“Nama neebis bichi Kobierno”: Jãarã beɗearã ẽbẽrarãba ãrea jarabadaa
¿Bichia wiɗiɓuume jãɗakare Dachi Akõre Kobiernoɗebena neeyua? Yataɗeeɗa ẽbẽrarã aribiaurãba jãdu ãrea jarabadaa: “Nama neebis bichi Kobierno”. ¿Sakayua? Jesusba ichi kaaɗe ãdanureabariimaa jãu wiɗiɗayua jarasiiɗeeba.
Naeɗeeɗa, chi Jesus kaaɗe ãdanureabariirãba biʼia kawaɗaabasia Jesusba kãare jarakʉ̃riaɓuu Dachi Akõre Kobierno ʉ̃rʉbena. Bes aɓa wiɗisiɗau: “Señor, ¿bichia buru ara nauɗe kobernaɓeerue, makaburu chi kobierno Israelɗebena naeɗe koɓoaɗa kĩra kuɓurua?”. Jesusba panauruu ãchia esperapanasia (Hechos 1:6, 7). Makara, ¿kawaɗaabai ɓue dachia kãareba mau Kobierno Dachi Akõreɗe mauɗe sakaeɗe neeiba? Makawẽma.
Nau rebistaɗe cha wiɗiɓee panauburua:
¿Sakayua nesitapanaa Dachi Akõre Kobierno?
¿Kaiba chi Rei mau Kobiernoɗebena?
¿Sakaeɗe chi Iujãa kobernaiba?
¿Kãare aseiba Dachi Akõre Kobiernoba ẽbẽrarã kakua?
¿Sakayua jambera Dachi Akõre Kobierno ome duanaɗaiba?
¿Kãareba Dachi Akõre Kobierno?
Nau siɗa bustai ɓua buchia
ENSEÑANZAS IMPORTANTES DE LA BIBLIA
¿Kãareba Dachi Akõre Kobierno?
Jesús nama iujãaɗe jaradea nibasiiɗe ichia Dachi Akõre Kobiernodu ãrĩã beɗeabachia. Yataɗeeɗa ichiɗe ijãa nureeba wiɗi duanua chi mau Kobierno neei baita.
