JEOWAƊEBENA JARA NIBABARII OME BEƊEA PANUU
¿Sakaeɗe koberna koɓeesaa chi Dachi Akõre Kobierno? (Parte aɓa)
Kʉ̃risiaɗaika mukĩra Jeowa ɗebena Jara nibabarii chi trʉ̃ Julio mauba mukĩra Ernesto abadau deemaa ochiaɗe wã ɓuu.
JɄRɄ NIBÁBAƊA KAWA NIBAƊAI BAITA
Julio: Mʉa ãrĩã busta ɓua Bibliaɗebena beɗea panuu, Ernesto. a ¿Kawa ɓuẽ bichia mʉʉmaa Dachi Akõre Kobiernoɗebena wiɗiɗa baɗa? Bichia jarasiiɗe kawa kʉ̃ria ɓuu sakãera Jeowa ɗebena Jaranũrẽba jaradeabadaa chi Dachi Akõre Kobiernoba goberna koɓeesii 1914ɗeeɗa.
Ernesto: Maerã, mʉa jãu leaɗa basma machi revistaɗe, jarabadau chi Dachi Akõre Kobiernoɗebenaba 1914ɗeeɗa gobernaɗa, mau mʉa kawaabai ɓuma. Machia jara panuu chi joma jaradeabadauɗebena Bibliaɗe eɗa kuɓuu.
Julio: Makabʉ, joma.
Ernesto: Mʉa chi Biblia joma lea ɓuuɗe unukau jãu añoɗebena. Maabae jʉrʉsii internetɗe Bibliaɗe akawa unuwẽebasii 1914ɗebena.
Julio: Mʉa biʼia ɓuu aima chi ome ɓuu kakua. Naa, bichia joma Biblia leaɗa bẽrã. Unu ɓuu ãrĩã bustabarii.
Ernesto: Maerã, mʉ baita jãturua chi libro biʼia ɓuu.
Julio: Mʉa biɗa ara jãka kʉ̃risia ɓuma. Mʉa biʼia ɓuu aima bichia Bibliaɗe eɗa jʉrʉ ɓuu bẽrã bichia kawa kʉ̃ria ɓuuɗebena. Bichia asesii chi Bibliaba jara ɓuu kãare aseɗayu: waaburu jʉrʉɗayu kawaɗayua. b ¡Biʼia ɓua bichia ãrĩã́turu jʉrʉbarii ɓuuba!
Ernesto: Ara kiruma, Julio. Mʉa mauchaburu kawa kʉ̃ria ɓuma. Mʉa waaburu jʉrʉ awa ɓuuɗe unusii chi 1914ɗebena chi libro ara jari dachia jara niiɗebenaɗe. Chi bakuru choroma noɓooɗa baɗa tõotapeɗaaɗaɗebena mauba waya wariɗa baɗa... jãu kĩraka ɓuu.
Julio: Mara maká. Jãu chi capítulo 4 libro Danielɗebena. Jara ɓuu chi Nabucodonosor komakaraaɗaɗebena, ichi chi rey Babiloniaɗebena.
Ernesto: Maerã, jã́turu ɓuu. Mʉa chi ãrĩã leabarii, maka ɓumina mʉa biʼia kawawẽe kãare jara kʉ̃ria ɓua jãuɗebena chi bakuru mauɗe chi Kobierno Dachi Akõreɗe ome mauɗe 1914ɗebena.
Julio: Preocuparã́ba. Chi Danielba chi ɓʉɗa biɗa kawawẽebasia.
Ernesto: ¿Biawãraẽ?
Julio: Maerã. Ochiachãu nama Daniel 12:8ɗe ɓʉɗa baɗa: “Ũriɗa basmina, mau kawawẽebasii”.
Ernesto: Makarã mʉ́turu aɓaburuwãe chi kawawẽa nii. Makarã ara ɓuma.
Julio: ¿Kuitaa ɓuẽ mau sakãera Danielba kawawẽebasaa? Abiɗa neewẽa koɓoosia chi Dachi Akõreba kawabii baita jãuɗebena. Jãabera kawaɗai ɓuma ichia ɓʉpeɗa ɓuiɗa baɗa.
Ernesto: ¿Biawãraẽ?
