Baibal Cauk Biahmaiṭhi

Mah a tawimi video cawnnak hna nih Baibal chungah aa telmi, a sunglawimi a konglam hna le an hnulei sining hna kha an langhter. Pumpak Baibal relnak le hlathlainak ah na ṭhancho khawh nakhnga mah video hna hi hmang.

Genesis Biahmaiṭhi

Genesis Baibal cauk nih minung tuanbia aa thawk ning, sifah harnak le thihnak aa thawk ning ti bantuk a biapimi kong hna kha a langhter.

Exodus Biahmaiṭhi

Pathian nih Israel mi kha Izipt ram i saltannak in a khamh hna i a sinah pekchanhmi miphun pakhat in a dirh hna.

Levitikas Biahmaiṭhi

Levitikas cauk nih Pathian thiannak le kan thian awk a sinak a ruang a langhter ning kha hlathlai.

Nambar Biahmaiṭhi

Jehovah nawlngaih le a miphun hruai awkah rian a pekmi hna upat cu zeitluk in dah a biapit ti kha hlathlai.

Deuteronomi Biahmaiṭhi

Israel mi sin Jehovah pekmi nawlbia nih a miphun zeitluk in dah a dawt hna kha a langhter.

Joshua Biahmaiṭhi

Israel mi nih Pathian pekmi ram an lak ning le an i ṭhen ning kong kha hlathlai.

Biaceihtu Biahmaiṭhi

Tuahsernak kong aa ṭialnak mah cauk ah Israel mi kha anmah a hremtu hna kut in luatter awkah Pathian nih a hmanmi, a ral a ṭha i a zumhnak a fekmi pa hna an min aa tel.

Ruth Biahmaiṭhi

Mino a simi nuhmei Ruth nih nuhmei a si vemi a vapa a nu cungah mahzawn ruat lo dawtnak a langhter i an pahnih ningin Jehovah nih thluachuah a pek hna.

1 Samuel Biahmaiṭhi

Biaceihtu hna chan in siangpahrang hna uknak chan tiang, Israel mi hna tuanbia a langhter ning kha zoh.

2 Samuel Biahmaiṭhi

David toidornak le a zumhnak nih duh a nung bikmi le Baibal chung i mi tampi nih hngalhmi a siter ning kha zoh.

1 Siangpahrang Biahmaiṭhi

Rumnak le sunparnak a hmumi Solomon Siangpahrang uknak chan in buaibainak in a khatmi Judah le Israel pennak pahnih uknak chan tiang i Israel tuanbia kha zoh.

1 Chanrelnak Biahmaiṭhi

Chuahkehnak kong le Siangpahrang David nih Israel uk hram a thawk in a thih tiang Pathian ṭih bu tein a nunnak kong kha hlathlai.

2 Chanrelnak Biahmaiṭhi

Judah siangpahrang hna tuanbia nih Pathian cungah zumhfek tein um a biapit ning a langhtermi kha zoh.

Salm Biahmaiṭhi

Salm Baibal ah Jehovah lianngan bik a sinak a cohlannak kong, amah a dawmi hna a bawmh hna i a hnemh hnanak kong le a Pennak thawng in vawlei a thlen lainak kong kha a langhter.

Daniel Biahmaiṭhi

Daniel le a hawile cu thil sining tampi lakah Jehovah cungah zumhfek tein an um. An hmuhtonnak le chimchungbia a tlinmi nih atu donghnak caan chungah ṭhathnemhnak a kan hmuhter khawh.

Joel Biahmaiṭhi

Profet Joel nih ‘Jehovah ni’ a naihnak kong kha a rak chimchung i mah in luat khawhnak lam zong kha a rak langhter. Mah chimchungbia cu tuchan ah a ngan deuhmi lam in khulrang in a tling.

Luka Biahmaiṭhi

Luka thawngṭha cauk chung lawngah hmuh khawhmi a kong cheukhat cu zei hna dah an si?

Johan Biahmaiṭhi

Jesuh nih mi vialte a kan dawt ning, toidornak a langhter ning le Pathian Pennak Siangpahrang Messiah a si aa langhter ning kha Johan Baibal cauk ah hmuh khawh a si.

