Jehovah Tehte Pakhat Si Awkah Zeidah Ka Tuah Lai?
Jehovah Tehte pakhat si awkah tuah dingmi kehlan kong kha Matthai 28:19, 20 ah Jesuh nih a rak chim. Mah Baibal caang nih Khrih zultu si khawh awkah mi pakhat nih tuah a herhmi kong kha a langhter, mah ah Jehovah Pathian kong kha mi sinah chim le tehte khaannak aa tel.
Kehlan 1: Baibal cawnpiakmi kha cawng. Jesuh nih a zultu pawl kha “ka zultu ah va ser hna u . . . , va cawnpiak hna u” tiah nawl a rak pek hna. (Matthai 28:19, 20) “Zultu” tiah lehmi biafang cu “a cawngmi” ti sullam a ngei. Baibal ah a hleiin Jesuh cawnpiaknak kong kha kan hmuh, mah ah a nuammi nunnak hmuh khawh awkah a bawmmi lamhruainak hna zong aa tel. (2 Timote 3:16, 17) Jehovah Tehte Hna nih man loin an tuahmi Baibal cawnpiaknak program in Baibal cawnpiakmi na cawn khawh nakhnga bawmh kan in duh.—Matthai 10:7, 8; 1 Thesalon 2:13.
Kehlan 2: Na cawnmi kha na nunnak ah hmang. Jesuh nih amah “fialmi vialte” kha Baibal a cawngmi hna nih an zulh a hau tiah a ti. (Matthai 28:20) Cucaah Baibal cawn timi cu fimnak le hngalhnak hmuhnak men ah a si lo, ruahnak le tuahsernak ah thlennak nganpi tuah a hau tinak a si. (Lamkaltu 10:42; Efesa 4:22-29; Hebru 10:24, 25) Jesuh nawlpeknak a zulmi hna nih Jehovah Pathian sinah an pum an i pe i tipil an innak thawngin Jesuh hnu zulh awkah biakhiahnak an tuah.—Matthai 16:24.
Kehlan 3: Tipil Ing. (Matthai 28:19) Baibal ah tipil innak kha mithi vuinak he a rak tahchunh. (Rom 6:2-4 he tahchunh) Mah nih nunning hlun kha hlawt in nunning thar in nun kha a langhter. Tipil na inmi cu Jesuh nih a chimmi kehlan pahnih na tlinh ti le chiaṭha thleidannak lungthin thiang pek awkah Pathian na hal kha mi hmaiah na langhtermi a si.—Hebru 9:14; 1 Peter 3:21.
Tipil in awkah timhcia ka si le si lo zeitindah ka hngalh khawh?
Khrihfa upa hna kha biaruah hna. Tipil innak ah zeidah aa tel ti kha na hngalhthiam maw? Na cawnmi kha na nunnak ah na hmang maw? Pathian sinah mah lungtho tein naa pumpe cang maw? timi biahalnak hna i a phi hngalhthiam awkah an in bawmh lai.—Lam. 20:28; 1 Peter 5:1-3.
Jehovah Tehte Hna i an fale nih mah kehlan hna kha an zul maw?
An zulh. Kan fale kha Baibal lamhruainak ningin “Khrihfa ziaza le cawnpiaknak he” kan ṭhanter hna. (Efesa 6:4) Asinain an hun ṭhan tikah tipil in awkah sining an tlinh khawh nakhnga Baibal cawnpiaknak zulh le cohlan awkah anmah tein biakhiahnak an tuah a hau. (Rom 12:2) Biaknak he aa tlaiin pakhat cio nih kanmah tein i thim a hau.—Rom 14:12; Galati 6:5.
Mah Kong Hna Zong Hi Na Duh Khawh Men
KAN KONG
Baibal Cawnnak Zeitindah An Tuah?
Mi pawl kha man loin Baibal cawn awk an sawm hna caah vawlei pumpi ah a ummi Jehovah Tehte Hna kha mi nih an hngalh hna. Baibal cawnnak zeitindah an tuah ti kha hlathlai.
ATU LE ATU AN HALMI BIAHALNAK
Jehovah Tehte Hna He Baibal Ka Cawnṭi Ahcun Jehovah Tehte Pakhat Ka Si Lai Tinak A Si Maw?
Jehovah Tehte Hna cu vawleicung pumpi ah a ummi mi nuai tampi he man loin Baibal an cawngṭi. Kanmah he Baibal na hlathlaiṭi ahcun Jehovah Tehte pakhat na si lai tinak a si maw?
ATU LE ATU AN HALMI BIAHALNAK
Jehovah Tehte Hna Tuahmi Baibal Cawnnak Program Cu Zeidah A Si?
Jehovah Tehte Hna nih man loin an tuahmi Baibal kong i ruahceihṭinak program ah zei bantuk Baibal lehnak paoh kha na hman khawh. Na chungkhar dihlak asiloah na hawile ahopaoh nangmah he cawn dingin na sawm khawh hna.
BAIBAL BIAHALNAK A PHI
Biaknak Bu Pakhatkhat Chungah Um A Hau Maw?
Mi pakhat nih amah duhmi lam in Pathian a bia kho maw?
SPECIAL CAMPAIGN
Baibal Kha Cawng Chunh
Man loin pakhat le pakhat Baibal kong i ruahceihṭinak kha tuahchunh.