Julio: Maerã, chi versículo 9ɗe jara ɓua. Ochiaba chi jara ɓuu: “Chi nau beɗea chũpea uru nureaɗayu biʼia mera unibai chi nau diarã acabataburuuɗa”. Dachia unu ɓuu kĩraka, nau profecía chi último diarãɗebena mauɗéburu kawayua. Joma dachia unubaraa ɓeesiiɗebena jãuɗebena jara kuɓua, dachi jãarã diaɗaa bara ɓeesia. Jãu unuɗayua dachia chi libro lea kãriɗauɗebena. c
Ernesto: ¿Mʉʉmaa jaradeai ɓuẽ?
Julio: Jaradeachai ɓuu.
CHI KOMAKARAA NABUCODONOSORƊE
Julio: Naa baara ochiaɗaika chi rey Nabucodonosor komakaraaɗaɗebena, maabae jaraɗaika kãareɗebena jara ɓuu.
Ernesto: Maerã, ara ɓuma.
Julio: Nabucodonosorba komakaraaɗa baɗa bakuru mechia ɓuu bajãaɗaa neeɗa baɗa. Ichia komakaraasiiɗe ũrisii chi aɓa Dachi Akõreɗebena neepeɗa chi bakuru tõoɗayuɗebena jaraɗa. Mau chi karraɗaabenáturu noɓeeɗa. Maabae chi “siete tiempo” pasaɗa baɗa maabae chi bakuru waya warisii. d Cha nau cumpliɗa baɗa naa Nabucodonosorɗe. Ichi chi rey mechibena nibasii; chi bakuru bajãaɗaa nee ɓoosii kĩra. Maabae ichi rey nibaɗa ida ɓuɗa baɗa, mau chi bakuru tõopeɗaaɗa kĩra, mau siɗa “siete tiempoɗe”. ¿Kuitaa ɓuẽ mau kãareɗebena jara kʉ̃ria ɓuu?
Ernesto: Mʉa akawa kawawẽa.
Julio: Bibliaba jara ɓuu ichi kĩra adua ɓeeɗa, siete años, jaraibʉrã mau chi “siete tiempo”. Mauɗeeburu ida ɓuɗa basia ichi rey nibaɗa. Maabae ichi “siete tiempo” acabaɗakare, ichi kĩra adua nibaɗa chi boro biʼia ɓeepeɗa waya rey nibaɗe wãɗa. e
Ernesto: Makarã, jãma kawamaa ɓuma. Mauba, ¿saka jara kʉ̃ria ɓua chi Kobierno Dachi Akõreɗe mauɗe 1914 ome?
Julio: Cha nau profecía ome ɓesɗe cumpli ɓua. Naeɗebena Nabucodonosor ida ɓuɗauɗa chi rey nibaɗaɗebena. Mauɗe kaaɗebena ida kuɓuɗauɗa baɗa chi Kobierno Dachi Akõreɗebena.
Ernesto: ¿Mau saka kawa ɓua? Chi ome ɓesɗe cumpliɗa.
Julio: Ara chi profeciaba dachimaa kawabi ɓua. Daniel 4:17ɗe jara ɓuu chi profeciaba jaraɗa baɗa chi ẽbẽrarãba kawaɗai baita chi “Ʉtʉ kuɓuu Gobernante joma ichia goberna ua kuɓuuɗebena ẽbẽrarãɗe mauɗe ichia deabarii ichia kʉ̃riaburuumaa“. ¿Ũri ɓuẽ jara ɓuu “chi gobierno ẽbẽrarãɗe”?
Ernesto: Maerã, nama naka jara ɓuu chi “Ʉtʉ kuɓuu Gobernante joma ichia goberna ua kuɓuuɗebena ẽbẽrarãɗe“.
Julio: ¿Bichi baita kaituruba chi “Ʉtʉ kuɓuu Gobernante“?
Ernesto: Mae, ¿chi Dachi Akõrewãe?
Julio: Makabʉ. Jãu profeciaɗe bari jara ɓuuwãe chi Nabucodonosorɗebena. Chi jara ɓuu chi “gobierno ẽbẽrarãɗe” siɗa, chi jarabʉrã chi Kobierno Dachi Akõreɗe ẽbẽrarãɗebena. Biʼia kawaɗaibʉrã nau profeciaɗebena, ochiaɗayua mau ariɗe ɓuu.
