Jehovah Tehte Hna He Baibal Ka Cawnṭi Ahcun Jehovah Tehte Pakhat Ka Si Lai Tinak A Si Maw?
A si lo, cutin tuah a hau lo. Mi nuai tampi cu kan Khrihfabu ah an rak lut lo nain kanmah he lunglawm tein Baibal an cawngṭi. a Mah program i aa tinhnak cu Baibal cawnpiakmi hmuhsak awkah a si. Na hngalhmi cungah i hngat in biakhiahnak tuah cu nangmah nawl a si. Zumhnak cu mah tein i thim ding a si ti kha kan hngalh.—Joshua 24:15.
Baibal hlathlainak tuah lioah ka Baibal hman khawh a si maw?
A si. Chanthar-holh in lehmi Vawlei Thar Lehnak Baibal (New World Translation of the Holy Scriptures) kha kan hman, na duh ahcun man loin ukkhat kan in pek lai. Asinain nangmah Baibal hman na duh ahcun na hman khawh ko. Baibal lehnak tampi in Baibal ruahchannak le luatnak kong kha na cawn khawh.
Nan zumhnak aa lo, lomi hna he zeicah Baibal nan cawnṭi?
Khrihfa hna nih kan hngalhmi kong midang chim ve hna seh ti a duhmi Jehovah Pathian kan dawtnak nih cutin tuah awkah a kan forh. (Matthai 22:37, 38; 28:19, 20) Mi nih Pathian Bia an hngalh nakhnga bawmhnak ah Pathian he “hmunkhat ah rian a ṭuanṭimi” sinak tinvo kan hmuhmi cu a sunglawi bikmi a si.—1 Korin 3:6-9.
Innpa kan dawtnak zong nih cutin tuah awkah a kan forh. (Matthai 22:39) Kan hngalhmi khuaruahhar thil kong midang sin chimnak in lunglawmhnak tampi kan hmu.—Lamkaltu 20:35.
a 2023 lioah thlakhat ah Baibal cawnpiaknak 7,281,212 kan tuah. Baibal cawnpiaknak pakhat ah mi pakhatnak tam an i tel. Asinain mah kum chungah 269,517 lawng Jehovah Tehte si awkah tipil an ing.
Mah Kong Hna Zong Hi Na Duh Khawh Men
ATU LE ATU AN HALMI BIAHALNAK
Jehovah Tehte Hna Nih Zeidah An Zumh?
A hrampi kan zumhnak hna lakah 15 kong kha hlathlai.
KAN KONG
Baibal Cawnnak Zeitindah An Tuah?
Mi pawl kha man loin Baibal cawn awk an sawm hna caah vawlei pumpi ah a ummi Jehovah Tehte Hna kha mi nih an hngalh hna. Baibal cawnnak zeitindah an tuah ti kha hlathlai.
ATU LE ATU AN HALMI BIAHALNAK
Jehovah Tehte Hna Tuahmi Baibal Cawnnak Program Cu Zeidah A Si?
Jehovah Tehte Hna nih man loin an tuahmi Baibal kong i ruahceihṭinak program ah zei bantuk Baibal lehnak paoh kha na hman khawh. Na chungkhar dihlak asiloah na hawile ahopaoh nangmah he cawn dingin na sawm khawh hna.
SPECIAL CAMPAIGN
Baibal Kha Cawng Chunh
Man loin pakhat le pakhat Baibal kong i ruahceihṭinak kha tuahchunh.