Biaknak biapi ah a chiami hna nih an i thimmi biaknak cu Pathian le Jesuh cohlanmi a si tiah an ruah awk a si. Cutin an ruah lo ahcun zeicah mah biaknak ah an um lai?

Khamhnak a hmuhtermi biaknak le lam tampi a um timi ruahnak kha Jesuh Khrih nih a cohlang lo. Hitin a ti: “Nunnak a phanmi lam cu a har i a kutka cu a bi i mi tlawmte lawnglawng nih an hmuh.” (Matthai 7:14) Jehovah Tehte Hna nih mah lam kha kan hmuh tiah an zumh. Cutin an zumh lo ahcun biaknak dang kha an kawl hnga.