Ernesto: Maerã, mʉa ũri kuɓuma.
CHI IMPORTANTE ÃRĨÃ ƁUU CHI LIBRO DANIELƊE
Julio: Chi libro Danielɗe tema bara ɓuu kapichia uruburuu jara ɓua: chi Kobierno Dachi Akõreɗe aseburuu mauɗe Jesucristo chi reyɗe. ¿Sãa ɓua ochiaɗaibʉrã kãare baaruu? Cha naarã capitulorã kaaɗe, Daniel 2:44ɗe. Leachãu bichia, muchuburia.
Ernesto: Maerã. Jãka jara ɓuumaa: “Chi diarã jãarã gobiernorãɗebena, Dachi Akõre ʉtʉ bajãaɗebenaba gobierno acabaabai kuɓuburua, junebena puuru juamaa biɗa deaabayua. Siratukuaɗapeɗa joma acabayua naarã gobiernorã baɗa, ichidu ɓeeyua acabaabayuɗe”.
Julio: Biʼia ɓua. ¿Bichia jarai ɓuẽ cha nau Bibliaɗe chi Kobierno Dachi Akõreɗe?
Ernesto: Ɓaa... adua.
Julio: Chi versiculoba jara kuɓuu nau gobierno “ichidu ɓeeyua acabaabayuɗe”. Dachi Akõreburu unibayua chi gobierno acabawẽebayu, ¿makawãe?
Ernesto: Maka ɓuma.
Julio: Maucha jʉrʉɗaika chi profecía jara ɓooyu chi Kobierno Dachi Akõreɗebena. Daniel 7:13, 14ɗe kuɓua mauɗe jara ɓuu chi ẽbẽra chi rey bayu. Jãma jara ɓua: “Ichimaa deaɗa baɗa gobernai baita, ichi respetaɗayu mauɗe aɓa ɓuu gobierno jomaurã ẽbẽrarã puuruɗebenarã, aɓaaɓaa diwarau beɗea nureerãba ũriɗayu baita. Ichi gobierno mau acabaabayuɗebena, mauɗe ichi gobierno akawa ãritaɗaabayuɗe”. Cha nau versiculoɗe bara ɓua naeɗe jarapeɗaaɗaɗebena.
Ernesto: Maka, waya jara ɓuu nau gobierno ʉ̃rʉbena.
Julio: Makabʉ. Mau jara ɓuu barikia kobiernoɗe wãe. Biʼia ochiaburuubʉrã, jãma jara ɓuu chi autoridad koɓooyu “jomaurã ẽbẽrarã puuruɗebenarã aɓaaɓaa, diwarau beɗea nureerãba ũriɗayu baita”. Jaraibʉrã gobernaburuu, joma iujãaɗe.
Ernesto: Mʉa adua baɗa, ariɗe jara ɓuu. Mama eɗa jara kuɓuu.
Julio: Waya ochiachãu nama jara ɓuu: “Ichi gobierno mau acabaabayuɗebena, mauɗe ichi gobierno akawa ãritaɗaabayuɗe”. ¿Bʉʉmaa cha nau versículo ara aɓau ɓuuwẽeba jara ɓuu Daniel 2:44ɗebena, ara ʉ̃raburu leasiɗau?
Ernesto: Maka, araɓau ɓuma.
Julio: Waya beɗeaɗaika maucha ara cha unu kãriɗauɗebena. Chi profecía capítulo 4ɗe libro Danielɗe ẽbẽrarãmaa kawabi ɓuu “chi Ʉtʉ kuɓuu Gobernante joma ichia koberna ua kuɓuu ẽbẽrarãɗe mauɗe ichia deabarii ichia kʉ̃riaburuumaa”. Cha nauba unubi ɓuu chi profecía cumpliyu chi aɓa nii audeara nii Nabucodonosorɗeeba. Mauɗe, joma chi libro Danielɗe unu panuu chi profecía araɓau beɗea panuu: sakaeɗe chi Kobierno Dachi Akõreɗeeba empeza adauiba gobernayua Jesucristo ome chi rey. Nauba unubi ɓuu joma chi profecía chi capítulo 4 Danielɗeeba jara ɓuu chi Kobierno Dachi Akõreɗe, ¿bichia ijãawẽe maka ɓuu?
