Jehovah Tehte Hna nih Nu Phungchimtu An Ngei hna Maw?
Kan ngei. Jehovah Tehte Hna cu kan zapi in phungchimtu kan si, mah ah nu nuai tampi zong an i tel. Baibal ah ‘nu tampi nih thawngṭha kha an kalpi lai’ tiah a chimchung.—Salm 68:11.
Jehovah Tehte nu tampi nih Baibal chan i nu pawl kha an i zohchunh hna. (Phungthlukbia 31:10-31) Annih cu Khrihfabu ah hruaitu cu an si lo, asinain mi sin thawngṭha chimnak ah caantling in an i tel. An fale kha Baibal phunglam an cawnpiak hna. (Phungthlukbia 1:8) Jehovah Tehte nu hna nih an bia le an tuahsernak in zohchunh awk ṭha si an i zuam.—Titas 2:3-5.