RALRING TEIN UM U!
A Fakmi Khuakhennak—Baibal Nih Zeidah A Chim?
“China ram ah ‘a fak bikmi’ thli lum hrannak a um i a lin bikmi ṭhal caan in an thanhnak hi voithum a si cang tiah Chiana thawngpang nih a ti.”—The Guardian, September 7, 2022.
“Africa i hmun cheukhat ah a fakmi khuakhen a tlunnak hi cat loin kumnga a si cang lai.”—UN News, August 26, 2022.
“Europe ram i hmun cheu thum cheu hnih nih khuakhennak an tong. Mah cu kum 500 chungah a zual bikmi khuakhennak a si men lai.”—BBC News, August 23, 2022.
Khuakhennak hi a um peng lai i ṭih a nung chin lai tiah mifim tampi nih an ruah. Hmailei caah a ṭha deuhmi ruahchannak a um maw? Baibal nih zeidah a chim?
Khuakhennak he aa tlaimi Baibal chimchungbia
Kan chan he aa tlaiin Baibal nih hitin a ti:
“Hmun kip ah . . . mangṭam . . . a tlung lai.”—Luka 21:11.
Atu le atu khuakhennak nih mangṭam a chuahter. Mangṭam ruangah mi pawl cu harnak an tong i an thi. Mah cu Baibal chimchungbia a tlinnak a si.—Biathlam 6:6, 8.
Khuakhennak a tam chinnak a ruang
Khuakhennak a tam chinnak a ruang bik kha Baibal nih hitin a langhter:
‘Minung nih a nunchung i a kalnak lam hi amah nih aa ser khawhmi an si lo.’—Jeremiah 10:23.
A chim duhmi cu minung nih pakhat le pakhat hlawhtling tein an i uk kho lo tinak a si. Uktu hna i a ṭha lomi biakhiahnak ruangah atu le atu khuakhennak le ti harnak a chuak.
Minung tuahsernak ruangah vawlei a linhmi le khuakhennak hna a tlunmi a si tiah scientist tampi nih an zumh.
Hakkauhnak ruangah hmailei ah a cang khomi kha tuaktan loin phunglam an ser caah thingram konghnak, thli thian lonak le kokek thil man sung ningcang loin hmannak hna a chuak, cucaah man a ngei tukmi tihna a umnak hna a hung rawk.
Asinain Baibal nih ruahchannak a kan pek.
Hmailei caah ruahchannak a um maw?
Pathian nih atu ah a cangmi ti harnak hna kaan tawnghthampiak hna lai tiah Baibal in bia a kan kamh. Zeitin in dah?
1. Pathian nih ‘vawlei a hrawktu hna kha a hrawh’ hna lai. (Biathlam 11:18) Ti harnak a chuahtertu, pawngkam a hrawktu, a hak a kaumi hna kha a hloh hna lai.—2 Timote 3:1, 2.
2. “A kangh in a kangmi thetse kha tidil ah an i cang lai.” (Isaiah 35:1, 6, 7) Pathian nih khuakhennak ruangah a rawkmi vawlei hi ti a tam i hring dildel in a ummi paradis ah a thlen cang lai.
3. “Ram cu na dawt caah a cungah ruah na surter, na rumter i a vawlei na ṭhatter.” (Salm 65:9) Pathian thluachuah ruangah vawlei ah mi nih ngandamnak a pemi rawl le a thiangmi ti tampi an hmuh cang lai.
Mah Kong Hna Zong Hi Na Duh Khawh Men
RALRING TEIN UM U!
Vawleicung Pumpi Ah Khuacaan Cu A Hlan Nakin A Lin Chin—Baibal Nih Zeidah A Chim?
Vawlei cu um khawh lonak hmun a hung si lai maw?
BAIBAL BIAHALNAK A PHI
Vawlei Hi Hrawh A Si Lai Maw?
Baibal nih vawlei ca i Pathian tinhnak kong kha fiang tein a langhter.
ESSENTIAL BIBLE TEACHINGS
Pathian nih Vawlei hi Zeicah A Ser?
Kan vawlei cu aa dawh tukmi thil hna in a khat. Pathian nih vawlei kha nika in a naih, a hlat aa tlaknak hmun ah a chiah, cun aa tlak ningin aa mer khawh nakhnga a ser. Pathian nih vawlei hi zeicah mah tluk dawh in a ser?
BAIBAL BIAHALNAK A PHI
“Ni Hmanung Bik” Asiloah “Donghnak Caan” Hmelchunhnak Hna Cu Zeidah An Si?
Baibal nih ni hmanung bik ah a cang dingmi thil kong kha a chimchung.
RALRING TEIN UM U!
Vawlei A Rawk Cang—Baibal Nih Zeidah A Chim?
Baibal caang pakhat ah kan vawlei a tlerhkhonhmi pawngkam buaibainak kong he aa tlaiin thil pathum kong kha a langhter.
KAN KONG
Rak Len Dingin Halnak
Baibal biahalnak kong kha i ruah u asiloah Jehovah Tehte Hna kong kha tam deuh in hlathlai.
