Kãare aseiba biʼia kawaɗayua Bibliaɗebena
Ẽpesa kawa koɓeei naeɗe, leas nama jara kuɓuu. Maabea chi BIDEO ochiaika.
PARTE AƁA
Bichimaa jaradeaɗai naeɗe, bichi kuentaɗe leaba chi nabena jara kuɓuu lesionaɗebena. Chi wiɗi koɓee número iɗaa koɓeerã (A) mauɗe chi texto Bibliaɗebena paimaa ɓʉ koɓee (B) jãarãba chi aude biʼia ɓee jara ɓua. Chi ɓee texto Bibliaɗebenarã jʉ̃kaa chi beɗea “leas” a ɓuu nee ɓua leai baita.
PARTE OME
Párrafo nabenaɗe aria “Aude kawaba” a ɓuuɗe biʼia jara ɓua kãare ʉ̃rʉbena kawabudau (C). Chi subtitulorã número iɗaa nee duanuurãba ariɗe jara panua kãarerã aude biʼia ɓeerã (D). Bichi jaradeabarii ome, chi texto Bibliaɗebenarã leas, maabea panauika mama eɗa wiɗi ɓuu mauɗe ochias chi bideorã.
BIDEO recuadrorãɗe unuyua bideorã aude jara ɓee chi lesion ʉ̃rʉbena. Chi ɓee bideorãba waarã pasapeɗaaɗa baɗa ariɗe jara ɓea. Mauɗe chi waabenarã bideorãba unubi ɓua chi ẽbẽrarãmaa pasai ɓuu bariara ariɗe pasa ɓuuwẽma.
Biʼia ochiapeɗa kawa kʉ̃risias chi diujo eɗa koɓeerã (E), maabea kʉ̃risias saka panauɗai ɓuu “Chi nuree ẽbẽrarãba naka jarabadaa” a ɓuuɗe (F).
PARTE ÕBEA
Chi lesiona terminaaruu ɗauchia “Nau kawasiɗaa” mauɗe chi “Waya berreaɗaika” a ɓee (G). Chi lesion estudiaɗakare ɓʉ kuɓuuba chi fecha. “Nau aseba” a ɓuuɗe, jara ɓua kãare asei ɓua mauchaburu kawa kãribaɗe wãyua (H). “Nau ochias mauchaburu kawayua” a ɓuuɗe, mama aria unui waabenarã kartarã mauɗe bideorã bichi baita ara keɗeerã (I).
Chi libroɗe eɗa barau
|
|
|
|
Saka unui ɓua texto Bibliaɗe
Bibliaɗe 66 librorã duanua. Parte ome ira ɓua: chi Hebreoɗe mauɗe Arameoɗe Ɓʉ ɓee mauɗe Cristo ʉ̃rʉbena Ɓʉ ɓee Griego beɗeaɗe. Chi nuree ẽbẽrarãba Antiguo Testamento mauɗe Nuevo Testamento abadau.
Chi textorãɗe jara ɓua chi libro Bibliaɗebena (A), chi capítulo (B), mauɗe chi versículo maebʉrã chi versiculorã (C).
Bichia unuuruuɗe chi jara ɓuumaa Juan 17:3ɗe, jãarã “chi libro Juanbʉ, capítulo 17, versículo 3”.
