Remora tiah auhmi dawpnak a ngeimi nga phunkhat cu a dang rili chungah a ummi thilnung pum ah fawi tein aa benh khawh bantukin aa benhnak thilnung kha harnak zeihmanh pe loin fawi tein aa phoih kho ṭhan. Hlathlaitu hna nih mah kong kha lungtho tein an hlathlai.

 Ruathmanh: Remora nga cu ray nga, nga man, chungkuh, whale nga le a dang zei bantuk vun a ngeimi rili thilnung pum cung paohah aa benh kho. An i benhnak thilnung kha i huhphenhnak caah an hman i an i benhnak thilnung hna nih an ei ṭhingmi rawl le rungrul kha an ei hna. Remora nga i a dawpnak cu zei bantuk thilnung cung poahah nem te le fek tein aa benh khawh ning kong kha mifim pawl nih an hlathlai.

 Whale nga man ah aa benhmi remora nga pawl

 Remora nga lu ah cawmpei ti a lomi dawpnak a um. Mah dawpnak i a tlang cu a nem i fek tein a dawp khawh. A dawpnak ah a fa i a hakmi a pheng tete an um. Mah a pheng tete cu aa tun tikah aa benhnak thilnung i a vun he aa hnor i aa benh. Cutin aa benh tikah aa benhnak thilnung cu khualrang in a kal asiloah zei bantuk phun in a kal hmanhah fek tein aa benh kho.

 Remora nga i a dawpnak kha i zohchunh in khoika hmun paohah aa benh khomi cawmpei ti bantuk dawpnak thilri phunkhat kha scientist pawl nih an ser. Mah dawpnak nakin a let zakhat in a rit deuhmi tha in an dawh hmanhah i hawk loin aa benh peng.

 Remora nga i a dawpnak kha i zohchunh in thilri tampi ser an i tim. Rili tawne hlathlainak tuahnak ca, tichung ummi thilnung pawl kawlnak ca, tichung ummi hlei le tilawng tanglei ah mei a ceu nakhnga bunh khawhmi thilri pawl sernak caah hman khawh a si lai.

 Zeitindah na ruah? Remora nga i a dawpnak cu amah tein a si kho hnga maw? Asiloah design suaitu pakhatkhat a um hnga maw?