Jehovah Tehte Hna nih Siilei Thlopnak An Cohlang Maw?
Jehovah Tehte Hna nih sii le siilei thlopnak kha kan cohlan. Kan pum le kan ngandamnak zohkhenh kan i zuam i a caan ah ‘siibawi kan herh.’ (Luka 5:31) Kumzabu pakhatnak i Khrihfa a simi Luka bantukin Jehovah Tehte cheukhat cu siibawi an si.—Kolose 4:14.
Asinain siilei thlop ning cheukhat cu Baibal phunglam he aa ralkah caah kan cohlang lo. Tahchunhnak ah, Baibal nih kan pum ngandamnak caah thi hman kha a kan thlauh caah thi rawnh kha kan cohlang lo. (Lam. 15:20) Cu bantukin khuachia thiamnak aa telmi siilei thlop ning zong Baibal nih a kan thlauh.—Galati 5:19-21.
Asinain siilei thlop ning tamdeuh cu Baibal phunglam he aa ralkah lo. Cucaah mah kha cohlan ding le cohlan lo ding kha mahte in i thim a hau. Jehovah Tehte pakhat nih sii pakhatkhat asiloah siilei thlop ning phun khatkhat kha a cohlan men lai nain, a dang pakhat nih cun a cohlang men lai lo.—Galati 6:5.