Panauɓee Bibliaɗebena wiɗiɓee
¿Biawãrabaaka Jeowaba dachi pekao miadaabena aseɗa baɗa perdona ɓuu?
Dachi Akõre kĩrajʉʉbiyua chaarea ɓuuwẽma
Bibliaba jara kuɓua dachi ẽbẽrarã pekao bara nurea. Chi pekao dachi nabena akõre, Adanɗebena nee ɓuu. Mauɗeeba, ɓesɗe miadaa ɓuu asebadaa maabea naka kʉ̃risiabadau “mʉa jãka aseebai baɗa” a kʉ̃risiabadaa. Chi Dachi Akõre Warr, Jesucristo, dachi pekao kakua biusii bẽe, Dachi Akõreba perdonai ɓuu. Ichiba dachi baita maka asesia (Romanos 3:23, 24 leas).
Chi nureeba pekao mechibena ɓee aseɗapeɗa, maabea kʉ̃risiabadau “¿Diosba mʉ perdonai ɓubaaka?” a kʉ̃risia nurea. Chi Bibliaba biʼia jara ɓua “Jesús oa cheɗaba dachi pekao joma jeraabarii” (1 Juan 1:7). Dachia pekao michia ɓuu asebudau siɗa, Jeowaba perdona kʉ̃ria ɓua, dachia sõɗeeba arrepentibudaubʉrã (Isaías 1:18 leas).
¿Dachia kãare aseɗaiba Jeowamaa dachi perdonabiɗai baita?
Dachia Jeowamaa perdonabiɗai baita, ichi saka nii ʉ̃rʉbena kawabaraaɗai: ichi kãare saka ase ɓuuɗebena, ichia kãare jaradea ɓuuɗebena mauɗe ichia kãare asebi ɓuuɗebena siɗa (Juan 17:3). Jeowaba ãrĩã perdona ɓua chi miadaa asepeɗaaɗa baɗa, maarãba arrepentiɗapeɗa mauɗe cambiai baita berekabudaubʉrã (Hechos 3:19 leas).
Chi Dachi Akõreba jaraaruu ũriɗapeɗa aseɗai ɓua. Jeowaba kuitaa ɓua dachia ne biadu aseɗa kʉ̃ria panumina, ɓesɗe miadaa ɓuudu ase duanabaria. Jeowa ẽbẽra bia nibapeɗa kĩra chuburia ãrĩã nii. ¿Jãuba bʉʉmaa kawa kʉ̃riabi ɓuẽ saka Dachi Akõre kĩrajʉʉbiai baita? (Salmo 103:13, 14 leas).