Haiti ah a puarhrangmi phu (Gang) ruang ah rawhralnak a chuahtermi zaangennak a hung um. Thlanglei Africa le Mexico leng ah a dang Latin America ram hna zong ah a puarhrangmi zaangennak a um. Zaangennak a tlawmnak hmun hna hmanh ah firnak, thil hrawhnak le mei khanghnak ti bantuk thawngpang hna an theih caah an thin a phang i kan him lo timi ruahnak an ngei.

 Vawleicung pumpi ah dinlonak a karh chinchinmi kong he aa tlaiin Baibal nih zeidah a chim?

 Dinlonak cu “chan donghnak ding hmelchunhnak” ah aa tel tiah Baibal nih a chimchung. (Matthai 24:3) Mah hmelchunhnak lakah aa telmi kong a chim tikah Jesuh Khrih nih hitin a ti:

•   “Dinlonak a karh chinchin caah mi tampi cu an dawtnak a kik lai.”—Matthai 24:12.

 “Ni hmanung bik” caan i mi pawl cu “ruru-hranghrang in khua a sami an si lai i ṭih a nungmi an si lai; ṭhatnak kha an huat lai” ti zong in Baibal nih a chimchung. (2 Timote 3:1-5) Tuchan ah kan hmuhmi dinlonak hna cu mah bantuk ruru-hranghrang in khuasaknak ruang ah a si.

 Asinain ruahchannak kan ngei. A ruahhlan ah dinlonak a um ti lai lo tiah Baibal nih bia a kan kamh.

•   “Luklak ah miṭhalo cu an lo ko lai, na kawl hna hmanh ah na hmu kho hna lai lo. Sihmanhsehlaw mi toi ah aa dormi cu ram chung ah hin him tein an um lai i daihnak kha tlamtling tein an hmuh lai.”—Salm 37:10, 11.

 Baibal i ruahchannak kong kha tam deuh in hlathlai law mah nih tuchan ah kan hmuhmi thil pawl cu Baibal chimchungbia a tlinmi a si ti kha zumh awkah aan bawmh lai. Mah capar hna zong hi rel.

 “A Hmaanmi Hmailei Ruahchannak” [Myanmar]

 “Ni Hmanung Bik” Asiloah “Donghnak Caan” Hmelchunhnak Hna Cu Zeidah An Si?”

 “Baibal nih Tuchan Mi hna Ruahnak le Tuahsernak he aa tlaiin a Chimchung maw?”