Baibal cawnpiakmi kong hna kha hmualngei tein cawn awkah Jehovah Tehte Hna nih kan in sawm. Baibal cawnnak program nih:

•   A nuammi nunnak ngeih awk

•   Pathian hawikom si awk

•   Hmailei ca Baibal biakam pawl hngalh awkah aan bawmh khawh

Hi capar ah

•  Baibal cawnnak zeitindah an tuah?

•  Tangka pek a hau lai maw?

•  Zei can dah a rauh lai?

•  Zeitindah ka thawk lai?

•  Cawn chunh hmasa khawh a si maw?

•  Baibal cawnnak ka cohlan ahcun Jehovah Tehte pakhat si dingin hnek ka si lai maw?

•  Keimah ka Baibal ka hmang kho lai maw?

•  Baibal cawnnak ah midang tah ka sawm kho hna lai maw?

•  Hlanah Jehovah Tehte Hna he Baibal ka rak cawn bal cang ah tah zeitin? Ka cawng ṭhan kho ti lai maw?

• Cawnpiaktu hau loin Baibal cawnnak caah thim khawhmi a dang lam hna a um maw?

 Pumpak in aan cawnpiaktu nih Baibal kha a kong pakhat hnu pakhat in hngalh awkah aan bawmh lai. Nunnak Kha Zungzal In I Nuamhpi! Baibal kong i ruahceihṭinak timi cauk hmangin Baibal cawnpiaknak le mah nih aan bawmh khawh ning hna kha duhsah duhsah in na hun hngalh lai. A kong tam deuh in hngalh awkah mah video hi zoh.

 A hau lo. Jesuh nih a zultu a pekmi hna mah lamhruainak hi Jehovah Tehte Hna nih kan zulh: “Nannih nih man pek loin nan hmuh i man pek loin va pe ve hna u.” (Matthai 10:8) Cun Baibal cawnnak ah hmanmi Baibal cauk le Nunnak Kha Zungzal In I Nuamhpi! timi cauk kha man loin hmuh khawh a si.

 Mah cauk ah a dihlak in cawn dingmi 60 aa tel. Asinain zei can dah cawn na duh ti cu nangmah nawl a si, Baibal a cawngmi tam deuh cu zarhkhat ah cawn dingmi pakhat asiloah mah nak tam zongin cawn an duh.

1.  1. Online in form kha phih. Na ṭialmi pumpak konglam cu na halmi ningin Jehovah Tehte pakhat nih pehtlaihnak aan tuah khawh nakhnga timhtuahpiaknak ca lawngah hman a si lai.

2.  2. Cawnpiaktu pakhat nih pehtlaihnak aan tuah te lai. Amah nih Baibal kong i ruahceihṭinak in zeidah naa ruahchan khawh ti le hngalh na duhmi biahalnak hna i a phi kha aan chimh lai.

3.  3. Cawnpiaktu he cawnnak caah i timtuah u. Baibal cawnnak cu pumpak in asiloah telephone, video call, cakuat le email ti bantuk lam hna in tuah khawh a si. Cawnnak tam deuh cu suimilam 1 hrawng a rau tawn, asinain a caan na pek khawhmi ningin mah nakin a tawi deuh kho asiloah a sau deuh kho.

 A si. Cutin tuah khawh awkah online in form kha phih. Cawnpiaktu nih pehtlaihnak aan tuah tikah cawn chunh hmasa na duhnak kong kha chim. Nunnak Kha Zungzal In I Nuamhpi! timi brochure kha hman a si lai. Mah ah Baibal cawn duhnak lungput ngeih awkah aan bawm khomi hngalhternak cawn dingmi pathum aa tel.

 Na si lai lo. Jehovah Tehte Hna nih Baibal kong midang cawnpiak kha kan duh. Asinain kan biaknak ah rak luh dingin ahohmanh kan hnek bal hna lo. Mah canah mikip nih zumhnak he aa tlaiin zalong tein thimnak nawl an ngei ti kha kan cohlan i upatnak tein Baibal kong kha kan chim.—1 Peter 3:15.

 Na hman khawh, na duhmi zei bantuk Baibal lehnak paoh na hman khawh. A fiang i a hmaanmi Vawlei Thar Lehnak Baibal kha hman kan duh ko nain mi tampi nih an rak hman tawnmi Baibal lehnak hman an duh deuh ti kha kan cohlan.

 Na sawm khawh hna. Na chungkhar dihlak asiloah na hawile ahopaoh na sawm khawh hna.

 Na cawn ṭhan khawh. A tak ti ahcun, atu Baibal cawnnak ah a hlan nakhmanh in naa nuam deuh kho men, zeicatiah tuchan mi hna bawmh khawh dingin tharchuah a si. Atu Baibal cawnnak program ah a hlan nakin zoh awk le i ruahceihṭi awk tam deuh aa tel.

 A um. Baibal a cawngmi tam deuh nih cawnpiaktu he cawn kha an duh nain cheukhat cu a hmasa ah anmah tein hlathlai kha an duh deuh. Baibal Hlathlainak Hriamnam timi cahmai ah Baibal hlathlainak ah bawmtu a simi, man loin hmuh khawhmi hriamnam hna le a dang tampi a um. A tanglei langhtermi hna hi bawmtu a simi hriamnam pawl cu an si:

•   Baibal Video. Mah a tawimi video cawnnak hna nih a biapi tukmi Baibal cawnpiaknak hna kha an fianter.

•   Baibal Biahalnak A Phi. Mah capar hna nih Baibal biahalnak tampi kha a phi a pek.

•   Baibal Caang Fianternak. Mi nih hngalh an duh ngaimi Baibal caang hna le biafang rual hna i a sullam kha hlathlai.