Kawasii saka solucionaɗayu jipawẽe ase duanuu ʉ̃rʉbena

Ursula Menneba nebʉrʉ ɓuu

Chuburi kiɗiiɗeeɗa mʉa kʉ̃ria ɓoosii nau iujãaɗe joma jipa nibayudu. Mʉa jãu joma jãkaburu ɓooyu kʉ̃ria ɓoosii bẽrã, mʉ carcelɗaa odoepeɗaaɗa chi gobierno comunista Alemania Orientalɗebenaba. Mʉ carcelɗeburu kawaɗa basii saka nau iujãaɗe joma jipa nureaɗai. Mʉá ida nebʉrʉbichãusturu.

PUURU choroma Halle Alemaniaɗe 1922ɗe mʉ naceɗa baɗa, mau 200 kilometrosɗe ɓuu (120 millas) chi suroeste Berlínɗe. Jãu puuru mil doscientos años aude kuɓuu, jãmaburu chi ẽbẽrarãba chi Iglesia católica kʉ̃riaɗawẽa bara ɓeesii. Mʉ nawekau, Käthe, 1923ɗe naceɗa baɗa; mʉ akõre militar nibasii mauɗe mʉ dana teatroɗe karibarii nibasii.

Mʉ akõreba kʉ̃ria nibasii joma jipa nureayúturu, mʉ siɗa ara jãu kʉ̃risia kĩraka nibasii. Ichi ejercitoɗebena salisiiɗe tienda nedoɗa baɗa. Ãrĩã chi ẽbẽrarã joma poore nureeburu nedoɗe wãbachiɗau, ichia chuburiapeɗa maabae fiabachii. Ichi maka niiɗeeba, chi negocio baɗa akawa eɗaa ɓaeɗa. Mʉa biɗa kawai ɓoosii ichi pasasiiɗebena, joma jipa nureabiyu baita chaarea ɓua. Maka ɓumina, chi kũudrãarãba aseɗai kʉ̃risia nuree, junebenaba “jãka aserã́baɗa” abudau adua, ãchia berekabadau aɓa jua baaruuɗaa.

Mʉ danaba artéturu bustabachii. Mʉa ichi jãka nibaɗáturu chaasii. Mʉ nawekau Käthe mauɗe mʉʉmaa kawabiaɗa basii chi música, mauɗe karipeɗa danzayuɗebena. Mʉ kau cheke kĩrajʉʉ ãrĩã nibaɗaa, mʉ nawekau mʉ ome kĩrajʉʉ ãrĩã nibasiɗaa año 1939ɗaa.

Daimaa pasaɗa baɗa jãu akawa kachirua ãrĩã ɓooɗa

Mʉ chi bachillerato acabaɗakare, escuela balé baerayu kawabibadauɗaa wãɗa baɗamina danza expresionista abadaudu estudiaɗa baɗa (ausdruckstanz, alemán beɗeaɗe), Mary Wigman kĩraka baera kawaɗa. Baerabudauɗe dachi kakua joma dodomia koɓeei baitaburu kawaɗa. Maaɗaba puruyu siɗa kawaɗa baɗa. Mʉ awẽra cheke nibasiiɗe kĩrajʉʉ ãrĩã nibaɗa, maabae ãrĩã́turu kawaɗa basii. Mau 1939ɗe empezaɗa baɗa chi Segunda Guerra Mundial. Dos años baɗakare, 1941ɗe, daimaa chaarea ãrĩã ɓuu pasaɗa basii: mʉ akõre tuberculosisɗeeba biuɗa baɗa.

Chi guerra mia mechibena ɓoobaria. Mʉ guerra empezasiiɗe mʉ 17 añoburu nibaɗa, mʉ kʉ̃risiamaa chi ẽbẽrarã loco kĩra koɓeesiɗau. Ẽbẽra ãrĩã basii naeɗeeɗa jipa nurea, apii biʼia nureaɗaidu kʉ̃ria duanaɗa, maabae nazi abadauɗeburu bapeɗaaɗa. Ãrĩã́turu unuubai koɓeeɗa baɗa mauɗe ẽbẽrarã ãrĩãdu biukuasiɗau. Chi guerraba ãrĩã́turu acabaɗa baɗa, dai de baɗa akawa joma kuapetata koɓeesii bomba jiratasiɗauba, mʉ deɗabenarã ãrĩã biupeɗaaɗa basii.

