Mi Pakhat Nih Jehovah Tehte Sinak In Ngol Khawh A Si Maw?
A si ko. Kan bupi in chuah khawhnak lam pahnih a um:
Phung ningin hngalhternak. Mi pakhat nih Jehovah Tehte pakhat si a duh ti lonak kong kha a chimh khawh hna asiloah ca in a ṭial khawh.
Tuahsernak in. Mi pakhat nih Jehovah Tehte si a duh ti lo kha a tuahsernak in a langhter khawh. (1 Peter 5:9) Tahchunhnak ah, a dang biaknak he aa fonhnak thawngin mah biaknak chungtel si a duh kha a langhter men lai.—1 Johan 2:19.
Pakhatkhat cu phungchimnak ah aa tel ti lo asiloah aa pumh ti lo ahcun zeitin? Bu chungin chuah a duhmi a si tiah na ruat maw?
Kan ruat lo. Chuah asiloah hawikomhnak tuah lo timi cu zumhnak der he aa khat lo. Biaknaklei ah aa tel ti lomi cheukhat cu an zumhnak a hlawmi an si lo, harnak tampi an ton caah a lung a dongmi an si. Zumhnaklei ah a dermi hna kha hrial loin thazaang pek le bawmh kan duh hna. (1 Thesalon 5:14; Judas 22) Pakhatkhat nih bawmhnak a herh tikah Khrihfa upa hna nih thlaraulei in an bawmh.—Galati 6:1; 1 Peter 5:1-3.
Asinain Khrihfa upa hna nih mi pakhat kha Jehovah Tehte si zungzal dingin hnek awkah nawl an ngei lo. Pakhat cio nih kanmah tein biaknak kha kan i thim awk a si. (Joshua 24:15) Pathian a biami hna nih cun lungtho tein le lungthin dihlak in Pathian kha an biak awk a si tiah kan zumh.—Salm 110:3; Matthai 22:37.
Mah Kong Hna Zong Hi Na Duh Khawh Men
ATU LE ATU AN HALMI BIAHALNAK
Jehovah Tehte Hna nih mi pakhatkhat Bu chung in Nan Chuah hna maw?
A caan ah, bu chung in chuahnak hi a herh, mah nih chuah a simi kha Khrihfabu i kir ṭhan awkah a bawmh khawh.
BAIBAL BIAHALNAK A PHI
Biaknak Bu Pakhatkhat Chungah Um A Hau Maw?
Mi pakhat nih amah duhmi lam in Pathian a bia kho maw?
ATU LE ATU AN HALMI BIAHALNAK
Jehovah Tehte Hna He Baibal Ka Cawnṭi Ahcun Jehovah Tehte Pakhat Ka Si Lai Tinak A Si Maw?
Jehovah Tehte Hna cu vawleicung pumpi ah a ummi mi nuai tampi he man loin Baibal an cawngṭi. Kanmah he Baibal na hlathlaiṭi ahcun Jehovah Tehte pakhat na si lai tinak a si maw?
