Khuahlainak a tuahtu siibawi pawl nih an khuaihlai hnanak titsa a senghter ṭhanmi kaw an herhnak cu caan saupi a si cang. Atu ah an hmanmi kaw tampi cu pum chunglei khuaihlainak caah zumh khawh a si lo. Siivai ah a cang kho i a car tikah a hah zong a hak kho. Cun a cinmi titsa ah cun aa benh kho lo. Scientists pawl nih cangkareuh (slug) a i a bangmi a hang kong an hlathlai hnuah mah buaibainak tawnghtham khawh ning kha an hmuh.

 Ruathmanh: Cangkareuh nih ṭih a nung tiah a ruah ahcun a bangmi a hang phunkhat kha a chuah. Mah a bangmi a hang nih thilnung pakhat kha a cinmi thinghnah ah a sengter khawh. Mah nih cangkareuh kha a runven khawh bantukin samh khawh le zam khawh ding zongin a cawlcanghter khawh.

 Hlathlaitu hna nih cangkareuh i a bangmi a hang kha an hlathlai tikah a ṭha tukmi kokek kaw phunkhat a sinak a ruang tampi kha an hmuh. Tahchunhnak ah, a bangmi a hang ah chemical fonhmi dah le electrostatic dah kha a hman. A bangmi a hang nih cangkareuh aa benhnak zawn kha a senghter. Cangkareuh nih hneknak a ton tikah a doh ṭhan khawh. Cangkareuh i a bangmi a hang bantuk thilri a chuahtu hlathlaitu hna nih thilnung pakhat cungah aa seng khomi, atu lio sii thlopnak caah an hmanmi kaw nakin a fek deuhmi kaw phunkhat kha an ser khawh cang. “Pum chungah a ummi thil lawng si loin ruh le ruh no hna” senghnak ca zongah a si tiah an ti.

 Mah kaw kha khuaihlainak ca paohah hman khawh a si lai i khuaihlainak hma ṭhit ti bantuk a hau ti lai lo tiah mifim pawl nih an zumh. Ruh no an thlen tik asiloah pum chung i a herhnak hmun ah siithlopnak thilri pawl an bunh tikah mah kaw kha hman khawh a si lai. Mah kaw kha hmangin vok thin a pemnak le zu thin a pemnak kha an belh khawh cang ti kha hlathlainak an tuahmi nih a langhter.

 Scientists pawl nih kokek thil kha an hlathlai i a cang tawnmi buaibainak caah a ṭha tukmi tawnghtham ning hna kha an hmuh. Kaw kong a hlathlaitu sianghleiruun i director Donald Ingber nih “thil pakhatkhat kan zoh tikah khoika ah dah kan kawl lai ti hngalh le a ṭhami ruahnak cheuhnak cohlan cu a biapimi a si” tiah a ti.

 Zeitindah na ruah? Cangkareuh i kaw bantuk a simi a bangmi a hang cu amah tein a si kho hnga maw? Asiloah design suaitu pakhatkhat a um hnga maw?