Ara ʉ̃rʉburu kimabaraapeɗaaɗaba kʉ̃ria panuu ara jãka kĩrajʉʉ nureaɗayua ãchi kimabaraasiɗau diaɗe panasii kĩrachaa. Maka nureaɗai ɓuma. Jãu biʼia ãrĩã kuitaa nurea chi cristianorã yataɗeeɗa kimabaraa nureerãba, ãchia bereka nuree chi Bibliaba jara ɓuu kĩra aseɗayua.

1. ¿Kãare konsejo biʼia ɓuu dea ɓua Bibliaba chi mukĩramaa?

Jeowaba ɓu ɓoosii chi mukĩra jãuba chi deɗabenarã ua ɓooi baita (Efesios 5:23 leas). Ichia kʉ̃ria ɓuu chi mukĩraba biʼia kʉ̃risiayua chi deɗabenarã aiɗai baita. Bibliaba naka jara ɓua chi mukĩrarãmaa: “Waa kʉ̃ria ãrĩã nureábaɗa machi wẽrarã” (Efesios 5:25). ¿Mau sakaba? Chi mukĩraba chi wẽra kʉ̃ria iniibʉrã biʼia ãrĩã ua ɓua, ichi omeburu ɓuuɗe maebʉrã ẽbẽrarã tãeɗe biɗa niiɗe. Ichia kuidapeɗa bereka dea nia ichia nesita kuɓuu, maubapeɗa kĩrajʉʉbi ɓua (1 Timoteo 5:8). Chi aude biʼia ɓuura, Jeowa jʉ̃kaa nibai baita aiɗa nia (Mateo 4:4). Ichia ʉtaa wiɗii ɓua, mauɗe Biblia leai ɓua ichi ome. Chi mukĩraba kʉ̃ria ãrĩã niibʉrã chi wẽra, amiko bayua Jeowa ome (1 Pedro 3:7 leas).

2. ¿Kãare konsejo biʼia ɓuu dea ɓua Bibliaba chi wẽramaa?

Dachi Akõre Beɗeaba jara ɓua “chi wẽraba ichi kima ãrĩã respetayua” (Efesios 5:33). ¿Saka aseyuba? Kʉ̃risiayua chi kima ẽbẽra biʼia kiruu ʉ̃rʉbena mauɗe saka ãrĩã trajabarii ichi kuidayua mauɗe chi warrarã siɗa. Maabea chi mukĩraba asei jara ɓuuɗe, respetapeɗa ũri nibayua, ichimaa berreaburuuɗe kʉ̃ria iɗaa mauɗe waabenarãmaa ichi ʉ̃rʉbena biʼia jarayua, jãka bayua bariara ichia Jeowaɗe adua nimina.

3. ¿Kãare aseɗai ɓua chi kimabaraapeɗaaɗa duanuuba ãbua nibaɗayua?

Bibliaba jara ɓua chi kimabaraa nureerãmaa: “Omeerã aɓaburu nibaɗayua” (Mateo 19:5). Cha nauba jara kʉ̃ria ɓua kaitawẽe ãrĩã nibaɗaabayua ãchi omea. Mauɗeeba tiempo saca nibaɗayua omeerã ãbua nureaɗayua, biawãrabenadu kʉ̃ria iɗaa jaraɗayu kãare kʉ̃risia ɓuu mauɗe chi senti panuu. Maubapeɗa, wãʼãe junebena importante ãrĩã ɓuu ichi kima kĩra, bari Jeowadu maka ɓuu. Mauɗéburu junebena chi kimawẽebʉrã ãbua meraabayua.

 AUDE KAWABA

4. Mukĩra, bichi wẽra kʉ̃riapeɗa kuidaba

5. Wẽra, bichi mukĩra kʉ̃riapeɗa respeta nibaba

Bibliaba jara ɓua wẽramaa chi mukĩra ãrĩãburu respetabaraai, bariara ichi Jeowa baita trajabarii adua, maebʉrã ichi baita trajaaruuwẽe siɗa. 1 Pedro 3:​1, 2 leaɗapeɗa, mambea nau ʉ̃rʉbena beɗeasturu:

• Bichi kimaba Jeowa kʉ̃riawẽebʉrã, bʉa kʉ̃ria ɓuu ichia jãka aseyua. ¿Kãare biʼia ɓubaama: ichimaa Jeowa ʉ̃rʉbena kapichia beɗea nibayu, maebʉrã bʉa ichimaa biʼia unubipeɗa mauɗe respeta nibayu? ¿Sakayua maka kʉ̃risia ɓuma?

Mukĩra wẽra baare ãbua kʉ̃risiaɗai ɓuu chi biʼia aseɗai baita. Ɓesesɗe wẽraba biʼia kʉ̃risiawẽa mukĩraba ase kʉ̃ria ɓuuɗebena. Chi wẽraba  kĩruwẽa respeto iɗaa jarai ɓuu. Maamina, kuitaa nibayua Jeowaba mukĩramaaburu kuɓu ɓoosii chi deɗabenarã ua ɓooi baita. Mauɗeeba wẽraba aiɗayua chi mukĩraba asei kʉ̃ria ɓuu. Maka aserã, chi deɗabenarã kĩrajʉʉ duanaɗai ɓua. 1 Pedro 3:3-5 leaɗapeɗa, mambea nau ʉ̃rʉbena beɗeasturu:

• ¿Jeowa saka senti ɓua unuuruuɗe wẽraba respeto unubi ɓuu chi mukĩramaa?

6. Chi mukĩra wẽra ome problema baraa ɓuubʉrã solucionaɗai panua

 NAU KAWASIƊAA

Chi mukĩra wẽra ome kĩrajʉʉ nibaɗai ɓua, ãchi chiya kʉ̃riaɗapeɗa respeta niɗaubʉrã, mauɗe chi Bibliaba jara ɓuu kĩra ase panuubʉrã.

Waya berreaɗaika

• ¿Kãare asei ɓua chi mukĩraba chi wẽra baare kĩrajʉʉ duanaɗai baita?

• ¿Kãare asei ɓua chi wẽraba chi mukĩra baare kĩrajʉʉ duanaɗai baita?

• Bichi kimabaraa niibʉrã, ¿sãu texto Bibliaɗebenaba aiɗai ɓua bichi kima baare ãbua nibai baita?