1945ɗe, guerra acabapeɗaaɗakare, mʉ nawe, mʉ nawekau Käthe, mʉ baara Halleɗe abiɗa panasii. Mʉ kimabaraapeɗa maabae kau cheke ira ɓoosii. Mʉ kima ome dai ãrĩã́turu chĩo paneeɗa baɗa, maabae dai amaasiɗau. Mʉ du aɓa niiburu waribi kãribaɗe wãɗa mʉ kau cheke. Maabae trajo bailarina bayu unusii, maabae cuadro puru kawaɗa baɗa.

Chi guerra acabaɗakare Alemania baɗa kimareɗe parti koɓeeɗa. Dai puuru Unión Soviéticaɗeeba ochia uru kopaneeɗa baɗa, mauɗeeba dai chi gobierno comunistaburu ochia uniɗau bẽrã maka nureapeɗaaɗa. 1949ɗe, mʉ nibasiimare naeɗeeɗa Alemania Oriental baɗa, maaɗakare República Democrática Alemanaɗe babisiɗau.

Chi gobierno comunistaburu dai ua koɓeeɗa

Jãu ewariɗe, mʉ dana ẽpermaɗa baɗa maabae mʉaburu ochia inibasii. Trajo unuɗa baɗa oficina gobiernoɗe. Mauɗe estudianterã unukuasii ãchia kawabi kʉ̃riasiɗau chi gobiernoba biʼia ãrĩã trataɗawẽe chi ẽbẽrarã. Mauɗeeba, kũudrãa nii universidad jãuɗe estudiabi kʉ̃riaɗaabasii chi akõre partido naziɗebena ɓoosiiɗeeba. Mʉa biʼia unu nibasii, ãbua chibʉrʉbachiɗau kariɗapeɗa mauɗe música chaaɗayua, makarã mʉa naka kʉ̃risiaɗa basii: “¿Sakãera ichia paai basaa chi akõre asesiiɗeeba?”. Chi gobierno baarabena awara wãpeɗaɗarã baara meraa koɓeeɗa baɗa, maabae minkarãɗe eɗa baara wã koɓeesii. Mauɗe papelrã siɗa wãa bʉekasii chi tribunalɗe escalera awarabenaɗe.

Mʉ secretaria kĩra traja nibaɗa chi Comité Regional de Pazɗe, maabae mʉa kartarã ɓʉ nibabachii, mau mʉa kʉ̃risia niiɗebena ome kʉ̃riaɗaabasiirã. Ɓes aɓa politicaɗeeba papelrã comunistaɗebena deebʉeɗa baɗa chõra ãrĩã kiɗii Alemania Occidentalɗe nibaɗamaa, ichiɗéburu ãyaa kʉ̃risiabiɗayua. Jãu mʉa bustaabasii akawa, mauɗeeba mʉ kĩruɗa baɗa, chi paquete oficinaɗe merakuaɗa baɗa maabae deebʉeɗaabasii.

“Chi wẽra kachirua ãrĩã nii” chi carcelɗebenaba aiɗasia

Junio 1951ɗe, mukĩra ome niɗau mʉ oficinaɗaa neesiɗau mauɗe naka jarasiɗaa: “Carcelɗaa odoebudaa”. Mʉ odoesiɗau carcelɗaa mau jarabadau Buey Rojo kĩra (Roter Ochse), maaɗakare mʉʉɗebena jarasiɗau mʉaburu chi gobierno kĩramaa ɓuuɗeeba aseɗa baɗa jarasiɗau. Estudiante niiba chi policía miru nureerãmaa jarasii mʉaburu wãakuaruu papel calleɗe. Chi juicio mʉ asesiɗau setaa jarasiɗauba, wãʼãe basii kaiba ɓʉɗa baɗa beɗea aɓa biɗa mʉa jaraɗa baɗa ʉ̃rʉbena; mʉ carcelɗe jʉ̃apeɗaaɗa baɗa seis años. Mauɗe mʉ carcelɗe eɗa ɓoosiiɗe, ẽpermaɗa basia mauɗeeba mʉ hospitalɗaa bʉesiɗau ara mama carcelɗebena, mama aria 40 wẽrarã wãyaa duanaɗa. Maarã kĩadarr unusiiba mʉ mechibena peraɗa baɗa, mʉ pira wãɗa baɗa poroaɗaa maabae mʉa chi poroa sĩ koɓeesii.

