RALRING TEIN UM U!
2023: Lungretheihnak Kum—Baibal Nih Zeidah A Chim?
2023 chung i vawleicung pumpi ah a cangmi thil sining hna nih Baibal ah a chimmi “ni hmanung bik” ah kan nung ti kha a langhter. (2 Timote 3:1) Atu ah a cangmi thil sining hna nih kan chan ah a cang lai timi Baibal chimchungbia zeitindah a tlinter ti kha i cinken.
Baibal le vawleicung thil sining
“I tuknak thawng.”—Matthai 24:6.
“Vawleicung i hmun tampi ah zaangennak cu a tam chinchin cang.” a
“Ram Chungmi Pawl Cu Ahonih Dah A Khamh Hna Lai?” le “Vawleicung Cozah Pawl Nih An Ralkap Caah US Dollar Nuai, Nuai Hnih Leng An Hman?” timi capar kha zoh.
“A kenkip ah lihnin a um lai.”—Marka 13:8.
“2023 thawk in vawleicung pumpi ah a tha 7 leng a fakmi lihnin 13 aa hnin i mah cu report an lak thawk in kumkhat chung ah a tam bikmi lihnin a si.” b
“Turkey Le Syria Ah A Fakmi Lihninnak” timi capar kha zoh.
“Hmelchunhnak ngan pipi an lang lai.”—Luka 21:11.
“Vawlei a linh chan cu a dih cang; vawlei a tlawh chan a phan cang.”—António Guterres, UN secretary-general. c
“2023, Ṭhal Caan Lioah Vawleicung Pumpi Ah Ṭih A Nungmi Thli Lum A Hrang” timi capar kha zoh.
“Mangṭam.”—Matthai 24:7.
“2023: Eidin lei in harnak a tongmi chungkhar caah lungretheihnak a tam bikmi kum a si.” d
“Raldohnak Le Khuacaan Thlennak Ruang Ah Vawleicung Pumpi Ah Tirawl Har Chinnak” timi capar kha zoh.
“Harnak caan a si lai.”—2 Timote 3:1.
“Vawleicung pumpi ah minung pariat ah pakhat cu lungthinlei zawtnak an ngei.” e
“Kumhra Fai Pawl Lungthinlei Ngandam Lonak A Karh Chinmi” timi capar kha zoh.
2024 ah zeidah kan i ruahchan khawh?
2024 ah zeidah a cang lai ti kha hohmanh nih kan hngal lo. Asinain vawleicung ah a cangmi thil sining hna nih a rauhlan ah Pathian Pennak asiloah vancung cozah nih minung uknak kha a airolh lai i sifah harnak le lungretheihnak vialte a donghter dih lai ti kha a langhter.—Daniel 2:44; Biathlam 21:4.
Atu lio ah kan lungre a theih ahcun Pathian sinah bawmhnak kan hal khawh. Baibal nih hitin a ti:
“Ka thin a phan tikah maw Cungnung Bik, nangmah cu kan bochan.”—Salm 56:3.
Pathian kan i bochan kha zeitindah kan langhter khawh? Sifah harnak a um lomi hmailei Baibal biakam kong kha tam deuh in hlathlai awkah kan in sawm. Baibal biakam in nangmah le na chungkhar zeitindah ṭhathnemhnak nan hmuh khawh timi kong hngalh awkah man loin Baibal cawnnak program timi kha zoh.
a Foreign Affairs, “A World at War: What Is Behind the Global Explosion of Violent Conflict?” by Emma Beals and Peter Salisbury, 2023, October 30.
b Earthquake News, “Year 2023: Number of Major Earthquakes on Course for Record,” 2023, May.
c United Nations, “Secretary-General’s Opening Remarks at Press Conference on Climate,” 2023, July 27.
d World Food Programme, “A Global Food Crisis.”
e World Health Organization, “World Mental Health Day 2023,” 2023, October 10.