Messiah kong Chimchungbia nih Jesuh cu Messiah a Si ti a Langhter Maw?
Baibal chimmi
A langhter. Jesuh nih vawleicung a um lioah “vawlei Khamhtu” a si hngami “Pathian thimmi bawi,” Messiah kong chimchungbia tampi kha a rak tlinter. (Daniel 9:25; 1 Johan 4:14) A thih hnu hmanhah Messiah kong he aa tlaimi chimchungbia hna kha a tlinter rih.—Salm 110:1; Lamkaltu 2:34-36.
“Messiah” timi cu zei sullam dah a si?
Hebru biafang Ma·shiʹach (Messiah) le mah he aa lomi Greek biafang Khri·stos (Khrih) cu “Chiti Thuhmi” ti sullam a ngei. Cucaah “Jesuh Khrih” timi cu “Chiti Thuhmi Jesuh” asiloah “Messiah Jesuh” tinak a si.
Baibal chan ah mi pakhat cu a hleikhunmi nawlngeihnak pek a si tikah a lu ah chiti thiang an toihnak thawngin chiti thuh a si. (Levitikas 8:12; 1 Samuel 16:13) Jesuh cu Pathian nih Messiah in a sangmi nawlngeihnak a pek. (Lamkaltu 2:36) Asinain Pathian nih Jesuh kha chiti taktak in si loin thiang thlarau in chiti a thuh.—Matthai 3:16.
Messiah kong chimchungbia hna kha mi pakhat nak tam nih an tlinter kho maw?
An tlinter kho lo. Siapi neh pakhat nih mi pakhat lawng a aiawh bantukin Baibal chimchungbia hna nih Messiah asiloah Khrih pakhat lawng kha a aiawh. Asinain Baibal nih “nal messiah le nal profet kha an chuak lai i Pathian mithim pawl hlen kha a si kho dingmi thil a si ahcun cu hna hlen khawhnak ding caah cun hmelchunhnak le khuaruahhar nganngan kha an ser hna lai” tiah ralrin a kan pek.—Matthai 24:24.
Messiah cu hmailei ah a lang dingmi a si maw?
A si lo. Baibal nih Messiah cu Israel Siangpahrang David tefa a si lai tiah a chimchung. (Salm 89:3, 4) Asinain Judah pupa hna cazin cu a rak tlau, mah cu AD 70 ah Rom nih Jerusalem an hrawh lioah a rawkmi a si kho men. a Mah caan thawkin anih cu Siangpahrang David tefa a si tiin ahohmanh nih an langhter kho lo. Asinain Jesuh chan ah mah pupa hna cazin cu a um rih caah David tefa a si ti kha a ral pawl hmanh nih an al ngam lo.—Matthai 22:41-46.
Baibal ah Messiah kong chimchungbia pa zeizat dah a um?
Messiah kong chimchungbia pa zeizat dah a um ti cu fiang tein kan chim kho lo. Tahchunhnak ah, chimchungbia kong an rel ning cu aa lo lo. Isaiah 53:2-7 ah Messiah kong chimchungbia tampi a um. Mi cheukhat nih mah Baibal dihlak kha chimchungbia pakhat in an rel i cheukhat nih cun chimchungbia pakhat cio kha a dangdang in an rel.
Jesuh thawngin a tling cangmi Messiah kong chimchungbia cheukhat
Chimchungbia |
A Umnak |
A Tlinnak |
|---|---|---|
Abraham Tefa |
Genesis 22:17, 18 |
|
Abraham fapa Isak tefa |
Genesis 17:19 |
|
Israel mi, Judah hrinsor |
Genesis 49:10 |
|
Siangpahrang David hrinsor |
Isaiah 9:7 |
|
Ngaknu thiang chungin a chuak |
Isaiah 7:14 |
|
Bethlehem khua ah a chuak |
Mikah 5:2 |
|
Immanuel b tiah auh a si |
Isaiah 7:14 |
|
A nautami sining in aa thawk |
Isaiah 53:2 |
|
A chuah hnuah ngakchia pawl cu thah an si |
Jeremiah 31:15 |
|
Izipt ah kalpi a si |
Hosea 11:1 |
|
Nazareth c khua mi tiah auh a si |
Isaiah 11:1 |
|
A hmaiah lamkal thlah a si |
Malakhi 3:1 |
|
AD 29 d ah Messiah in chiti thuh a si |
Daniel 9:25 |
|
Pathian nih a Fapa in a thanh |
Salm 2:7 |
|
Pathian inn caah lungthawhnak a ngei |
Salm 69:9 |
|
Thawngṭha thanhtu a si |
Isaiah 61:1 |
|
Galili ram ah ceunak nganpi a tlung |
Isaiah 9:1, 2 |
|
Moses bantukin khuaruahhar thil a tuah |
Deuteronomi 18:15 |
|
Moses bantukin Pathian bia a chim |