Lamkaltu Biahmaiṭhi

A hmasa Khrihfa hna cu miphun vialte zultu siternak rian ah fakpi in an i zuam. Lamkaltu Baibal cauk nih phungchimnak ah lungthawhnak ngeih chin awkah aan bawmh lai.

Rom Biahmaiṭhi

Jehovah duhdanh a ngeih lonak kong le Jesuh Khrih zumh a biapitnak kong hna hmuh khawh a si.

1 Korin Biahmaiṭhi

Paul cakuat ah lungrualnak, ziazalei thiannak, dawtnak le thawhṭhannak zumhnak he aa tlaimi ruahnak cheuhnak hna aa tel.

2 Korin Biahmaiṭhi

‘Zeizong vialte ah a kan hnemtu Pathian,’ Jehovah nih a salle kha a kan bawmh.

Galati Biahmaiṭhi

Paul nih Galati Khrihfa hna sin a ṭialmi cakuat cu atu kan chan he zong aa pehtlai. Mah nih a hmaanmi Khrihfa hna kha zumhfek tein um awkah a bawmh hna.

Efesa Biahmaiṭhi

Mah cakuat nih Jesuh Khrih thawngin daihnak le lungrualnak umter ding timi Pathian tinhnak kha a langhter.

Filipi Biahmaiṭhi

Hneksaknak lakah zumhfek tein kan um tikah midang zong zumhfek tein um awkah a forh hna.

Kolose Biahmaiṭhi

Kan hngalhmi zulhnak thawngin, pakhat le pakhat i ngaihthiamnak thawngin, Jesuh a dirhmun le a nawlngeihnak cohlannak thawngin Jehovah lung kan lawmhter khawh.

1 Thesalon Biahmaiṭhi

Thlaraulei hliphlau tein um, ‘zeizong vialte hneksak,’ ‘a zungzal in thlacam’ le pakhat le pakhat tha i pek kan hau.

2 Thesalon Biahmaiṭhi

Paul nih Jehovah ni phanhnak kong he aa tlaiin an ruahnak a palhmi kha a remh hna i zumhfek tein um awkah tha a pek hna.

1 Timote Biahmaiṭhi

Lamkaltu Paul nih 1 Timote ah Khrihfabu kalning, a hmaan lomi cawnpiaknak le tangka duh tuknak kong ralrin peknak kong a ṭial.

2 Timote Biahmaiṭhi

Paul nih Timote kha phungchim rian ah hlawhtlinnak hmuh dingin tha a pek.

Titas Biahmaiṭhi

Titas sin ṭialmi Paul cakuat nih Krit Khrihfabu ah a ummi buaibainak kong le Khrihfa upa nih tlinh a haumi sining hna a langhter.

Filemon Biahmaiṭhi

Mah cakuat cu a tawite nain hmual a ngei tukmi a si i toidornak, nemnak le ngaihthiamnak ti bantuk cawn awk a kong hna aa tel.

Hebru Biahmaiṭhi

Khrihfa biaknak cu biakinn taktak le saram raithawinak nakin a lianngan deuh tukmi thil cungah hram aa bunh.

Jeim Biahmaiṭhi

Jeim nih a fiang i hmual a ngeimi biafang hna hmangin a biapimi Khrihfa phunglam pawl kha a kan cawnpiak.

1 Peter Biahmaiṭhi

Peter kuatkhatnak ah hliphlau tein um dingin le kan lungretheihnak vialte kha Pathian sinah chiah dih dingin thapek kan si.

2 Peter Biahmaiṭhi

Peter kuathnihnak ah van thar le vawlei thar kan ngah lioah zumhfek tein um dingin thapek kan si.

1 Johan Biahmaiṭhi

Johan cakuat nih Khrih ral pawl kong he aa tlaiin ralrin a kan pek. Cun zeidah kan dawt awk a si i zeidah kan dawt awk a si lo ti kha hngalhthiam awkah a kan bawmh.