Jehovah Tehte Hna cu Protestant Nan si Maw?
Kan si lo. Jehovah Tehte Hna cu Khrihfa kan si nain Protestant kan si lo. Zeicah?
Protestant timi cu ‘Roman Catholic biaknak a ralchanhtu’ tinak a si. Jehovah Tehte Hna nih Catholic Church cawnpiaknak kha kan cohlang lo nain a tanglei a kong hna ruangah Protestant cu kan si lo:
Protestant an zumhnak cheukhat cu Baibal cawnpiakmi taktak he aa ralchanh. Tahchunhnak ah, Baibal nih “Pathian cu pakhat lawng a si,” Thumkomh Pathian a si lo tiah a kan cawnpiak. (1 Timote 2:5; Johan 14:28) Cun Pathian nih miṭhalo pawl kha hellmei ah si loin zungzal in a hrawh hnanak thawngin dan a tat hna lai tiah fiang tein a kan cawnpiak.—Salm 37:9; 2 Thesalon 1:9.
Catholic Church asiloah biaknak dang kha kan ralchanh hna lo asiloah remhṭhan zong kan i zuam lo. Pathian Pennak kong thawngṭha tu kan chim i midang nih mah thawngṭha an zumh khawh nakhnga bawmh kan i zuam. (Matthai 24:14; 28:19, 20) Biaknak dang remhṭhan ding si loin lungthin ṭha a ngeimi hna kha Pathian le a Bia Baibal kong biatak cawnpiak ding tu kan i zuam.—Kolose 1:9, 10; 2 Timote 2:24, 25.
Mah Kong Hna Zong Hi Na Duh Khawh Men
ATU LE ATU AN HALMI BIAHALNAK
Jehovah Tehte Hna cu Khrihfa Nan Si Maw?
Khrihfa kan sinak a langhtermi kong le Khrihfa tiah auhmi bu dang hna he zeitindah kan i dan timi kong kha zoh.
BAIBAL BIAHALNAK A PHI
Biaknak Vialte Hi Aa Lo Dih Maw? Pathian Nih Tah A Cohlang Dih Maw?
Biabal ah langhtermi a kong pahnih nih a phi a pek.
ESSENTIAL BIBLE TEACHINGS
Pathian nih Biaknak Vialte hi a Cohlang maw?
Mi tampi nih zei biaknak i na um hmanhah a poi lo tiah an ruah.