Ernesto: Makabʉ. Mʉ biʼia ũriwẽma saka unu ɓua jãu chi 1914 ome.
CHI SIETE TIEMPO PASAƊAKARE
Julio: Maucha jara ɓua chi rey Nabucodonosorɗe. Chi naeɗe cumplisii chi nau profeciaɗebena, Nabucodonosor jãu bakuru kĩra nii. Ichi goberna nibaɗa ida kuɓuɗa basia, chi bakuru tõotasiɗauɗe mauɗe chi siete tiempo pasaɗakare ichi ʉ̃rʉ. Nabucodonosor akawa kĩra adua koɓeeɗaa, nau tiempo pasaɗakare waya ichi boro biʼia ɓeeɗaa, maabae ichi waya rey baɗaa. Chi ome ɓes cha nau cumplisii chi profeciaɗebena, chi Kobierno Dachi Akõreɗe ida kuɓuɗaa, nau chi Dachi Akõre ichi kachirua asesiiɗeebawãebasia.
Ernesto: ¿Kãare jara ɓuma? Ũriwẽma.
Julio: Tiempo ãrĩã basii chi Bibliaba jara ɓuu chi reyrã Israelɗebena akʉ duaneebachiɗau “Jeowa ãkauɗe”. f Jãuba jara kʉ̃ria ɓuu chi Dachi Akõre representa nureerãɗebena . Mau chi tiempo pasa wãburuuɗe ãrĩãrãba Jeowa ɓuipeɗaaɗaa, chi ẽbẽrarã ãchi kaaɗe wãuchiɗaa. Jãuɗeeba Dachi Akõreba idaarabiɗa baɗa chi Babilonia ãchiɗi kĩra adaubiɗayua Israelmaa año 607ɗe Jesús neei naeɗe. Jãu ewariɗe reyrã wãʼãe basii chi Jeowa representaɗayu Jerusalenɗe, chi capital reinoɗe. Naka jaraibʉrã, chi gobierno Dachi Akõreɗe ida kuɓuɗa. ¿Bichi ũri ɓuẽ?
Ernesto: Mʉa ũri kuɓuma.
Julio: Chi siete tiempo empezapeɗaaɗa baɗa año 607ɗe Jesús neei naeɗe. Jãu ewariɗe chi gobierno Dachi Akõre ida kuɓuɗa baɗa. Mau diarã acabapeɗaaɗakare, Dachi Akõreba maucha trʉ̃ jara adauɗa chi rey aɓa mau ichi representante kĩraka bajãaɗe. Chi waabena profeciarã siɗa cumplipeɗaaɗa baɗa maarã día acababuruuɗe. ¿Mau sakaeɗe acabaɗaba chi siete tiempo? Unuɗaibʉrã chi panau kuɓuu kawaɗayua sakaeɗe empezaɗa baɗa chi gobierno Dachi Akõreɗe.
Ernesto: Mʉa jaraima 1914ɗe.
Julio: Mara makabʉ, ariɗe jara ɓuma Ernesto.
Ernesto: ¿Saka kawaɗaiba jãu añoɗe basii?
Julio: Jesús neesiiɗe iujãaɗaa, jaraɗa baɗa chi jãu siete tiempo acabawẽa ɓuu. g Mauɗeeba chi diarã ãrĩã. Chi siete tiempo empeza adauɗa baɗa Jesús neei naeɗeeɗa, mau mauchaburu baraaɗa baɗa Jesús bajãaɗaa wãɗakare. Mauɗe kʉ̃risiaba jarapeɗaaɗa baɗa chi profecía Danielɗe akawa kawaɗaabayu mau chi diarã “chi nau diarã acabataburuuɗa”. h Acababuruuɗaa chi siglo XIX (diecinueve), ãrĩã chi estudiante Bibliaɗebenarã ãchirãba biʼia ãrĩã jʉrʉpeɗaaɗa baɗa kawaɗayua nau profeciaɗebena. Ɓiɗĩ ɓiɗĩa kawa kãribaɗe wãsiɗau chi jãu siete tiempoɗebena acabayu 1914ɗe. Mauɗeeɗa joma chi kachirua kuɓuu jãuba unubi ɓuu jãu añoɗe comenzaɗa baɗa chi bajãaɗe chi gobierno Dachi Akõreɗe, mauɗeeɗa empeza koɓeeɗa baɗa chi último día uruburuuɗebena. Biawãrabena ãrĩã́turu ɓua dachia kawai baita nauɗebena, Ernesto.
