Chi cristianorã ariɗe nureeba idaarakabiɗawẽe junebenarãmaa dachia Jeowa ũripeɗa kʉ̃ria niiɗebena ida ɓuiɗayua. Dachia kuitaa panua bichi jãka kʉ̃risia nii, mauɗe Jeowaba bustabaria ãrĩã bichi ara jãka jipa nibayudu (1 Crónicas 28:9 leas). ¿Kãareba ida ɓuibi ɓua bichi jipa nii Jeowa ome? ¿Mauɗe bichia kãare asei ɓua biʼiaburu aseyua?

1. ¿Ẽbẽrarãba kãare aseɗai ɓua dachi jipa nuree Jeowa ome ida ɓuibiyua?

Chi nuree ẽbẽrarãba berekaɗai ɓua dachi Jeowa baita trajaɗaiɗebena ida ɓuibiɗayua. ¿Kaiba jãka aseiba? Chi ɓuipeɗaaɗa baɗa chi biawãra ɓuu Bibliaɗebena, mauɗe setaa jaramaa duanua chi organización Dachi Akõreɗebenaba dachi fe bara nuree akabaɗayua. Jãarã ẽbẽrarã apóstatas abadaa. Chi nuree líder religionɗebenarã ãchia biɗa setaa jarabadaa dachirã ʉ̃rʉbena chi wabiɗa biʼia kawawẽa nuree ɓuibiɗayua chi biawãra ɓuu. Jãu miadaa ãrĩã ɓua beɗea nibayu Dachi Akõre iadaa nureerã ome, ãchi librorã leayu, internetɗe kuɓupeɗaaɗaɗebena maebʉrã ãchi bideorã ochiaɗayua. Jesusba beɗeamaa ɓoosiiɗe maarã ẽbẽrarã ʉ̃rʉbena jarasii: “Ida ɓúibaɗa. Jãarãba o unubibadaumina dau pãriu nuree kĩra duanuu. Mauɗe, dau pãriu niiba aɓa dau pãriu niimaa oɗe odoemaa ɓuubʉrã, choɓeaɗe ɓae wãɗayua omea” (Mateo 15:14).

¿Mauɗe kãare pasabaraa chi ẽbẽraba dachia unubadau Jeowa ɗebena Jaranũrẽ ɓui kʉ̃ria niibʉrã? Dachi baara ãbua nibabarii nii ara jãka aseburuuɗe, ãrĩã nomaa ɓeebaria. Jãu ẽbẽraba jarai ɓua dachimaa: Jeowa ome nibayu makawẽebʉrã mʉ omeburu nibai apeɗa. Maka ɓumina dachirãra jipa nureaɗa kʉ̃ria duanua Dachi Akõre ome (Mateo 10:37). Jãuɗéburu Jeowaba jaraaruuɗe jãka nureerã ome nureaɗaabayua dachia ichi beɗearã ũribadau (1 Corintios 5:11 leas).

2. Chi dachia ase nureeba, ¿saka unubiɗai ɓua dachi jipa duaneebadaa Jeowa ome?

Dachirãba Jeowa kʉ̃ria nuree bẽrã, junebena religión baara nibaɗaabayua. Jãuɗéburu dachi trajo, chi organización dachi nureeɗebena, mauɗe chi dachia asebadau, religión setaa jara nuree maarã ome nibai kʉ̃riaɗawẽa. Jeowaba naka jaraɗa basia ichi puurumaa: “Jãuɗebena awara wã́sturu”, chi Babilonia Choromaɗebena (Apocalipsis 18:2, 4).

 AUDE KAWABA

3. Kauwa nibaba setaa jara nureerã ome

¿Kãare aseɗai ɓua ũri duanuubʉrã setaa jara ɓeeɗebena chi organización Jeowaɗe? Proverbios 14:15 leaɗapeɗa, mambea nau ʉ̃rʉbena beɗeasturu:

• ¿Sakayua ijãaɗaabaiba joma jara kopanuuɗebena?

2 Juan 10 leaɗapeɗa, mambea nau ʉ̃rʉbena beɗeasturu:

• ¿Dachi ara kaita nibai ɓue chi Jeowa ɓuipeɗaaɗarã ome?

• Bariara kaitawẽe nibai siɗa chi Jeowa ɓuipeɗaaɗarã ome, ¿saka dachia ãchi kĩra kʉ̃risia ɓeeɗai ɓua?

• Dachia ũribudaubʉrã miadaa jarabudau Jeowa maebʉrã ichi organización ʉ̃rʉbena, ¿bichia saka ai ɓua ichi sentibariiɗebena?

4. Jipa nibaba Jeowa ome chi ãba pekao aseburuuɗe

Dachia kawaburuubʉrã chi ẽbẽra nii konkrekasionɗebena pekao choroma aseɗa baɗa ɓuu, ¿kãare aseɗai ɓua? Kʉ̃risiaba chi Ley deaɗa baɗa Dachi Akõreba Israel naeɗebenamaa. Levítico 5:1 leábaɗa.

Nau versiculoɗe jara ɓuu kĩra, dachia kawabudaubʉrã ẽbẽra nii pekao choroma aseɗa baɗa, jarabaraaɗai chi dawaraurãmaa chi dachia kuitaa panuuɗebena. Nau asei naeɗe, biʼia ãrĩã ɓuu jarayu chi ẽbẽra pekao aseɗa ɓuumaa beɗeai baita dawaraurã ome maabea jarayu joma ichia aseɗa baɗaɗebena. Maamina, ichia naka asewẽebʉrã, dachi jipa nuree bẽrã Jeowa ome, ara dachiaburu jarai ɓua chi dawaraurãmaa. ¿Sakayua naka asebudauba unubi panua dachia ãrĩãdu kʉ̃ria nuree...

• ... Jeowa?

• ... chi ẽbẽra pekao choroma aseɗa baɗa nii?

• ... waabenarã konkrekasionɗebenarã?

 5. Kaitawẽe nibaba Babilonia Choromaɗebena

 NAU KAWASIƊAA

Dachi jipa niba kʉ̃ria niibʉrã Jeowa ome, makarã chi jãarã ɓuipeɗaaɗarã ome kaitawẽe nureaɗayua. Mauɗéburu, akawa eɗa bari ɓoobayua chi religión setaa jarabadauɗebena ome.

Waya berreaɗaika

• ¿Sakayua unuɗapeɗa, leaɗapeɗa maebʉrã ũriɗaabai ɓua chi Jeowa ɓuipeɗaaɗaɗebena?

• ¿Dachi ara kaita nibai ɓue chi Jeowa ɗebena Jaranũrẽ ɓui kʉ̃ria nii ome?

• ¿Kãare aseɗai ɓua akawara awara wãɗayua jãka religión setaa jara nureeɗebena?