Kan ruat lo. A luancia kum tampi lio i a rak nungmi, Jehovah Tehte a rak si lomi nuai tampi cu khamhnak hmuh ding caanṭha an hmu lai. Pathian kamhmi vawlei thar ah, “miṭha he miṭhalo he thihnak in kan tho ṭhan dih lai” tiah Baibal nih a ti. (Lamkaltu 24:15) Mah lengah, Pathian a bia rih lomi atu lio i a nungmi tampi zong khamhnak hmuh ding ruahchannak an ngei ve. A tak ti ahcun, ahodah khamhnak a hmu lai, ahodah a hmu lai lo ti biakhiah cu kanmah rian a si lo. Jesuh rian a si.—Johan 5:22, 27.