6. Joma iujãaɗe jaradeaduanuu
6. Joma iujãaɗe jaradeaduanuu
“Chi beɗea kĩrawãrea ɓee Dachi Akõre Kobierno ʉ̃rʉbena kawabiɗaiɗebena ẽbẽrarã jomaurãmaa” (MATEO 24:14).
● Vaiatea isla chi tʉmʉa ɓuu ɓoobarima Pacíficoɗe, archipiélago Tuamotúɗe. 803 mil kilometro kuadrado (310 mil miya kuadrada) drua marɗe eɗa, 16 mil ẽbẽrarãburu aria duanabarima. Maka ɓuumina, chi Jeowa ɗebena jaranũrẽba Vaiatea mauɗe ichi besinorã ochiaɗe wãbadaa. ¿Sakayua chi tʉmʉaɗaa wãpanubama? Chi beɗea kĩrawãrea ɓee Dachi Akõre Kobierno ʉ̃rʉbena jomaurã barikiau druaɗebenamaa kawabii kʉ̃riapanuu bẽrã.
¿KÃARE UNUSIƊAA? Chi beɗea Dachi Akõre Kobierno ʉ̃rʉbena joma iujãaɗe jaradeɗekaduanuu. Año 2010ɗe, chi Jeowa ɗebena jaranũrẽba 1 600 miyon ora jaradeasiɗaa chi beɗea kĩrawãreaɗebena 236 drua didiwaraɗe, mau kĩra ɓua aɓa aɓaa Jeowa ɗebena jaranũrẽɗebenaba 30 minuto noremaacha jaradeasiɗau. 10 año naeɗe 20 000 miyon kartarã aseɗapeɗa deɗekuasiɗaa bi’ia jaradeɗekaɗai baita.
CHI NUREEBA JARABADAU. Yataɗeeɗabena asta iɗiɗaa chi biʼia neeruuɗebena jaradeapeɗaaɗabaɗa.
¿ARIƊE JARADUANUBAKA? Makabʉ, ãrĩãrãba berekasiɗamina Bibliaɗebena jaradeɗekaɗayua. Maamina jãarãba ɓaʼãraburu mau asepanasia. Chi Jeowa ɗebena jaranũrẽbara joma iujãaɗe kawabipanuu ãrĩã ẽbẽrarãmaa. Bariara chi miaɗaa nureeba dachia jaradeaɗayua idaribikaumina (Marcos 13:13). * Maubapeɗa, chi Jeowa ɗebena jaranũrẽba tiempo sakaɗapeɗa jaradeaɗe wãɗayua mauɗe deɗekaɗayua chi kartarã, mau asei baita chi nejarra wiɗiɗakaa. Ẽbẽrarãba chi nejarra korasonɗeeba deaduanuuba asepanua.
¿BICHIA SÃA KɄ̃RISIAƁUA? ¿Bʉmaa “chi beɗea kĩrawãrea ɓee Dachi Akõre Kobiernoɗebena” jaradeapanue joma nau iujãaɗe? Nau propesia kumplimaaɓuu bẽe, ¿chi bi’ia ɓuu uruburuuɗe esperaɗai ɓue?
[Chi dore ɓʉkuɓuu]
^ par. 6 Waaburu kawa kʉ̃riaruubʉrã, ochias naarã bideorã chi ãchia pasabudauɗebena Fieles ante las pruebas, Los triángulos púrpuras mauɗe Los testigos de Jehová se mantienen firmes ante el ataque nazi,” chi Jeowa ɗebena jaranũrẽba waupeɗaaɗa.
[Poto]
“Jeowaba dachi idaribiibʉrã, maumisa waa bereka jaradeaɗai baita chi beɗea kĩrawãrea ɓee Dachi Akõre Kobiernoɗebena ãrĩãrãmaa”. (ANUARIO DE LOS TESTIGOS DE JEHOVÁ 2010)