—¿Kãare kʉ̃ria ɓuma? —chi guardiaba wiɗisii.

—¡Mʉ namabena awara wã kʉ̃ria kuɓuma! ¡Kʉ̃riabʉrã mʉ du aɓa jʉ̃a kuɓustu, maamina awara bʉestu! —naka ɓiaɗa basii. Chi guardiaba ũriɗaabasia. Ara ɓaʼãra baburuuɗe, wẽra aɓa unusii junebenarãɗeeba diwara nibasii. Mʉa ichi kĩadarr unusiiɗe biʼia nii, apii ɓuu unupeɗa ichi jʉ̃kaa akʉ ɓeeɗaa basii.

Ichia mʉʉmaa jarasii: “Mʉ jʉ̃kaa akʉ ɓeeruu kaubaa” aɗa basii. “Waabenarã wẽrarãba kʉ̃risia panuu mʉ chi wẽra kachirua ãrĩã nii jomaurã audeara, Jeowaɗebena Jara niiɗeeba”.

Mʉa adua basii chi ẽbẽrarãba kʉ̃risiabadau Jeowa ɗebena Jaranũrẽrã chi gobierno chi iadaa ãrĩã nii kĩraka. Mʉ chuburi nibasiiɗe Bibliaɗebena Kawa nureerã (naka jarabachiɗau naeɗe) mʉ akõremaa neebachiɗau. Mʉa kawa ɓuu akõreba naka jarabachii: “Bibliaɗebena Kawa nureerãba ariɗe jarabadaa” aɗa basii.

Mʉa unusiiɗe Berta Brüggemeier ichi wẽra biʼia ãrĩã nii, mʉ kĩrajʉʉba jẽaɗa basii. Mʉa ichimaa jarasii: “Mʉ chuburia, Jeowaɗebena kawabis” aɗa basia, akawa ãbua meraapeɗaaɗa. Maabae Bibliaɗebena mauchaburu jara paneeɗa basia. Mʉa kawasii, Jeowa chi Dios ariɗe nii, kʉ̃ria ãrĩã nibapeɗa, jipa nii mauɗe kĩrukaraawẽa nibabiyua. Mʉa kawasii ichia joma arreglayu chi kachirua kuɓuu ẽbẽrarãba asebadauɗebena. Salmo 37:10 mauɗe 11ɗe jara ɓuu kĩraka: “Ara ɓaʼãraburu maucha maabea chi ẽbẽra kachiruarã wãʼãe bayua waa [...]. Maamina chi ẽbẽra bia kirureerãba nau iujãa audayua mauɗe ãchi kĩrajʉʉ duanaɗai paz aribiadu unuɗayua”.

Carcelɗe awara wãɗakare Occidenteɗaa wãɗa baɗa

1956ɗe awara bʉepeɗaaɗa cinco años ɓooɗakare. Maaɗakare cinco días baburuuɗe, mʉ Alemania Occidentalɗaa wãsii. Ara mauɗe mʉ kaurã ome ua nibasii, Hannelore mauɗe Sabine, mauɗe ãchi mʉ baara wãsiɗau. Mʉ kima ome amaaɗakare maabae waya Jeowa ɗebena Jaranũrẽrã ome beɗeaɗa baɗa. Biblia estudia nibaɗe wãburuuɗe Jeowa Beɗea biʼia ũripeɗa mauɗe mʉ nibaɗa bereka cambiayu. Maabae mʉ bautizaɗa 1958ɗe.

Mʉ kimabaraaɗa baɗa waya Jeowaɗebena Jara nii ome, Klaus Menne. Dai ãbua kĩrajʉʉ ãrĩã nibasiɗau mauɗe warrarã ome baraasiɗau: Benjamin mauɗe Tabia. Miachuburi, mʉ kima accidenteɗe biuɗa baɗa veinte años basii, mauɗe iɗiiɗaa mʉ pẽdrãa nii. Mʉ kĩrajʉʉ ãrĩã nibabarii biupeɗaaɗa baɗa waya piradruɗayu cha nau iujãa mipitaa ɓeeburuuɗe (Lucas 23:43; Hechos 24:15). Mʉ kĩrajʉʉ ãrĩã ɓuu mʉ kimare warrarã Jeowa baita trajabadau kakua.

