Kan ṭuan. Jehovah Tehte Hna cu khoika hmun i kan um hmanhah missionary lungput ngeih awkah kan i zuam, cun kan tonmi hna paoh kha kan zumhnak kong kan chimh zungzal hna.​—Matthai 28:19, 20.

Jehovah Tehte cheukhat cu Baibal chung i a ummi thawngṭha kong a thei rih lomi, an ram chung i a ummi khua hna kha an va tlawng hna asiloah cu ka ah an i ṭhial. Cheukhat tu cu an phungchimnak kauhter awkah ram dang ah an i ṭhial. Annih cu Jesuh nih a chimmi, mah chimchungbia tlinternak ah an i tel khawh caah an i lawm: “Vawleicung khuazakip ah ka tehte nan si lai.”​—Lamkaltu 1:8.

1943 in missionary cheukhat hna caah special tinṭan kha an thawk. Mah caan thawk in Jehovah Tehte 8,000 leng cu mah tinṭan kha an kai, mah cu Vennak Innsang Baibal Gilead Tinṭan ti a si.