉ̃risiáse bichia jʉrʉburuuɗebena mauba biʼia kʉ̃risia ɓeeyua (Hechos 24:16). b

• Bichi kima, wẽra, chi dawaraurãba mauɗe chi Bibliaɗebena kawabimaa ɓuu, maarãba jaraɗaabayua bʉʉmaa kãare aseyu, jãu bichiaburu kauwa kʉ̃risiayu (Romanos 14:12).

• Ɓʉse bichia kʉ̃risia ɓuu aseyuɗebena.

4. Jeowa ɗebena Jaranũrẽrãba kʉ̃ria panuu chi doctornaba dachi biʼia aiɗaɗayua

Dachia ũribadaa Jeowaba jara ɓuu oaɗebena mauɗe doctor biʼia nureerãmaa wãbadaa dachi kakua ochiabiɗayua. BIDEO ochiábaɗa.

Tito 3:2 leaɗapeɗa, mambea nau ʉ̃rʉbena beɗeasturu:

• ¿Sakayua doctorna ome kĩruwẽa nureaɗapeɗa mauɗe bikãa beɗeaɗayua?

 5. Chi ɓiɗĩika keɗee oaɗebena

Chi oa kimareɗebena ini ɓee: glóbulos rojos, glóbulos blancos, plaquetas mauɗe plasma. Aɓa naarãɗebena chi aude ɓiɗĩika barau bẽrã, mauɗe trʉ̃abadau chi ɓiɗĩika keɗee oaɗebena. c Chi ɓee naarãɗebena adaubadau ʉrmidia wauɗayua dachi ẽpermo kopanuuɗe, mauɗe ẽbẽra oa ãrĩã ea wã koɓeeburuuɗe mau adaubadau waa chebiimaaba.

Chi cristianorãba aɓaaɓaa kʉ̃risiabaraaɗai chi ɓiɗĩika keɗee oaɗebena adauyua maebʉrã adaubaiɗebena, chi Bibliaɗebena kawaɗaba. Chi nureeba kʉ̃riaɗakau doctornaba tratamiento asebadau mau ɓiɗĩika keɗee oaɗebenaba. Mauɗe waabenarãbara adauɗayua kʉ̃risia panuu.

Kauwa kʉ̃risiaba nauɗe:

• ¿Saka jara ɓua doctormaa bichia adauyu ɓuu maebʉrã adaubai ɓuu chi ɓiɗĩika keɗee oaɗebena?

 NAU KAWASIƊAA

Jeowaba kʉ̃ria ɓuu dachia oa koɗaabapeɗa mauɗe dachi kiuɗe ea ɓuiɗaabayua.

Waya berreaɗaika

• ¿Sakayua Jeowaba kʉ̃risia ɓua chi oa ãrĩã biʼia ɓuu?

• ¿Sakayua daiba kuitaa panaa Dachi Akõreba kʉ̃riawẽa ɓuu, dachi kiuɗe oa dea ɓuu bayu?

• ¿Kãareba bichi biʼia kʉ̃risiabii ɓua doctorba oa ea ɓui ɓeeyua kʉ̃riaburuuɗe?