Ernesto: ¡Mara makabʉ! Mʉa waaburu jara ɓeeyua cha nauɗebena kawayua.
Julio: Mʉ tiempo ba ɓoosii biʼia entendei baita. Dachi chaa berreasiɗauɗebena aiɗasirã ara ɓosma joma kawayua chi Jeowa ɗebenarãba jarabadau chi Dachi Akõre Kobiernoɗebena Bibliaɗe eɗa kuɓuu.
Ernesto: Ara kiruma. Mʉa unubarii machia ãrĩã ijãa nuree chi Bibliaɗe.
Julio: Mʉa biɗa jãka unu ɓuu bichia ijãa kʉ̃ria ɓuu jãka chi Bibliaɗebena. Mʉa jara ɓuu kĩraka, ãrĩã dachia kawai baita, mʉʉmaa naka ɓuu bichia mauchaburu kawa kʉ̃ria ɓuu. Mʉa jara ɓuu, chi siete tiempo comenzaɗa baɗa 607ɗe Jesús neei naeɗe, jãka aɓau unu ɓua chi Dachi Akõre Kobiernoɗe ome. Maamina, ¿sakãera jarabadaa acabaɗa baɗa 1914ɗe? i
Ernesto: Mʉa kawa kʉ̃ria ɓuma.
Julio: Bibliaba dachimaa kawabi ɓuu sãabe demora ɓuu chi siete tiempo. ¿Kʉ̃ria ɓuẽ maucha neeburuuɗe beɗeaɗayu jãuɗebena? j
Ernesto: Ara kiruma. Mʉa esperai ɓuu.
¿Bichia Bibliaɗebena kawa kʉ̃ria ɓuẽ? ¿Kawa kʉ̃ria ɓuẽ chi Jeowa ɗebena Jaranũrẽrãba ijãaɗapeɗa mauɗe ase nureeɗebena? Maka kiruubʉra, Jeowa ɗebena Jara nibabariimaa wiɗis. Ichia bʉ ome beɗea kʉ̃ria ɓoi jãuɗebena.
a Chi Jeowa ɗebena Jaranũrẽrãba bari jaradeabadaa de ɓeecha chi Bibliaɗebena.
b Proverbios 2:3-5.
c Ochiase chi lesion 32 chi libroɗebena ¿Saka kĩrajʉʉ biuwẽa nibaiba?, Jeowa ɗebena Jaranũrẽrãba waupeɗaaɗabʉ.
d Daniel 4:13-17.
e Daniel 4:20-36.
f 1 Crónicas 29:23.
g Jesusba jarasiiɗe chi último diaɗebena, ichia jaraɗa baɗa “judiowãe nureerãba Jerusalén ãchi juaɗe uru panaɗai aɓa Dachi Akõreba ɓuɗa ewariɗaa”. Jerusalén representa ɓoosii kobierno Dachi Akõreɗe kĩra (Lucas 21:24, Biblia Chamí, WPS.). Jesús iujãaɗe nibasiiɗe apii Dachi Akõre Kobiernoɗe empezawẽa nibasia, mau maka basii empezasiɗa chi último día.
h Daniel 12:9.
j Chi uruburuu artículo ara nauɗebena jaraburua chi versículo Bibliaɗebenarã jara ɓuu sãabe demorayu chi siete tiempo.
Nau siɗa bustai ɓua buchia
CHI KARTABA
¿Sakaeɗe goberna koɓeesaa chi Dachi Akõre Kobierno? (Parte ome)
Bibliaɗe eɗa jara kuɓuuba mauɗe chi Dachi Akõreba rey Babiloniaɗebenamaa komakaraabiɗa baɗaba jara kuɓuu chi año ariɗe ɓuu.
DAIRÃ ƊEBENA
Chi wiɗi koɓeebadau Jeowa ɗebena Jaranũrẽ ʉ̃rʉbena
Nama, bichia unuyua chi panau ɓee bichia naeɗe wiɗiɗa baɗa daiɗebena.
