RALRING TEIN UM U!
2024 Ah Ruahchannak Hmuhnak—Baibal Nih Zeidah A Chim?
Mi tampi nih 2024 ah ton dingmi buaibainak hna caah tawnghtham ning a um lai lo tiah an ruah. Asinain hmailei caah ruahchannak hmuh khawhnak a um. Khoika ah?
Baibal nih ruahchannak a kan pek
Baibal ah kan nunnak ah ruahchannak ngei loin a kan umtermi buaibainak hna hi Pathian nih a tawnghtham cang lai tiah a ti. A rauhhlan ah Pathian nih ‘[kan] mitthli vialte kha a hnawh dih lai. Thihnak a um ti lai lo, ngaihchiatnak le ṭahnak le fahnak zong a um ti lai lo.’—Biathlam 21:4.
Hmailei Baibal biakam kong tam deuh in hngalh awkah “A Taktak A Simi Hmailei Ruahchannak” [Myanmar] timi capar kha rel.
Atu ah Baibal nih aan bawmh khawh ning
Baibal pekmi ruahchannak nih a ṭha lomi ruahnak doh awk le a ṭhami ruahnak ngeih deuh awkah aan bawmh khawh. (Rom 15:13) A ṭha tukmi Baibal ruahnak cheuhnak nih sifah harnak, dinlonak le zawtnak ti bantuk atu ah na tonmi buaibainak hna zong tawnghtham awkah aan bawmh khawh.
A si a fak tukmi pakhat in a ṭhangmi a si ko nain Baibal pekmi ruahchannak nih pa pakhat zeitindah daihnak le nuamhnak a pek ti kha hlathlai. Juan Pablo Zermeño: Jehovah Nih Sullam A Ngeimi Nunnak A Ka Pek timi video kha zoh.
Baibal nih ka sual tuk timi ruahnak, ngaihchiatnak, lungretheihnak le dawtmi thihtaknak na ton tikah zeitindah aan bawmh khawh ti kha hlathlai. “Baibal Ah Hnemhnak Bia Ka Hmu Kho Maw?” timi capar kha rel.
Amah le amah “zawnruahnak le zaangfahnak a ngei lomi” tiah aa timi, ralkap a rak simi nu pakhat nih Baibal a hlathlai caah zeitindah ruahchannak a ngeih timi kong kha hlathlai. Ka Meithal Ka Chiahtak Cang [Myanmar] timi video kha zoh.
2024 kha nangmah le na chungkhar caah kum ṭha siter. Baibal nih zeitindah aan bawmh khawh ti kha hlathlai. Man loin Baibal cawnnak program ah i tel ding in i zuam. Pathian nih atu ah “daihnak” leng ah zeitindah “hmailei ruahchannak” aan pek khawh ti kha hlathlai.—Jeremiah 29:11, NWT.