¿Mʉ jãabera ariɗe koɓeeska?
¿Mʉ jãabera jaradeɗekayua ariɗe koɓeeska konkrekasionɗebenarã ome?
Bichi ariɗe kuɓui ɓua publicador bautizawẽa nii bayua mauɗe jaradeaɗe wãyu baita...
... chi Bibliaɗebena kapichia kawabarii niibʉrã, ʉtaa wiɗipeɗa, reunión konkrekasionɗebenaɗaa wãbariibʉrã.
... chi kawamaa ɓuu kereapeɗa kʉ̃ria ɓuubʉrã, maabea waabenarãmaa jara kʉ̃ria niibʉrã.
... Jeowa kʉ̃riapeɗa mauɗe amikorã ichi kʉ̃ria nuree jʉrʉ niibʉrã.
... chi politicaɗe mauɗe religión setaa jarabadauɗe nibakau ɓuubʉrã.
... Dachi Akõreba jara ɓuu ase kʉ̃ria niibʉrã maabea Jeowa ɗebena Jara nibabarii ba kʉ̃ria niibʉrã.
Bichia kʉ̃risia ɓuubʉrã chi konkrekasion ome jaradeaɗe wãi baita ariɗe koɓeesii, bichimaa Bibliaɗebena jaradea ɓuuba chi dawaraurãmaa jarayua, maabea ãchi bichi ome beɗeaɗayua ariɗe koɓeesii kawa.
¿Mʉ jãabera ariɗe kuɓubaaka bautizai baita?
Bichi ariɗe kuɓui ɓua bautizai baita...
... publicador bautizawẽa nii basiibʉrã.
... bereka ara kapichia jaradeaɗe wãbarii niibʉrã.
... chi “esclavo jipa nibapeɗa biʼia kʉ̃risia ɓuu” aiɗabarii niibʉrã maabea ichia chi joma jara kuɓuu asebarii niibʉrã (Mateo 24:45-47).
... bichia ʉtaa wiɗiɗabʉrã Jeowa omeburu nibayu comprometei baita maabea ichi baita waaburu traja kʉ̃ria ɓuubʉrã.
Bichia kʉ̃risia ɓuubʉrã bautizai baita ariɗe koɓeesii, bichimaa Bibliaɗebena jaradea ɓuuba chi dawaraurãmaa jarayua, maabea ãchi bichi ome beɗeaɗayua ariɗe koɓeesii kawa.