Deuteronomi 18:18, 19 |
|
Mizaw tampi kha a damter hna |
Isaiah 53:4 |
|
Mi nih biapi ah an chiah nakhnga aa zuam lo |
Isaiah 42:2 |
|
Namnehmi hna cungah zaangfahnak a langhter |
Isaiah 42:3 |
|
Pathian dinnak kha a langhter |
Isaiah 42:1, 4 |
|
A Ṭha Bikmi Ruahnak Cheutu |
Isaiah 9:6, 7 |
|
Jehovah min a thanh |
Salm 22:22, NW |
|
Tahchunhnak hmangin a chim |
Salm 78:2 |
|
Hruaitu |
Daniel 9:25 |
|
Mi tampi nih an zum lo |
Isaiah 53:1 |
|
Tlukrilhtertu lung |
Isaiah 8:14, 15 |
|
Mi nih an hlawt |
Salm 118:22, 23 |
|
A ruang um loin an huat |
Salm 69:4 |
|
Jerusalem khua ah laa i cit in teinak he a lut |
Zekhariah 9:9 |
|
Ngakchia nih an thangṭhat |
Salm 8:2 |
|
Jehovah min in a ra |
Salm 118:26 |
|
A zumhmi a hawikom pakhat nih a rawi |
Salm 41:9 |
|
Ngun tangka 30 in rawi a si e |
Zekhariah 11:12, 13 |
|
A hawile nih an zamtak |
Zekhariah 13:7 |
|
A hmaan loin sual an puh |
Salm 35:11 |
|
Sual a puhtu hna hmaiah dai tein a um |
Isaiah 53:7 |
|
Cil an chak |
Isaiah 50:6 |
|
A lu ah fung in an tuk |
Mikah 5:1 |
|
Hrihrual in an tuk |
Isaiah 50:6 |
|
A hremtu hna kha a lehrulh hna lo |
Isaiah 50:6 |
|
Cozah nawlngeitu hna nih rawi awkah khua an khan |
Salm 2:2 |
|
A kut le a ke kha thir an khenh |
Salm 22:16 |
|
A puan caah voihfung an zuh |
Salm 22:18 |
|
Misual mi hna he rel chih a si |
Isaiah 53:12 |
|
Serhsat le volhpamh a si |
Salm 22:7, 8 |
|
Misual mi hna caah fahnak a in |
Isaiah 53:5, 6 |
1 Peter 2:23-25 |
Pathian hlawtmi a lo |
Salm 22:1 |
|
Mitsur hang hnitkha he cawhmi kha an pek |
Salm 69:21 |
|
A thih hlanah a ti a hal |
Salm 22:15 |
|
A thlarau kha Pathian sinah a chiah |
Salm 31:5 |
|
A nunnak a pek |
Isaiah 53:12 |
|
Sualnak hloh awkah tlanhnak man a pek |
Isaiah 53:12 |
|
A ruh khiah a si lo |
Salm 34:20 |
|
Chunh a si |
Zekhariah 12:10 |
|
Mirum mi hna sinah vui a si |
Isaiah 53:9 |
|
Thihnak in thawhter a si |
Salm 16:10 |
|
Rawitu zaka ah midang an airolh |
Salm 109:8 |
|
Pathian orhlei kam ah a ṭhu |
Salm 110:1 |
a McClintock le Strong Cyclopedia nih hitin a ti: “Judah miphun le chungkhar hna cazin cu Jerusalam hrawh a si lioah asiloah mah hlanah a tlaumi a si kho men.”
b Immanuel timi Hebru biafang cu “Pathian Kan Sinah A Um” timi sullam a ngei i Messiah pakhat in Jesuh dirhmun zong a langhter. Vawleicung a umnak le a rianṭuannak nih Pathian cu Amah a biami hna sinah a um ti kha a langhter.—Luka 2:27-32; 7:12-16.
c “Nazareth khua mi” timi cu Hebru biafang neʹtser in a rami a si i “nge thar” timi sullam a ngei.
d Messiah a chuahnak kum AD 29 he aa tlaiin Baibal relnak kong a dikthliar kha “Daniel Chimchungbia ah Messiah Chuahnak Kong Chimchung A Si Ning” timi capar ah zoh.
e Mah chimchungbia cu Zekhariah Baibal ah aa tel ko nain Baibal ṭialtu nih “profet Jeremiah nih a rak chimmi” tiah a ti. (Matthai 27:9) “Profet hna nih an ṭialmi” tiah auhmi Baibal ṭhen ah Jeremiah cauk cu a hmasa bik ah aa tel caah a si kho men. (Luka 24:44) Matthai nih “Jeremiah” tiah a ti tikah Zekhariah Baibal cauk aa telmi, Baibal cauk dihlak kha a chim duhmi a si kho men.
Mah Kong Hna Zong Hi Na Duh Khawh Men
I HLAU!
Judah Mi Nu Pakhat nih a Zumhnak a Dothlat Ṭhannak a Ruang a Chim
Jesuh cu a rak hngahhlang tukmi Messiah a si ti kha Racquel Hall cu zeinihdah a zumhter?
BAIBAL CAWNPIAKMI
Baibal Kha Cawng Chunh
Man loin pakhat le pakhat Baibal kong i ruahceihṭinak kha tuahchunh.