Kan zum lo. Pathian nih thil vialte hi a ser ti cu Jehovah Tehte Hna nih kan zumh ko. Asinain sernak kong zumhnak tu cu kan zum lo. Zei ruangah? An zumhnak cu Baibal he aa ralchanh caah a si. A tanglei tahchunhnak pahnih hi zoh hmanh:

1. Sernak ni, niruk a tawisau. Sernak kong a zummi cheukhat nih sernak ni, niruk kha a biafang ning in suimilam 24 a ummi ni a si tiah an zumh. Asinain Baibal ah aa ṭialmi “ni” timi bia nih saupi a raumi caan caan khat kha a sawh khawhmi a si.​—Genesis 2:4; Salm 90:4.

2. Vawlei a kum. Sernak kong a zummi cheukhat nih cun vawlei a umnak hi kum thong tlawmpal lawng a si tiah an cawnpiak hna. Asinain, Baibal kan zoh tikah sernak ni, niruk aa thawk hlan ah van le vawlei cu a um cang. (Genesis 1:1) Cucaah, zumhawk a tlakmi science mifim pawl nih vawlei a umnak cu kum nuai thong in a si cang tiah an timi kha Jehovah Tehte Hna nih kan al lo.

Jehovah Tehte Hna nih sernak kha kan zumh nain science fimnak kha kan al lo. A hmaanmi science fimnak cu Baibal chimmi he aa tlak tiah kan zumh.