Jãabera mʉa kawasii Jeowaburu aseyu chi ariɗe jipa ɓuu, mau Bibliaɗebena kawa ɓoosii. Jeowaba kuitaa nii joma dachi niiɗebena, dachi nibaɗaɗebena siɗa mau ẽbẽrarãba adua nuree. Nauɗebena kawaburuuba mʉ biʼia ãrĩã sentiburuu iɗibea, bariara mʉa ara nauɗe unu nimina chi kachirua ãrĩã kuɓuuɗebena. Eclesiastés 5:8ba naka jara ɓuu: “Bichia unuruubʉrã bichi puuruɗe ẽbẽra aɓa kachirua asemaa panuu chi nejarraswãe kirureerãmaa mauɗe aseɗawẽe chi ariɗe ɓoapeɗa jipa ɓuu, jãka kuɓuu kauwawẽa nii kĩraka kʉ̃risiarã́ba. Ara nauɗe chi goberna ua kuɓuumaa chi aude poder ãrĩã niiba ochia uru kuɓua, mauɗe jãarã ẽbẽrarã ʉ̃rʉ maucha kuɓua audeara poder ira panuu”. Chi jomaurã audeara autoridad bara nii, dachi Waukaɗabʉ, jãuɗeeba ichiɗebena chi Bibliaba naka a ɓuu: “Aɓa biɗa wãʼãe ichiba unukau. Ichiba ne joma doɗaa unubarii, dachiba mera uru panuu siɗa arakʉɗe unubarii. Ichiba ichiaruuɗe joma dachiba waupeɗaaɗa ichimaa jaraɗai” (Hebreos 4:13, Biblia Chamí, WPS.).

Mʉ noventa años kaita vivi nii

Ãrĩãrãba wiɗibadau mʉ saka nibasii chi gobierno naziɗe mauɗe chi gobierno comunistaɗe nibasiiɗe. “Chaarea ãrĩã ɓooɗa basii”, apeɗa panaubaria mʉa. Jãarã gobiernorã omeerãɗebena mauɗe maucha junebenarã gobiernorã ẽbẽrarãɗebenaba poyaa ariɗe gobernaɗawẽe. Bibliaba naka a ɓuu: “Chi ẽbẽraba waabenarã ẽbẽrarã goberna ua ɓuuɗe istu daño ase ɓua” (Eclesiastés 8:9). ¡Chi Bibliaba ariɗe ɓuu jara ɓua!

Mʉ ãwera nibasiiɗe akawa biʼia adua nibasia, jãuɗeeburu kʉ̃risiabachiɗau jomaurã ẽbẽrarãba biʼia chi kachirua koɓeeɗebena arreglaɗai ɓuu abachia; jãabeaburu chi Waukaɗa baɗa niiburu joma nau iujãaɗe biʼia ãrĩã gobernai ɓua, jãuburu joma chi ẽbẽrarã kachiruarã kenakuayua, maabae ichiaburu chi poder deayua chi Warr, Jesucristomaa, ichiaburu kʉ̃riasii bẽrã, waabenarã aude biʼia nureayu baita ichi biʼia nibai baɗabaarã. Dachi Akõre Warrɗebena chi Bibliaba naka jara ɓua: “Bichiba chi jipa waubadau kʉ̃riasii. Kachirua kĩramaasii” (Hebreos 1:9, Biblia Chamí, WPS.). Mʉa ãrĩã ara kiruma abarii Dachi Akõremaa ichia mʉʉmaa kawabisiiɗeeba ichi gobiernoɗebena mauɗe chi Rey, chi jipa nii unii bẽrã jãka biʼia gobernaburuuɗeburu mʉa nibai kʉ̃ria nii.

[Foto]

Mʉ kaurã baara Hannelore mauɗe Sabine Alemania Occidentalɗaa neepeɗaaɗakare

[Foto]

Iɗibea, mʉ wau Benjamin ichi wẽra Sandra ome